Registrere eller endre kontonummer for utbetalingar frå Skatteetaten

For å få utbetalt pengar frå Skatteetaten, må vi ha eit kontonummer. Sjekk at du har registrert eit kontonummer, og at dette stemmer.

Vi kan berre utbetale beløpet til ein bankkonto som du sjølv eig eller er disponent på.

Du kan ikkje velje eit kontonummer som krev KID.

Vi bruker den kontoen som sist var registrert hos oss til utbetalingane.

Logg inn:

Endre/registrere kontonummer

Sørg for riktig kontonummer før du leverer skattemeldinga

Viss du ikkje allereie har eit kontonummer registrert, eller du har fått nytt kontonummer, må du oppdatere så raskt som mogleg.

Tilfelle som krev annan framgangsmåte

Viss skattepliktig er død, kan du som ansvarleg for dødsbuet sjølv registrere kva konto vi skal utbetale tilgodebeløpet til.

Du kan registrere eit utanlandsk bankkontonummer som ikkje har IBAN. 

For å registrere kontonummer for eit sletta selskap, må du bruke skjema i Altinn. Kva skjema du skal bruke, kjem an på rolla di i selskapet, kva tilgangar de har gitt tidlegare og korleis selskapet vart avvikla.

Dersom alle kontoane til selskapet er sletta, og du må registrere ein konto som ikkje høyrer til firmaet, må du informere om kven som eig kontoen.

Du må skrive kva søknaden gjeld, i tillegg til namn og organisasjonsnummer på selskapet. 

Tidlegare styreleiar har tilgang til å registrere eller endre kontonummer dersom det ikkje er oppretta eit avviklingsstyre.

  • Logg inn i Altinn og finn selskapet under "Sjå sletta einingar"
  • Søk opp skjemaet "Nytt eller endra kontonummer for utbetaling av skatt" (RF-1520)
  • Send skjema for kontoregistrering direkte frå brukaren til selskapet

Viss du ikkje har norsk BankID, kan du logge inn med ID-porten og aktiveringskode for å logge deg inn i sjølvbeteningstenesta.

Om du ikkje er elektronisk brukar, kan du bruke skjemaet kontoopplysningar for å endre kontonummeret ditt.

Du får ei stadfesting

Når kontoen er registrert, får du ei stadfesting. Viss du er elektronisk brukar, får du varsel på e-post eller SMS når stadfestinga er klar.

Viss kontonummer manglar

Manglar vi kontonummeret ditt, får vi ikkje utbetalt beløpet. Viss dette gjeld deg, vil du få eit eige brev frå oss.

Du kan logge inn for å registrere kontonummer. Merk at vi berre kan utbetale beløpet til ein bankkonto som du sjølv eig eller disponent for.

Får ikkje endra kontonummeret

Om du ikkje kan endre kontonummeret elektronisk, eller av andre grunnar ikkje får endra kontonummeret slik du ønskjer, må du skrive til oss.