Unngå trekk i inntekta
For å unngå tvangsinnkrevjing, betalingsmerknad og trekk i lønn eller yting, er det viktig at du betaler rett beløp til rett tid.
Betal kravet ditt – ulike måtar for ulike kravtypar
Om du ikkje kan betale alt med ein gong
Har du fått ei rekning frå oss som du ikkje greier å betale med ein gong, er det mogleg å søkje om ein betalingsavtale. Du kan til dømes dele opp beløpet du skuldar eller få betalingsutsetjing for nokre typar krav. Det kan vere ulike vilkår for å få innvilga ein betalingsavtale for ulike typar krav.
Om du ikkje betaler
Om du ikkje betaler fakturaer og purringar på krav frå oss, må vi ta saka vidare til tvangsinnkrevjing som vil gi deg ein betalingsmerknad.
Oversikt over krava og betalingane dine
Er du usikker på kor mykje du skuldar, kan du logge deg inn og sjå oversikta over kva krav og betalingar du har hos Skatteetaten.
Dersom du ikkje kan logge deg inn, må du kontakte oss for å få ei slik oversikt.