KMVA 8981. Auke av utgåande meirverdiavgift på grunn av for seint levert omsetnadsoppgåve. Mval. § 21-2

Klagedato: 02.05.2016

Saka gjeld: Auke av utgåande meirverdiavgift på grunn av for seint levert omsetnadsoppgåve for 6. termin 2015

Påklaga beløp utgjer kr 5 000.

Stikkord: Auke av utgåande meirverdiavgift For seint levert oppgåve

Bransje: Butikkhandel med datamaskiner og utstyr til datamaskiner

Mval.: § 21-2

　

　

KLAGE TIL KLAGENEMNDA FOR MEIRVERDIAVGIFT

 

Avgjersle av 27. juni 2015 i sak KMVA 8981 vedrørande A AS, org.nr.*** *** ***. Klagebeløp er under kr 15 000 og Skattedirektoratet avgjer dermed klagen etter meirverdiavgiftslova § 19-1 andre ledd.

A AS vart registrert i Meirverdiavgiftsregisteret frå og med 1. termin 2013. Verksemda er registrert under bransjen " butikkhandel med datamaskiner og utstyr til datamaskiner". Verksemda opplyser å ha fylgjande føremål: " Salg av data og utstyr, produsering av heimeside og programvare. Salg og montering av brann, innbrudd, adgang og teknisk alarmsystem.".

På bakgrunn av at verksemda har levert inn omsetningsoppgåva for seint fleire gonger, vart verksemda ilagt ein reaksjon i form ei auke av utgåande meirverdiavgift pålydande kr 5 000 i høve til at omsetningsoppgåva for 6. termin 2015 vart levert for seint, jf. skattekontoret sitt vedtak av 22.03.2016.

Klagen er datert 10.04.2016, men først motteke hjå skattekontoret den 02.05.2016. Til tross for at klagen er motteke for seint, jf. forvaltningslova § 29, har skattekontoret likevel funne grunnlag for å realitetshandsame klagen, jf. forvaltningslova § 31.

Påklaga beløp utgjer:

 

 

 

Klager fekk oversendt innstillinga til gjennomsyn den 23.05.2016. Skattekontoret har ikkje motteke nokon merknader til innstillinga.

Saka er ikkje brakt inn for domstolane eller sendt påtalestyresmakta.

Kopi av fylgjande dokument er lagt ved innstillinga:

Dok.nr.	Dokumentnavn	Dato
1	Forespørsel/advarsel	03.12.2013
2	Fastsettelse – øking utgåande avgift	27.05.2014
3	Fastsettelse – øking utgåande avgift	30.07.2014
4	Fastsettelse – øking utgåande avgift	23.01.2015
5	Oppgave (Påminnelse)	27.03.2015
6	Oppgave (Påminnelse)	28.07.2015
7	Skjønnsfastsettelse – manglende oppgave	28.08.2015
8	Etterlysning av manglende oppgave	18.03.2016
9	Fastsettelse – øking utgåande avgift	22.03.2016
10	Klage på vedtak	10.04.2016
11	Oversendelse av innstilling	23.05.2016

 

Klagen gjeld

Klagen gjeld auke av utgåande meirverdiavgift pålydande kr 5 000 som følgje av at meirverdiavgiftsoppgåva for 6. termin 2015 er levert for seint.

I det følgjande siterer vi frå skattekontoret si innstilling til Skattedirektoratet:  

"Faktum i saka
Klager har fleire gonger tidlegare levert omsetningsoppgåva for seint. Dette gjeld 1. termin 2014, 2. termin 2014 og 5. termin 2014. Også desse gongene har verksemda vorte ilagt ein administrativ reaksjon etter meirverdiavgiftslova § 21-2 i form av ei auke av utgåande meirverdiavgift, med hhv. kr 250, kr. 750 og kr 2 500. I tillegg til at klager har levert desse omsetningsoppgåvene for seint, har avgiftsoppgjeret for 2. termin 2015 vorte fastsatt ved skjønn på grunn av manglande oppgåve. Skjønnet vart seinere korrigert som følgje av at verksemda sendte inn oppgåve for den aktuelle termin.

Skattekontoret sendte eit skriv til klager den 18.03.2016, kor omsetningsoppgåva for 6. termin 2015 vart etterlyst. Klager sendte inn den aktuelle omsetningsoppgåva den 21.03.2016.

Ettersom også denne omsetningsoppgåva er levert for seint, fattet skattekontoret vedtak den 22.03.2016 om auke av utgåande meirverdiavgift pålydande kr 5 000.

Klage vart motteke hjå skattekontoret den 02.05.2016.

 

Skattekontoret sitt vedtak og grunngjeving Frå skattekontoret sitt vedtak følgjer det:

"Vi tok imot omsetningsoppgåva dykkar 21.03.2016. Oppgåva blei levert etter innleveringsfristen for terminen, som var 10.02.2016.

 

Kva kan dette føre til? Når omsetningsoppgåva ikkje blir levert innan fristen, kan den utgåande avgifta for terminen bli auka med inntil 3 % (minimum kr 250/maksimum kr 5 000).

 

Dette er beløpet de må betale: Vi har auka den utgåande avgifta med kr 5 000".

 

Klager sine motsegn
Klager vedgår at oppgåva er levert for seint, men anfører at kr 5 000 i gebyr ikkje står i stil med forseinkinga. Klager ynskjer ei meir rettferdig avgift.

 

Skattekontoret si vurdering av klagen
Det følgjer av meirverdiavgiftslova § 21-2, fyrste ledd at:

"Når omsetningsoppgave ikke er kommet inn i rett tid eller ikke er utfylt på riktig måte, kan avgiftsmyndighetene forhøye utgående merverdiavgift for vedkommende termin med minst 250 kroner eller med inntil tre prosent av avgiftsbeløpet. Avgiften kan ikke forhøyes med mer enn 5 000 kroner. Forhøyelsen kan foretas inntil tre år etter utløpet av vedkommende termin".

