Opprette forvaltarkonto (NOM-konto)

Forvaltarar må søkje om løyve til å opprette forvaltarkonto (NOM-konto) i VPS med lågare sats enn 25 prosent.

Vilkår for løyvet

For å få løyve til å opprette forvaltarkonto med lågare skattesats, må du stadfeste at du

  • har fått løyve frå Finanstilsynet
  • berre skal registrere aksjar på forvaltarkonto i VPS med redusert kjeldeskattesats på vegner av endeleg utbyttemottakar etter å ha fått dokumentasjon
  • skal sørgje for at dokumentasjonen blir fornya innan fristane som er sette i skattebetalingsforskrifta § 5-10a
  • vil leggje fram opplysningar om endeleg utbyttemottakar på førespurnad frå Skatteetaten
  • er kjent med at det norske selskapet som utbetaler utbytte har plikt til å trekkje og innbetale korrekt kjeldeskatt på aksjeutbytte til utanlandske aksjonærar, og at du kan bli halde ansvarleg dersom skattetrekket ikkje blir utført riktig
  • merke forvaltarkonto i VPS med «NOM»

Om du har fått løyve etter reglane som gjaldt før 1. januar 2019, må du søkje om eit nytt løyve.

Søk om løyve

Last ned og fyll ut:

Søk om løyve til å registrere aksjar på NOM-kontoar med redusert og/eller 0 prosent kjeldeskattesats

Dette må søknaden innehalde

  • Finanstilsynets ID
  • Stadfesting på at du har gjort deg kjend med dokumentasjonskrava for redusert eller 0 prosent kjeldeskattesats på utbytte, og med vilkåra for løyvet
  • Kopi av løyve frå Finanstilsynet til å stå oppført som forvaltar i norsk verdipapirregister. Du kan også vise til registeret til Finanstilsynet over autoriserte forvaltarar, dersom det kjem der fram at du har eit slikt løyve.
  • Skjema med opplysningar om dei endelege utbyttemottakarane.
    • Last ned og fyll ut excel-skjema
    • Når du sender inn skjemaet, stadfestar du at du kjenner reglane for redusert eller 0 prosent kjeldeskattesats på utbytte etter skatteavtale eller fritaksmetode.

Send søknaden til oss på ein trygg måte

Søknaden med vedlegg skal sendast elektronisk.

Ta kontakt med oss for å avklare ein sikker måte å sende søknaden.

Kontakt oss

Om du har spørsmål, kan du skrive til oss.

Hugs at du ikkje må dele sensitive opplysningar når du ikkje er logga inn.

Aktuelt regelverk