Tips om feil i Folkeregisteret
Folkeregisteret er Noregs største og viktigaste register over personinformasjon, og rette opplysningar i Folkeregisteret er derfor avgjerande.
Om du som privatperson oppdagar avvik frå det som står i Folkeregisteret, ønskjer vi tips frå deg. Vi undersøkjer alle tipsa vi får.
Offentlege verksemder og styresmakter er pålagde å melde frå til Folkeregisteret når opplysningane deira ikkje samsvarer med det som er registrert i Folkeregisteret.
Vi utviklar den digitale løysinga vår. I dag kan du tipse oss digitalt om nokre typar feil, medan andre typar feil må du tipse oss om på papir. Vi utvidar moglegheitene for å tipse digitalt framover.