Fristen for å levere omsetningsoppgåve for eit avgiftssubjekt med alminneleg oppgåvetermin er ein månad og ti dager etter utløpet av kvar termin, med unntak av 3. termin kor fristen er satt til 31.08., jf. meirverdiavgiftslova § 15-8. Betalbar avgift forfell til betaling samstundes med oppgåvefristen for terminoppgåva, jf. skattebetalingslova § 10-30.

Fristen for å levere omsetningsoppgåva er absolutt, og Skattedirektoratet har i brev av 21.02.2012 til NARF sagt at det ikkje er mogleg å søkje om forlenging av fristen for levering av omsetningsoppgåve, ettersom meirverdiavgiftslova ikkje har nokon heimel til å vike frå oppgåvefristane. Der innleveringsfristen faller på ein laurdag, sundag eller heilegdag/lovfesta høgtidsdag, blir fristen likevel utsett til første virkedag, jf. langvarig praksis.

Oppgåvefristen for 6. termin 2015 er 10.02.2016 Klager sendte inn omsetningsoppgåva den 21.03.2016 – over ein månad for seint.

Dette er 7. gongen klager leverer omsetningsoppgåva for seint i løpet av den perioden verksemda har vorte registrert i Meirverdiavgiftsregisteret, og klager har tidlegare fått avgiftsauke tre gonger i perioden 1. termin 2014 – 5. termin 2014. I tillegg har verksemda også har fått meirverdiavgifta fastsatt ved skjønn på grunn av manglande oppgåve.

Meirverdiavgiftssystemet er basert på sjølvdeklarasjon. Det vil seie at det er avgiftssubjektet sjølv som skal rekne, bokføre og sende inn meirverdiavgifta til staten. Det strenge sanksjonssystemet knytta til korrekt levering av omsetningsoppgåva må ein se i samanheng med at omsetningsoppgåva er ein av grunnpilarene for at meirverdiavgiftssystemet skal fungere slik styresmaktene har bestemt.

Skattedirektoratet sine retningslinjer om auke av utgåande meirverdiavgift ved for seint levert omsetningsoppgåve gjer klart uttrykk for at det skal skje ei avgiftsauke i dei tilfeller kor ei verksemd har levert omsetningsoppgåva for seint fleire gonger. Ein legg her opp til ei gradvis strengare reaksjon ved gjentaking, kor det ved 5. gong (eller fleire) vert lagt opp til ei avgiftsauke med kr 5 000 – dog ikkje over 3 % av utgåande meirverdiavgift, jf. Meirverdiavgiftshåndboka 11. utgåve (2015) side 948.

Det er ikkje omtvista at klager har levert omsetningsoppgåva for seint ved fleire høve, og klager vedgår å ha levert også omsetningsoppgåva for 6. termin 2015 for seint. Klager er likevel av den oppfatning at storleiken på gebyret ikkje står i stil med forsinkinga, og ynskjer ei meir rettferdig avgift.

At ein ekstra belasting i form av ei auke i utgåande avgift kan opplevast som urimeleg er i og for seg forståeleg, men verksemda har ved fleire høve vorte gjort oppmerksam på dei fristane som gjeld ved innlevering av omsetningsoppgåve i form av påminningar og purringar, jf. skattekontoret sine skriv av 03.12.2013, 27.03.2015 og 18.03.2016. I tillegg har klager tidlegere fått avgiftsauke tre gonger innanfor eit relativt kort tidsrom – utan at dette har resultert i at klager har endra sine rutiner og sørga for å levere omsetningsoppgåvene i tide. Ettersom det her er tale om 7. gong verksemda bryt meirverdiavgiftslova § 15-8, følgjer det av Skattedirektoratet sine retningslinjer at reaksjonen fra avgiftsstyresmaktene si side skal være av strengare karakter enn det som har vært tilfelle tidlegare.

På bakgrunn av ovannemnte vert skattekontoret sitt vedtak å fastholde."

 

Skattedirektoratet sine merknader:

Det følgjer av meirverdiavgiftslova § 21-2, fyrste ledd at: "Når omsetningsoppgave ikke er kommet inn i rett tid eller ikke er utfylt på riktig måte, kan avgiftsmyndighetene forhøye utgående merverdiavgift for vedkommende termin med minst 250 kroner eller med inntil tre prosent av avgiftsbeløpet. Avgiften kan ikke forhøyes med mer enn 5 000 kroner. Forhøyelsen kan foretas inntil tre år etter utløpet av vedkommende termin".

Skattedirektoratet sine retningslinjer om auke av utgåande meirverdiavgift ved for seint levert omsetningsoppgåve gjer uttrykk for at det skal skje ei avgiftsauke i dei tilfeller kor ei verksemd har levert omsetningsoppgåva for seint fleire gonger. Ein legg her opp til ei gradvis strengare reaksjon ved gjentaking, kor det ved 5. gong (eller fleire) vert lagt opp til ei avgiftsauke med kr 5 000 – dog ikkje over 3 % av utgåande meirverdiavgift, jf. Meirverdiavgiftshåndboka 11. utgåve (2015) side 948.

Vi finn at vilkåra for å auke utgåande meirverdiavgift etter meirverdiavgiftslova § 21-2 fyrste ledd er oppfylte, og at avgiftsauke med kr 5000 er korrekt i dette tilfellet.

Skattedirektoratet sluttar seg til skattekontoret sitt vedtak og grunngjeving, og har etter dette gjort slikt vedtak:

Det påklaga vedtaket vert stadfesta.