Nettolønn ved variabel månadsløn
Arbeidsgivar kan bruke omrekningstabellen frå netto til brutto når ein tilsett er mellombels skattepliktig til Noreg og har ein arbeidsavtale der det blir utbetalt variabel nettolønn over ubestemt tid. Tabellen kan ikkje brukast dersom den tilsette har fått skattekort for kjeldeskatt på lønn.
Arbeidsgivaren må halde kontroll på
- kor lenge den tilsette har vore tilsett
- kor mykje han/ho får utbetalt i nettolønn kvar månad
- kva bruttolønn som er rekna ut
- kva skattetrekk som er rekna ut
Ved første lønnsutbetaling må arbeidsgivaren
- velje korrekt tabelltype
- leggje inn éin månad som lengde på opphaldet
- leggje inn nettolønn
Det blir då rekna ut kor mykje bruttolønna utgjer og kor mykje skatt som skal betalast inn.
Ved andre lønnsutbetalingar skal arbeidsgivaren
- bruke same tabelltype som sist
- leggje inn 2 månader som lengde på opphaldet
- leggje inn nettolønn for førre månad og inneverande månad
Det blir då rekna ut bruttolønn og samla skatt for begge månadene. Arbeidsgivaren trekkjer frå bruttolønn frå månad 1 og gjer det same med skatten som er trekt. Slik held arbeidsgivar fram til arbeidsperioden er over, eller året er omme, avhengig av kva som kjem først.