Skjema Q-0160

Erklæring om skifte

Om du har vore gift tidlegare og søkjer om prøving av ekteskapsvilkår, må du fylle ut erklæring om skifte. Du sender inn erklæring om skifte saman med søknad om prøvingsattest eller ekteskapsattest.

Send skjemaet til:

Skatteetaten  
Postboks 9200 Grønland  
0134 Oslo

Fyll ut den delen som gjeld deg

Skjemaet er delt inn i tre delar. Du skal fylle ut den delen av skjemaet som gjeld for din situasjon:

Under to år sidan du vart skild
Del I
Du må fylle ut denne delen av skjemaet dersom det er under to år sidan du vart skild. Skjemaet må sendast inn per post og vere underskrive av tidlegare ektefelle.

Ekteskap løyst opp ved død
Del II
Du må fylle ut denne delen av skjemaet og sende det inn per post viss det tidlegare ekteskapet ditt stansa fordi ektefellen din døydde. Skjemaet må vere underskrive av alle arvingane. I tillegg må du sende inn skifteattest frå Tingretten med oversikt over kven som er arvingar.

Over to år sidan du vart skild
Del III
Du må fylle ut denne delen av skjemaet og sende det inne per post dersom det er over to år sidan du vart skild. Når det er over to år sidan skilsmissa kan du sjølv underskrive på at skifte er gjennomført eller at det ikkje var noko å skifte.

Merk! Om du skal søkje om prøvings-/ekteskapsattestattest digitalt, treng du ikkje fylle ut papirskjema for erklæring av skifte, når det er over to år sidan du vart skild. Dette er ein del av den digitale søknaden.

For personar som er skilde etter utanlandsk rett, må skilsmissa vere anerkjent av Statsforvaltaren. Dette gjeld ikkje om skilsmissa vart gjennomført i eit av dei andre nordiske landa, og begge ektefellene budde og hadde statsborgarskap i eit nordisk land på tidspunktet for skilsmissa.

Når Statsforvaltaren må anerkjenne skilsmisse etter utanlandsk rett, kan ein òg søkje om fritak for å dokumentere skifte viss det er mindre enn to år sidan skilsmissen vart innvilga. Søknadsskjema kan lastast ned hjå Statsforvaltaren.