Klage på innkrevjinga når vi krev inn for andre
Når vi krev inn pengar på vegner av privatpersonar og andre offentlege aktørar, har du har rett til å klage på innkrevjinga.
Gjeld det meg?
Denne sida gjeld krav vi krev inn på vegner av privatpersonar og ei rekkje offentlege aktørar.
Vi krev inn på vegner av mellom andre:
Arbeidstilsynet
Barne- og familiedepartementet
Barne,- ungdoms- og familiedirektoratet (Bufdir)
Brønnøysundregistera
Datatilsynet
Digitaliseringsdirektoratet
Direktoratet for byggkvalitet
Direktoratet for medisinske produkt
Direktoratet for mineralforvaltning
Direktoratet for samfunnstryggleik og beredskap
Diskrimineringsnemnda
Enova
Finanstilsynet
Fiskeridirektoratet
Forbrukartilsynet
Forsvarsbygg
Forsvarsdepartementet
Helsedirektoratet
Helseklage
Husbanken
Justervesenet
Justis- og beredskapsdepartementet
Kartverket
Kontoret for valdsoffererstatning
Kulturdirektoratet
Kunnskapsdepartementet
Lotteri- og stiftelsestilsynet
Luftfartstilsynet
Lånekassen
Medietilsynet
Meisterbrevnemnda
Miljødirektoratet
Norec
Noregs vassdrags- og energidirektorat
Norsk filminstitutt
Norsk pasientskadeerstatning
Nærings- og fiskeridepartementet
Oslo Børs og Finansdepartementet
Pasientreiser HF
Politiet
Regjeringsadvokaten
Sjøfartsdirektoratet
Statens sivilrettsforvaltning
Statens vegvesen
Statistisk sentralbyrå
Sysselmeisteren på Svalbard
Advokattilsynet
Tolletaten
Utdanningsdirektoratet
Utanriksdepartementet
Du kan klage til oss om du meiner noko er feil i saksbehandlinga eller innkrevjingsprosessen. Om du vil klage på sjølve kravet, må du kontakte dei som har oppretta kravet.
Slik klagar du
Du kan sende oss klagen ved å logge inn og skrive til oss.
På papir
Du kan også sende klagen i posten til
Skatteetaten
Postboks 455
8601 Mo i Rana
Dette må klagen innehalde
Klagen må innehalde
- kva du klagar på – til dømes saksbehandlinga eller at trekket er for høgt
- kvifor du klagar
- kva du ønskjer å oppnå med klagen – til dømes at vi stansar trekket
- relevant dokumentasjon
- signaturen din
Klagefristen varierer frå sak til sak
Du finn klagefristen som gjeld saka di i brevet du har fått frå oss.
Innkrevjinga held fram sjølv om du har klaga
Ver klar over at klagen vanlegvis ikkje stoppar innkrevjinga av kravet.