A-ordninga får nye nettsider på skatteetaten.no
A-ordninga har flytta informasjon og rettleiing om a-meldinga til skatteetaten.no. Dagens informasjonssider på altinn.no vil forsvinne.
Mykje er nytt
Rettleiinga er strukturert på ein ny måte
- Alt om eitt tema er samla. For eksempel er alt om arbeidsforholdet samla, og alt som gjeld lønn og andre ytingar er ført opp på éi side – slik at du enkelt skal kunne søkje og sortere på kontantyting, naturalyting og utgiftsgodtgjering.
- Kvart tema har ein referanse til det aktuelle regelverket og kva vi brukar opplysningane til.
Nye sider har komme til
- Vi har laga ei eiga side til kvar feilmelding (MAGNET_EDAG) der vi beskriv feilen og korleis du rettar han.
- Skatte- og avgiftsreglane har òg fått eigne informasjonssider.
Innhaldet er utvida
- Der brukarane meinte at dagens rettleiing ikkje svarte på det dei lurte på, har vi utdjupa og lagt til eksempel på korleis du gir opplysningane.
Klart språk i alle tekstar
- Tekstane er skrivne i Skatteetaten sin stil og tone for at innhaldet skal vere lettare å forstå.
Søket er oppgradert for å gi betre treff
- Rettleiinga til a-meldinga har fått ein eigen søkjefunksjon.
- I tillegg finn du ein overordna søkjefunksjon for skatteetaten.no som gir treff på heile nettstaden.
Endringslogg på framsida
- Når vi gjer endringar av fagleg karakter i rettleiinga, ser du det i endringsloggen på framsida av rettleiinga.
Utskrift
- Du kan skrive ut enkeltsider. Vi har teke vekk dagens rettleiing i PDF for å sikre at du har tilgang til siste gjeldande informasjon, som vil vere på nettsida.
Skjemaa er i Altinn
Du finn framleis skjema og tenester frå a-ordninga i Altinn