Vi kan krevje inn for offentlege oppdragsgivarar

Skatteeaten, ved innkrevjingsmyndigheita, tilbyr tvangsinnkrevjing, rekneskapsføring, rapportar og sjølvbeteningsløysingar for offentlege oppdragsgivarar.

Tjenestene for betaling og betalingsavtaler er ikke tilgjengelige fra 31. desember kl. 12:00 til 5. januar kl. 10:00

1. januar 2026 får vi ny lov om innkreving, og flere innkrevingsmyndigheter slås sammen til én, Innkrevingsmyndigheten. Derfor bygger vi om og oppdaterer nettsidene fra 1. januar og noen dager framover.

Logg inn:

Oppdragsgiverportalen

Viktig informasjon

Vi tar innkrevjingsoppdrag knytte til mellom anna

  • strafferelaterte krav
  • administrative sanksjonar
  • sektoravgifter, særavgifter og gebyr for styresmaktshandlingar
  • lån eller refusjonskrav
  • tilbakebetalingskrav

Statens innkrevjingssentral kan ta på seg kreditoroppgåver som 

  • å fakturere, purre / sende varsel om tvangsfullbyrding
  • å motrekne skattepengar og mva. til gode for å dekkje ubetalte krav
  • å behandle søknader om gjeldsordning og ettergiving
  • bubehandling etter konkursar, fisjon/fusjon og dødsbu
  • utanlandsinnkrevjing (der den som skuldar pengar ikkje bur i Noreg)

Vi kan også ta på oss tvangsinnkrevjing som mellom anna inneber

  • trekk i lønn eller trygd for å dekkje ubetalte krav
  • utleggspant i eigedelar
  • forvaltning av pant (sal av pantsette objekt)

Vi kan tvangsinnkrevje krav mot både private skuldnarar og firma.

Statens innkrevjingssentral har system for å sjekke formuesgode, det vil seie ting det er mogleg å gjere om til pengar. 

Som oppdragsgivarar kan de velje om Statens innkrevjingssentral skal 

  • rekneskapsføre det innkravde beløpet direkte i statsrekneskapen på kapittel og post. Då må vi i så fall ha ei belastningsfullmakt frå dykk.

eller

  • utbetale det innkravde beløpet direkte til dykk (remittere)

Rekneskapsføring og avstemming blir gjennomført etter reglane om rekneskapsføring i staten.

Vi skreddarsyr rapportar i samband med innkrevjingsoppdraget. Rapportane er tilgjengelege i oppdragsgivarportalen.

Rapporteringa blir gjennomført etter reglane om rekneskapsføring i staten.

Vi tilbyr sjølvbeteningstenester både for skuldnarar og oppdragsgivarar.

Skuldnarar kan logge seg inn med BankID og

  • betale
  • dele opp avdrag
  • søkje om utsetjing
  • sende inn dokumentasjon
  • endre kontaktinformasjon
  • få oversikt over ubetalte krav, restbeløp og så vidare

Som oppdragsgivar inneber sjølvbetening at du kan

  • registrere nye krav
  • melde endring på krav
  • søkje opp krav og sjå status
  • finne rapportar

Vi fakturerer skuldnaren så snart kravet er registrert. Viss de har eigne ønske om kva fakturaen skal innehalde, kan vi leggje til rette for det. Vi har tilgang til Folkeregisteret og Einingsregisteret, og sørgjer for at adresseopplysningane er oppdaterte.

Elektronisk utsending

Til personar

Vi sender i utgangspunktet fakturaer digitalt. Personen får eFaktura i nettbanken sin dersom hen har oppretta dette. Om ikkje, sender vi faktuaen i Altinn. Dei som ikkje er digitale brukarar, får han i posten.

Til bedrifter og organisasjonar

Vi bruker i utgangspunktet EHF (elektronisk handelsformat) dersom mottakaren har registrert seg som EHF-mottakar. Om ikkje, sender vi faktuaen i Altinn.

Purring

Vi følgjer opp med purring dersom kravet ikkje er betalt etter at forfallsdatoen er passert.

Kontakt oss om innkrevjingsoppdrag

Ta gjerne kontakt viss du har spørsmål eller treng avklaringar knytte til innkrevjing.