Skattetrekket i 2010

Skattedirektoratet sine satsar for kost i 2010 er auka frå 2009. Det er teke omsyn til endringane i konsumprisindeksen for matvarer og for husleige, lys og brensel fram til september 2009.

Skattedirektoratet sin forskottssats for trekkfri kostgodtgjering for arbeidstakarar som bur på pensjonat og for arbeidstakarar som bur på hybel/brakke der det er høve til å koke mat, er auka. Skattedirektoratet sin forskottssats for matpengar er auka.

Skattedirektoratet har fastsett frådragssatsar for bruk av bil ved besøk i heimen. Trekkfri bilgodtgjering og rimelege lån i arbeidstilhøve er også omtalt.

Fordel ved privat bruk av arbeidsgivar sin bil er omtalt. Frå og med inntektsåret 2010 fastsett Skattedirektoratet forskottssatsar for privat bruk av firmabil som fell utanfor standardregelen og for firmabilar kor fordelen ikkje står i forhold til listeprisen.

Satsar for trekkpliktige naturalytingar o.a.

Med heimel i skattebetalingslova § 5-8, jf. skattebetalingsforskrifta § 5-8-10, sjå melding Sk nr. 12/1993, har Skattedirektoratet fastsett følgjande satsar for verdien av fri kost og losji ved utrekning av forskottstrekk og ved likninga for 2010:

Det er teke omsyn til endringane i konsumprisindeksen for matvarer og alkoholfrie drikkevarer og for husleige, lys og brensel frå september 2008 til september 2009.
Satsane gjeld for heile landet. Berre dagar arbeidstakaren faktisk får slike ytingar skal reknast med.

Blir Skattedirektoratet sine satsar nytta, skal desse gjelde for alle tilsette når skattetrekk og arbeidsgivaravgift skal reknast ut, både i bokføringa og i lønnsoppgåva.

Satsane for fri kost skal nyttast same kva for stilling mottakaren har i verksemda, og kvar for seg for familiemedlemmer som får ytinga. For barn som ikkje har fylt 10 år innan utgangen av 2010, skal satsane for fri kost halverast.

Blir arbeidstakaren trekt for verdien av kost og losji etter satsar fastsette anten av Skattedirektoratet eller i tariffavtale, skal skattetrekk og arbeidsgivaravgift reknast av bruttolønn.

Dersom trekket i lønna er mindre enn satsane i tariffavtala og dessutan under satsane frå Skattedirektoratet, skal ein gi eit tillegg i bruttolønna. Tillegget skal vere lik differansen mellom direktoratet sine satsar og det beløpet som er trekt.

Dersom satsane for kost og losji i særlege tilfelle skulle verke klårt urimelege, kan ytingane setjast til ein lågare verdi ved likninga. Det er føresetnaden at denne ordninga skal reserverast heilt spesielle tilfelle og difor berre kunne nyttast unntaksvis. Det er ikkje overlate til arbeidsgivarane å ta individuelle omsyn (nytte reduserte satsar) ved fastsetjing av trekkgrunnlaget.

Utan høve til å koke mat:

Der det pga. hygiene eller liknande ikkje er forsvarleg å oppbevare og lage mat, heller ikkje frukost og kveldsmat.

Får arbeidstakaren i tillegg dekt eitt eller fleire måltid, må den trekkfrie godtgjeringa reduserast med 10 prosent for frukost, 40 prosent for lunsj og 50 prosent for middag (beløp skal rundast opp eller ned til nærmaste heile krone).

For arbeidstakarar som reiser dagleg mellom heim og arbeid, men som har så langt fråvær at dei må ete eit måltid ekstra om dagen utanfor heimen, kan arbeidsgivaren trekkfritt dekkje arbeidstakar sine kostnader til mat (ved overtid) avgrensa til Skattedirektoratet sin forskottssats. Det er ein føresetnad at arbeidstakar faktisk kjøper mat og at vedkommande har eit samanhengande fråvær frå heimen på 12 timer eller meir. Satsen gjeld ved dekning av matpengar (tariffesta / ikkje tariffesta) og ved refusjon etter rekning.

Fordel ved privat bruk av firmabil

Fordelen ved privat bruk av firmabil blir fastsett til 30 prosent av bilen sin listepris som ny inntil kr 261 600 og 20 prosent av overskytande listepris.

