Ein elektronisk ID gir deg tilgang til Skatteetaten sine tenester på nett
Ein elektronisk ID er eit identitetsbevis som stadfester kven du er. Det er ein rask, effektiv og trygg måte å få tilgang til digitale tenester frå stat og kommune på.
Slik får du ein elektronisk ID
For å få ein elektronisk ID, må du ha eit norsk fødselsnummer eller d-nummer.
På Norge.no kan du lese om ulike elektroniske identitetar og korleis du skaffar deg ein elektronisk ID:
Ikkje del den elektroniske ID-en din med andre
Den elektroniske ID-en din er privat og det er berre du som skal bruke han. Ikkje del den personlege koden eller passordet med verken arbeidsgivaren din, venner eller andre. Dersom andre får tilgang til den elektroniske ID-en din, kan dei misbruke han.
Dersom du ønskjer å bruke digitale tenester på vegner av ei utanlandsk verksemd, må du gjere dette:
- Sjekk om verksemda er registrert i Einingsregisteret. Dersom verksemda ikkje er registrert, kan du registrere verksemda.
- Søk om d-nummer
- Bruk d-nummeret ditt til å bestille eit aktiveringsbrev for MinID. Det vil ta nokre dagar før du får aktiveringsbrevet i posten til den folkeregistrerte adressa di. Dersom du har d-nummer, og ikkje har registrert ei norsk postadresse, vil du få aktiveringsbrevet sendt til adressa du har oppgitt i utlandet.
- Når du har fått aktiveringsbrevet i posten, kan du registrere ein MinID-brukar.
- Få tildelt riktig rolle i Altinn av den som registrerte verksemda eller andre som har rettar.
- Sjekk om verksemda er registrert i Einingsregisteret. Dersom verksemda ikkje er registrert, kan du registrere verksemda.
- Lag ein elektronisk ID om du ikkje allereie har det.
- Sørg for at du får rett rolle i Altinn. Logg på med den elektroniske ID-en din.
Dette kan du gjere med ein elektronisk ID
Når du har ein elektronisk ID kan du logge inn for å
- søkje om skattekort og sjekke kor mykje du betaler i skatt
- melde flytting digitalt
- endre adresse
- bestille attestar
- sende inn mange søknader utan å møte hos Skatteetaten, og utan å sende dokument i posten
- få skattemeldinga, skatteoppgjeret og andre dokument digitalt
- ha digital dialog med Skatteetaten
- sjekke kva arbeidsgivarar rapporterer om deg, til dømes inntekta di, skattetrekket ditt og arbeidsforholda dine
Du får varsel på mobil og/eller e-post når du har fått noko frå oss.
Hald kontaktinformasjonen din oppdatert
Har du ein elektronisk ID, kontaktar vi deg på e-post eller på SMS. Du må passe på at du har registrert rett e-postadresse og mobilnummer. Du kan også velje kva språk du ønskjer å få dokument og meldingar frå oss på.
Du kan reservere deg mot digital kommunikasjon
Om du ønskjer å få informasjon på papir, må du reservere deg mot digital kommunikasjon. Når du reserverer deg, blir viktige brev og vedtak frå offentleg sektor sendt til deg i posten.