Vilkår for bruk av forskingsdata

Teieplikt 

Forskarar har teieplikt for alle opplysningar som blir omfatta av lovfesta teieplikt. Dette gjeld også for andre type opplysningar, som kontrollmetodar, dersom det kjem fram opplysningar om dette. Taushetsplikten gjeld også etter at prosjektet er avslutta.

Andre enn godkjende søkjarar kan ikkje få tilgang til opplysningane. 

Tilgangsstyring

Berre namngitte prosjektdeltakarar i det konkrete forskingsprosjektet kan ha tilgang til opplysningane.

Føremål 

Opplysningane kan berre brukast til forskingsføremålet som er godkjent i avgjerda og kjem fram av vedtaket. Det betyr at det ikkje er lov å dele opplysningane eller bruke dei til andre føremål. Det er ikkje tillat å bruke dataa til undervisningsføremål eller andre føremål utan ny søknad eller godkjenning.

Behandling av data 

Data skal normalt behandlast på sikker teknisk løysing ved ein forskingsinstitusjon i Noreg. Me fastset eventuelle avgrensingar når me innvilgar søknaden din.

Sletting 

Data skal slettast når forskingsprosjektet er avslutta, eller på tidspunktet som står i avgjerda. Det er mogleg å få forlengt tid etter søknad.

Opplysningane skal slettast etter avslutninga av prosjektet, og det blir stilt spesifikke krav til oppbevaring og sletting i vedtaket. Det er ansvaret til forskarane å sørgje for at dataa blir oppbevarte og sletta i samsvar med vilkåra.

Endringar i prosjektet 

Om nye personar skal ha tilgang til dataa, må du søkje om ny tilgang. Du må også søkje på nytt dersom det er behov for å behalde dataa utover slettefristen, eller du ønskjer å bruke dataa i eit anna forskingsprosjekt.