Summary

Bruk OECD-rettleiingane saman med presiseringane våre her for å unngå feil eller merknader i Summary når du skal sende inn melding for suppleringsskatt (GIR) til oss. Rettleiinga for utfylling av XML-fila følgjer av XML Schema User Guide s. 35-41.

Summary inneheld ei oppsummering av informasjon per land, medrekna Safe Harbour og unntaksreglar, og dessutan opplysningar om kva land som har skattleggingsrett.

Summary skal fyllast ut i tråd med XML Schema User Guide s. 35–41. Dette gjeld også der XML-fila ikkje er meint for utveksling (sentralisert levering). Dette betyr at Summary skal innehalde informasjon om alle land og eventuelt verksemder eller undergrupper i eit land som det skal gjerast separat berekning for, uavhengig av kvar dei er lokaliserte. Der det skal gjerast separate berekningar for ei verksemd eller undergruppe av verksemder i eit land, må Summary gjentakast for å reflektere dei aktuelle undergruppene. 

Slik fyller du ut meldinga

RecJurCode

Oppgi landkode for Noreg – NO. Viss melding for suppleringsskatt (GIR) er meint for utveksling med andre land, må elementet RecJurCode også innehalde landkodar for alle land som skal få opplysningar i Summary. I tillegg må verdien “GIR401” eller “GIR402” førast opp i FilingCERole elementet i Filing Info for å indikere at Summary er meint for utveksling. Skal opplysningane i Summary ikkje utvekslast, er det nok å føre opp landkoden for Noreg. Før opp verdien “GIR403” eller “GIR404” i FilingCERole elementet i Filing Info for å indikere at Summary ikkje skal utvekslast.

JurWithTaxingRights

For kvart land og eventuell undergruppe skal det i Summary fyllast ut opplysningar om land med skattleggingsrett i elementet JurWithTaxingRights. Alle land med skattleggingsrett skal førast opp, også der det ikkje blir berekna nokon suppleringsskatt fordi effektiv skattesats er over 15 prosent, ved bruk av Safe Harbour-reglar, unntaksregel eller liknande.

Subgroup

Elementet Subgroup skal brukast når konsernet har verksemder eller undergrupper som det skal gjerast separate berekningar for. Dette gjeld for felleskontrollerte verksemder og undereiningane deira, investeringseiningar og forsikringsinvesteringseiningar, minoritetseigde konserneiningar og minoritetseigde underkonsern, og dessutan statslause einingar. Før opp ein av dei førehandsdefinerte verdiane GIR1101-GIR1106 i elementet TypeofSubGroup og dessutan TIN for verksemda øvst i eigarstrukturen for kvar enkelt undergruppe. Der det skal gjerast separate berekningar for ei verksemd eller undergruppe av verksemder i eit land, må Summary gjentakast for å reflektere dei aktuelle undergruppene i landet. Tilsvarande informasjon om Subgroup skal førast opp i Jurisdiction Section.  

Safe Harbour

I Summary skal det førast opp informasjon om Safe Harbour-reglar verksemda som leverer melding for suppleringsskatt (GIR) har brukt. Tilsvarande skal det informerast om bruken av reglane om unntaket for bagatellmessig inntekt og resultat i supl. § 5-5.

Ved bruk av reglane for forenkla berekningsmetode Safe Harbour for uvesentlege konserneiningar i suppleringsskatteforskrifta §§ 5-7-20 til 5-7-21 skal ein av dei førehandsdefinerte verdiane “GIR1207-GIR1209” førast opp for å indikere at ein av dei tre testane er brukte.

Når den rapporterande verksemda vel å bruke ein Safe Harbour-regel eller unntaket for bagatellmessig inntekt og resultat i eit land eller for ei undergruppe, blir normalt suppleringsskatten redusert til null. I slike tilfelle skal den rapporteringspliktige verksemda ikkje fylle ut heile Jurisdiction Section, men berre den delen som gjeld ETR Exception.

  • Når verksemda har brukt forenkla berekningsmetode Safe Harbour, og den forenkla berekninga ikkje gjeld for alle verksemdene lokalisert i det aktuelle landet. I slike tilfelle skal den rapporteringspliktige verksemda fylle ut dei relevante delane av Jurisdiction Section for dei verksemdene som ikkje blir omfatta av dei forenkla berekningane.
  • Når verksemda har brukt forenkla berekningsmetode Safe Harbour, men det skal bereknast etterberekna suppleringsskatt. I slike tilfelle må dei relevante elementa i Jurisdiction Section også fyllast ut.
  • Når verksemda har brukt testen om rutinemessig overskott under reglane om forenkla berekningsmetode Safe Harbour (GIR1209) eller den mellombelse Safe Harbour-regla knytt til land-for-land-rapportering (GIR1205). I slike tilfelle skal den rapporterande verksemda også fylle ut elementet Substance Exclusion i Jurisdiction Section. Når Substance Exclusion blir fylt ut, må også resten av “validation” elementa i Overall Computation fyllast ut med verdien 0 for å unngå XSD-valideringsfeil. Dette gjeld elementa FANIL, AdjustedFANIL, NetGlobeIncome, IncomeTaxExpense, ETRRate, TopUpTaxPercentage, ExcessProfits, TopUpTax og ExcessNegTaxExpense.
  • Når verksemda har brukt kvalifisert nasjonal suppleringsskatt Safe Harbour (GIR1202). I slike tilfelle skal Jurisdiction Section fyllast ut, men etter dei nasjonale reglane som gjeld i Safe Harbour landa. Merk at reglane om kvalifisert nasjonal suppleringsskatt Safe Harbour også kan brukast i kombinasjon med éin av dei andre Safe Harbour-reglane. Der verksemda har valt å bruke kvalifisert nasjonal suppleringsskatt Safe Harbour i kombinasjon med ein annan Safe Harbour regel, må berre den delen som gjeld desse vala fyllast ut.

Kvalifisert nasjonal suppleringsskatt Safe Harbour (GIR1202) kan ikkje veljast viss ein av switch-off reglane i suppleringsskatteforskrifta § 5-7-10 tredje ledd blir brukt.

For meir informasjon om Safe Harbour-reglane sjå Skatt-ABC S-22-6 Safe Harbour-reglar

DocSpec 

Oppgi verdien “OECD1” i elementet DocTypeINdic. Dei alternative førehandsdefinerte verdiane skal ikkje brukast ved levering av melding for suppleringsskatt (GIR) i Noreg. Elementet DocRefId skal fyllast ut med ein valfri tekst som gir ein unik referanse, til dømes “GIR2024NOII“, der II blir erstatta med eit nytt tal for kvar del av fila.