Klage på innkrevjinga av barnebidrag og andre underhaldsbidrag
Når vi krev inn pengar på vegner av andre, har du har rett til å klage på innkrevjinga.
Gjeld det meg?
Denne sida gjeld krav om barnebidrag og andre underhaldsbidrag.
Du kan klage til oss om du meiner noko er feil i saksbehandlinga eller innkrevjingsprosessen. Om du vil klage på sjølve kravet, må du kontakte dei som har oppretta kravet.
Vel rett klageskjema
Du kan klage på:
Motrekning i framtidige bidrag (RF-1378)
For å kunne sende inn skjemaet for andre, må du ha tilgang på vegner av personen eller verksemda du representerer. Oversikt over rollene og rettane dine finn du i profilen din i Altinn (altinn.no).
For å fylle ut og sende inn skjemaet, må du ha anten
- Altinn-rolla Begrenset signeringsrett
eller
- tilgangspakke Innkreving
Kontakt Altinn brukarservice (altinn.no) om du har problem med roller og rettar.
På papir
Du kan også sende klagen i posten til
Skatteetaten
Postboks 9200 Grønland
0134 Oslo
Dette må klagen innehalde
Klagen må innehalde
- kva du klagar på – til dømes saksbehandlinga eller at trekket er for høgt
- kvifor du klagar
- kva du ønskjer å oppnå med klagen – til dømes at vi stansar trekket
- relevant dokumentasjon
- signaturen din
Klagefristen varierer frå sak til sak
Du finn klagefristen som gjeld saka di i brevet du har fått frå oss.
Innkrevjinga held fram sjølv om du har klaga
Ver klar over at klagen vanlegvis ikkje stoppar innkrevjinga av kravet.