Betalingsavtale for skatte- og avgiftskrav

Hovudregelen er at skattar og avgifter skal betalast til forfall. Privatpersonar og næringsdrivande kan søkje om betalingsavtale. 

Ein betalingsavtale kan vere ein avtale om å dele opp eller utsetje betalinga. 

Vi tilrår at du heller deler opp kravet, enn at du utset betalinga. 

Du kan søkje om betalingsavtale for

  • skatt og/eller arbeidsgivaravgift
  • meirverdiavgift (mva.)
  • særavgift, motorvognavgift, inn- og utførselsavgift og vektårsavgift

Slik søkjer du om betalingsavtale

Du kan ikkje få betalingsavtale for forskottstrekk, skattetrekk og trekk i inntekt. 

Om du søkjer om å dele opp betalinga:

  • Krava må til saman vere under 100 000 kroner.  
  • Krava må betalast ned seinast 12 månader etter forfallsdatoen på det eldste kravet.
  • Avdragsbeløpet må vere minimum 500 kroner per månad.  

Om du søkjer om å utsetje betalinga:

  • Du kan søkje for berre eitt krav. 
  • Kravet må vere på under 100 000 kroner. 
  • Du kan søkje om utsetjing i maksimalt fire månader frå forfallsdatoen på kravet. 

For å søkje om å dele opp eller utsetje betalinga etter kriteria over, må du ha fylt 18 år. Du må ha overhalde betalings- og rapporteringspliktene dine det siste året. Du kan ikkje ha fått varsel om utlegg for krava du søkjer betalingsavtale for, og det kan heller ikkje vere vedtatt at du skal trekkjast i inntekta di. 

Om du ikkje oppfyller kriteria over, kan vi unntaksvis gi deg ein betalingsavtale. Då må betalingsavtalen  

  • gi like god eller betre dekning enn innkrevjing med andre verkemiddel, til dømes tvangsinnkrevjing 
  • ikkje virke støytande eller kunne svekkje den alminnelege betalingsmoralen

Det er Innkrevingsmyndigheita i Skatteetaten som vurderer om kriteria er oppfylte.

 

  • Forklaring på kvifor du ikkje kan betale i tide eller på vanleg måte.
  • Forslag til betalingstilbod eller nedbetalingsplan.
  • Oversikt over inntektene og utgiftene til husstanden.

Søknaden må omfatte alle skatte- og avgiftskrava du har.

Du må sende inn dokumentasjon på utgiftene dine.

Logg inn:

Søk om betalingsavtale

Viss du ikkje er elektronisk brukar eller du ikkje kan sende inn alle vedlegga elektronisk, må du sende inn søknadsskjemaet på papir. Då tar det lengre tid før du får svar på søknaden din.

Du kan laste ned søknadsskjemaet (RF-1530, PDF) og fylle det ut. Send søknaden til:

Skatteetaten
Postboks 9200 Grønland
0134 Oslo

Desse kan søkje:

  • aksjeselskap (AS) og allmennaksjeselskap (ASA)
  • norskregistrerte utanlandske føretak (NUF)
  • enkeltpersonsføretak (ENK)

I praksis skal det meir til for å få ein betalingsavtale for aktive næringsdrivande, sidan det vil kunne verke konkurransevridande i marknaden. 

  • Krava må til saman vere under 100 000 kroner.
  • De kan søkje om utsetjing i maksimalt fire månader frå forfallsdatoen på det eldste kravet
  • de må ha overhalde rapporteringsplikta for skattemelding, mva- og særavgiftmelding
  • de må ha betalt forskottstrekk, skattetrekk og trekk i lønn hos tilsette (utleggstrekk)
  • de må ikkje ha fått varsel om utlegg for krava de søkjer betalingsavtale på
  • det kan ikkje vere opna konkurs i verksemda

Om de ikkje oppfyller kriteria over, kan vi unntaksvis gi dykk ein betalingsavtale. Då må betalingsavtalen  

  • gi like god eller betre dekning enn innkrevjing med andre verkemiddel, til dømes tvangsinnkrevjing 
  • ikkje virke støytande eller kunne svekkje den alminnelege betalingsmoralen

Det er Innkrevingsmyndigheita i Skatteetaten som vurderer om kriteria er oppfylte.

De må dokumentere

  • siste avstemde årsrekneskap
  • oppdatert rekneskap
  • balanserapport som ikkje er eldre enn to månader. Rapporten skal innehalde ei oversikt over eigedelar, gjeld og krav som er sikra ved pant (pantesikra fordringar)
  • likviditetsbudsjett som viser kva som er forventa av inntekter og utgifter i nedbetalingsperioden. Forslaget må vise at det er sett av pengar til skatt og avgift som forfell undervegs, og til avdraga som er føreslåtte i betalingsplanen.
  • opplysningar om anna gjeld og korleis de betaler ned denne gjelda
  • opplysningar om eventuell kassakreditt

Søknaden må omfatte alle skatte- og avgiftskrava de har.

Logg inn:

Søk om betalingsavtale eller betalingsutsetjing

Det er viktig at du følgjer opp avtalen for at kravet ditt ikkje skal gå vidare til tvangsinnkrevjing og trekk i inntekta di.

Viktig informasjon

Ver merksam på at vi ikkje kan stanse innkrevjinga medan vi behandlar søknaden din, og at det vil komme på forseinkingsrenter frå forfallsdatoen og fram til kravet er betalt. 

Om du har alvorlege gjeldsproblem

Skattehjelpa er ei eining i Skatteetaten som kan hjelpe skattepliktige som er i ein særleg vanskeleg livssituasjon. Målet er å finne løysingar som kan forbetre situasjonen, og gjere den skattepliktige i stand til å betale rett skatt.