Vil du hjelpe oss med å bli bedre? Vi jobber med å gjøre det lettere å finne fram på nettsidene våre, og trenger din hjelp.

Skatteplikt for utanlandske arbeidstakarar med utanlandsk arbeidsgivar

Utanlandske arbeidstakarar som arbeider i Noreg er i utgangspunktet skattepliktige for lønnsinntekt som er tent her. Skatteavtalane Noreg har inngått med andre land, kan avgrense plikta du har til å betale skatt i Noreg.

Sjå skatteavtalane Noreg har med andre land.

Du skal betale skatt til Noreg dersom du går inn under ein av desse kategoriane:

Du oppheld deg i Noreg i meir enn 183 dagar i løpet av ein 12-månadersperiode.
Arbeidsgivaren din har fast driftsstad i Noreg.
Du er leigd ut til ei verksemd i Noreg.
Du arbeider for ei verksemd i Noreg.

Du skal sannsynlegvis ikkje betale skatt til Noreg dersom du oppfyller alle desse vilkåra:

Du har opphalde deg i Noreg under 184 dagar i løpet av ein 12-månadersperiode.
Du har ikkje arbeidd på ein fast driftsstad som arbeidsgivaren din har etablert i Noreg.
Du er ikkje leigd ut til ei verksemd i Noreg.

Viss du meiner du har lønn som ikkje er skattepliktig til Noreg, fører du dette i skattemeldinga di.