Skjema RF-1526
Søkje om endring av trekk i inntekt for skatte- og avgiftskrav
Viss vi har starta tvangsinnkrevjing for å få inn skatt som du skuldar, kan du søkje om å få endra eller stansa trekket i inntekta di om den økonomiske situasjonen har endra seg.
Når du søkjer om endring av trekket ditt, må du grunngje kvifor du meiner at trekket er feil. Du må dokumentere relevante opplysningar for saka di.
Når vi mottar utfylt skjema, vurderer vi storleiken på trekket på nytt. Ser vi at trekket er for høgt, sender vi arbeidsgivaren din eller Nav melding om eit nytt og lågare trekk. Arbeidsgivar eller Nav kan ikkje trekkje deg mindre før vi har gjeve beskjed om dette.
Du kan også søkje om endring av utleggstrekket på papir. Då bruker du skjemaet “Opplysninger om inntekt og formue” som du fekk saman med varselet om utleggstrekk.
Viss du ikkje har dette skjemaet, kan du laste ned skjemaet som PDF.
Hugs at opplysningane skal dokumenterast og leggjast ved søknaden.
Papirskjemaet sender du til:
Skatteetaten
Postboks 9200 Grønland
0134 Oslo
Merk deg at viss du får innvilga søknaden om lågare trekk, vil det forlenge nedbetalingstida di.
Viss det blir berekna forseinkingssrenter på kravet ditt, vil også det kunne forlenge nedbetalingstida di.