Skatteetaten og forsking
Skatteetaten har ansvar for å fastsetje skattar, avgifter og å forvalte Folkeregisteret. Vi har også ansvar for å krevje inn betalingskrav det offentlege har mot personar og verksemder. For å løyse oppgåvene våre treng vi god kunnskap om samfunnet, og vi samarbeider derfor med forskingsmiljø både i Noreg og internasjonalt.
Vi støttar forsking som kan gi betre innsikt i områda vi arbeider med, særleg skattesvik, etterleving, økonomisk åtferd og effektar av skattesystemet.
Gjennom samarbeid med forskarar ønskjer vi å
- styrke kunnskapsgrunnlaget vårt
- utvikle robuste fagmiljø
- sikre god bruk av forskingsresultat i arbeidet til etaten
- bidra til utdanning av nye spesialistar innan skatteområdet
- gjere forvaltninga meir open og tilgjengeleg
Søk om tilgang til forskingsdata
Du kan søkje om tilgang til forskingsdata frå Skatteetaten om du har eit godkjent forskingsprosjekt.