Skiferproduksjon

Driv du skiferproduksjon, må du skatta av inntektene frå produksjonen. Du får frådrag for kostnadene frå produksjonen. 

Gjeld dette meg?

Dette gjeld for deg som driv med skiferproduksjon.

Dette må du gjere

Skattekort og forskottsskatt

Sjekk skattekortet ditt, og hugs å betale forskottsskatt.

Meirverdiavgift

Dersom du er registrert i Meirverdiavgiftsregisteret, skal du også levere mva-melding.

Rekneskap

Før rekneskap heile året. Rekneskapen din skal vere oppdatert med alle inntekter og kostnader du har hatt.

Skattemelding

Du må levere skattemelding med næringsspesifikasjon seinast 31. mai.

Rekneskapen din legg grunnlaget for utfyllinga av næringsspesifikasjonen. Du må oppgi alle inntekter og kostnader du har i næringsverksemda. Du får frådrag for kostnader.

Inntekter

Det er inntekter frå skiferproduksjonen som skal med i skattemeldinga.

Skiferfrådrag i Nord-Noreg

Skiferfrådrag gjeld spesielt for utvalde kommunar i Nord-Troms og Finnmark 

Dette gjeld skiferproduksjon i kommunane i Troms og Finnmark, unntatt kommunane Balsfjord, Bardu, Dyrøy, Gratangen, Harstad, Ibestad, Kvæfjord, Lavangen, Målselv, Salangen, Senja, Sørreisa, Tjeldsund og Tromsø. 

Skiferfrådrag i skattemeldinga

Driv du med skiferproduksjon som næringsverksemd i meir enn seks månader av inntektsåret, kan du ha rett til skiferfrådrag.

Dersom overskottet frå skiferproduksjonen er under 54200 kroner, er skiferfrådraget det same som overskottet. Då blir den skattepliktige inntekta 0 kroner. 

Døme

   Overskott                            40 000 kroner
-  skiferfrådrag                         40 000 kroner
= Skattepliktig inntekt                       0 kroner

Dersom overskottet frå skiferproduksjonen er mellom 54 200 kroner og 328 575 kroner, er skiferfrådraget 54 200 kroner pluss 32 prosent av overskottet over 54 200 kroner.

Døme

Overskott                                                200 000 kroner
- Skiferfrådrag: 54 200 kroner +               100 856 kroner
32 % av (200 000 – 54 200)
= Skattepliktig inntekt                                 99 144 kroner

Dersom overskottet frå skiferproduksjonen er over 328 575 kroner, er skiferfrådraget 142000 kroner. 

Maksgrense for skiferfrådraget

Skiferfrådraget er maksimalt 142 000 kroner.

Deler du næringsinntekta med andre, skal de dele frådraget. Dei du deler med kan vere ektefeller eller ANS og DA (blir kalla for selskap med deltakarfastsetjing).

Ektefeller har berre krav på maksimalt eitt frådrag på til saman 142 000 kroner.

Dersom du driv jordbruk eller reindrift i tillegg til skiferproduksjon, er maksgrensa for frådrag 195 000 kroner for alle næringane samla.

Det er eigne frådrag for fiske og sjølfolk. Har du rett på desse frådraga, kan du få dei i tillegg til skiferfrådraget.

Dokumentasjon

Du treng ikkje sende oss dokumentasjon på dette, men du må kunne leggje han fram viss vi spør om det.