Ekteskap

Prøvingsattesten er mellom anna ein kontroll av at dei som skal gifte seg ikkje er gifte frå før og heller ikkje er i nær familie/slekt med kvarandre.

Ein søkjer om prøvingsattest ved å fylle ut dette skjemaet:

• Erklæring frå brudefolka (Q-0150). Les rettleiinga på baksida nøye for mellom anna å unngå forseinking i sakshandsaminga.
• Forlovarerklæring (Q-0151) Skal du søkje om prøvingsattest, må forlovaren din og forlovaren til den du skal gifte deg med fylle ut kvar si forlovarerklæring.
• Fråsegn om skifte (Q-0160) skal fyllast ut dersom du har vore gift tidlegare og skal gifte deg på nytt.
• Eventuelt Melding om endring av namn dersom du ønskjer å endre namn i samband med vigsla.
• I nokre tilfelle krevst det meir dokumentasjon.

Skjemaa skal sendast til skattekontoret for  kommunen der ein av dei som skal gifte seg bur.

Etter at skattekontoret har utferda prøvingsattesten, blir den sendt til bustadsadressa til ein av brudefolka, som skal levere attesten til den som skal stå for vigsla. Attesten kan òg sendast direkte til vigslaren dersom adressa til vigslaren er oppgjeven.

Skattekontoret registrerer vigsla etter melding frå vigslaren.

Separasjon og skilsmål

Skattekontoret registrerer òg sivilstandendringar i samband med separasjon og skilsmål på bakgrunn av meldingar frå fylkesmannen eller domstolane.

Eit ektepar som reknar separasjonen for avslutta, må sjølve sende melding til skattekontoret.