Meldinga tek berre for seg viktige endringar i skjemaverket i forhold til fjoråret, og oppretting av feil som er oppdaga.

Nytt i 2000: RF-1170, RF-1172, RF-1173 og RF-1174 er nye: Det er utarbeidd to nye skjema med rettleiingar. RF-1170 er "Næringsoppgåve 3 for forsikringsselskap m.m" og RF-1173 er "Næringsoppgåve 4 for bankar, finansieringsforetak m.m."

Næringsoppgåve 3 skal fyllast ut av alle foretak som blir omfatta av forskrift av 16.12.1998 nr. 1241 om Årsregnskap m.m. for forsikringsselskaper § 1-1. Filialar av utanlandske forsikringsselskap som er etablert i Norge etter Finansieringsvirksomhetsloven § 1-4 pkt. 4 og 5 og pensjonskassar som blir omfatta av forskrift av 05.07.1999 nr 795, skal også levere næringsoppgåve 3.

Næringsoppgåve 4 skal leverast av forretningsbankar, jf. lov av 24. mai 1961 nr 2 om Forretningsbanker, sparebanker, jf. lov av 24. mai 1961 nr. 1 om Sparebanker, finansieringsforetak, jf. lov av 10. juni 1988 nr. 40 om Finansieringsvirksomhet og finansinstitusjoner kapittel 3, morselskap som nemnt i lov av 10. juni 1988 nr. 40 om Finansieringsvirksomhet og finansinstitusjoner § 2a-2 bokstav d som eig institusjon som nemnt i punkt 1,2 eller 4. I tillegg skal utanlandske filialar i Norge som blir omfatta av Finansieringsvirksomhetsloven § 1-4 pkt. 4 og 5, levere RF-1173.

Merk: Om nye avskrivingssatsar på landbruksbygg, sjå pkt. 7.

Innhold

1. Sjølvmeldingane m/vedlegg

2. Næringsoppgåve 1 (RF-1175) og næringsoppgåve 2 (RF-1167) med tilknytte skjema

3. Skjema for utrekning av personinntekt (RF-1224)

4. Skjema som gjeld aksjonærskattlegginga

5. Skjema som gjeld likninga av deltakarar i deltakarlikna selskap

6. Skjema som gjeld kraftføretak

7. Skjema i primærnæringane

8. Skjema som gjeld reiarskattlegginga

9. Andre skjema