Grunnlaget ved berekninga i førre avsnitt er i utgangspunktet 100 prosent av bilen sin listepris som ny, men for:

• bilar eldre enn 3 år per 1. januar i inntektsåret, eller
• skattytar som godtgjer at yrkeskjøringa overstig 40 000 km i inntektsåret

blir det ved utrekninga teke utgangspunkt i berre 75 prosent av bilen sin listepris som ny.

For:

• el-bilar

blir det ved utrekninga teke utgangspunkt i berre 50 prosent av bilens listepris som ny.

Ved kombinasjon av bil eldre enn 3 år per 1. januar i inntektsåret og skattytar som godtgjer at yrkeskjøringa overstig 40 000 km i inntektsåret, blir det ved utrekninga teke utgangspunkt i 56,25 prosent av bilen sin listepris som ny.

Ved kombinasjon av bil eldre enn 3 år per 1. januar i inntektsåret og el-bil, blir det ved utrekninga teke utgangspunkt i 37,5 prosent av bilen sin listepris som ny.

Eksempel på når ein bil må reknast som eldre enn 3 år per 1. januar i inntektsåret: Ein bil er førstegongsregistrert 5. januar 2007. Deretter legg ein til 3 år. Det gir datoen 5. januar 2010. Inntektsåret etter, dvs. 2011, blir bilen rekna som eldre enn 3 år per 1. januar i inntektsåret.

Ved kombinasjon av el-bil og skattytar som godtgjer at yrkeskjøringa overstig 40 000 km i inntektsåret, blir det ved utrekninga teke utgangspunkt i 50 prosent av bilen sin listepris som ny.

Ved firmabilordning i delar av inntektsåret, blir fordelen fastsett forholdsmessig for det tal heile og påbegynte månader bilen har stått til disposisjon.

Fordel ved privat bruk av firmabil som fell utanfor standardreglane

Ved privat bruk av firmabil som fell utanfor standardreglane blir fordelen for arbeidsreiser til og med 4000 km og annan privat kjøring berekna etter ein sats på kr 3,15 per km.

For arbeidsreiser som overstig 4000 km blir fordelen berekna etter ein sats på kr 1,50 per km.

Fordel ved privat bruk av firmabil der fordelen ikkje står i forhold til listeprisen

Fordelen blir på forskottsstadiet fastsett til kr 47 000 for inntektsåret 2010, dersom firmabilordninga har vart heile året. Dette gjeld både når standardfordelen basert på listepris blir for høg eller for lav.

Bilgodtgjering er berre trekkfri når godtgjeringa blir utbetalt for yrkes- eller tenestekøyring som kilometergodtgjering etter statens reiseregulativ (særavtale) (eller lågare) og når krava til legitimasjon er oppfylt.

Rentefordel ved rimelege lån i arbeidsforhold

Når arbeidsgivaren har gitt eller formidla lån til rimeleg rente, skal det trekkjast skatt og reknast arbeidsgivaravgift av rentefordelen. Fordelen er differansen mellom renta rekna etter normrentesatsen og den faktisk påkomne renta.

Eventuelle seinare endringar i rentesatsen vil gå fram av skatteetaten.no under “Tabeller og satser”.

Modellen for berekning av normrenten opnar for seks moglege endringar i normrenten per år (1. januar, 1. mars, 1. mai, 1. juli, 1. september og 1. november). Rentefordelen skal reknast på dei aktuelle månadene. Del av månad skal reknast som heil månad. Regelen gjeld også når slike lån til dømes er gitt til arbeids¬takaren sin ektemake eller sambuar.

Rentefordelen ved eit kortsiktig mindre lån frå arbeidsgivar blir ikkje rekna som skatte¬pliktig inntekt. Vilkåra er at lånet, da det blei gitt, ikkje var større enn 3/5 av grunn¬beløpet i folketrygda (per 1. januar 2010 svarande til kr 43 729), og tilbake¬betalings¬tida er høgst eitt år.
Skattekorta for 2010 er skrivne ut på grunnlag av likninga for 2008, der ein eventuell skattepliktig rentefordel er teken med.
Skattytarar som tek opp nye lån og med dette får vesentleg skattepliktig fordel, bør endre skattekortet, sjå skatteetaten.no

Andre trekkpliktige naturalytingar

Verdi av andre naturalytingar, sjå forskrift av 21. desember 2007 nr. 1766 § 5-8, jf. Skattedirektoratet si melding Sk nr. 12/1993.

Oslo, 22. desember 2009