Skattereglar for pensjonistar

• Alderspensjon, AFP og andre pensjonsytingar er skattepliktig inntekt.
• Skatt på alminneleg inntekt er 22 prosent. For personar busette i innsatssona i Nord-Troms og Finnmark er skattesatsen 18,5 prosent på alminneleg inntekt.
• Trygdeavgifta for pensjonsinntekt er 5,1 prosent.
• Satsen på minstefrådraget for pensjonsinntekt er 40 prosent. Den øvre grensa er 86 250 kroner.
• Uføreytingar blir skattlagde som lønnsinntekt. Trygdeavgifta for lønnsinntekt og uføreytingar er 7,8 prosent. Satsen på minstefrådraget for lønnsinntekt og uføreytingar er 46 prosent. Den øvre grensa er 104 450 kroner.
• Mottakarar av alderspensjon frå folketrygda, mottakarar av avtalefesta pensjon (AFP) i offentleg sektor fødde i 1962 eller tidlegare, mottakarar av supplerande stønad til personar med kort butid i Noreg og mottakarar av AFP i offentleg sektor fødde i 1963 eller seinare, kan få skattefrådrag for pensjonsinntekt i inntektsskatt og trygdeavgift.
• Ektefelletillegget etter folketrygdlova til dei som får alderspensjon og/eller AFP, er skattefritt for pensjonistar som byrja å få ektefelletillegget før 1. januar 2011.
• Kompensasjonstillegg til AFP i privat sektor som blir utbetalt til mottakar fødd i 1962 eller tidlegare, er skattefritt. 

Dersom du er skattemessig busett i utlandet og betaler kjeldeskatt på den norske pensjonen din, sjå pensjonistar som er skattemessig busette i utlandet.