Forenkla a-melding for lønna arbeid i heimen

• pass av barn under 12 år
• pass av barn med særskild behov for omsorg og pleie uansett alder, og lønna er meir enn 6 000 kroner per tilsett per år
• anna arbeid i heimen (ikkje barnepass), og lønna inkludert verdien av kost og losji er meir enn 6 000 kroner per tilsett per år
• anna arbeid i heimen (ikkje barnepass), og den samla lønna for alle arbeidstakarane inkludert verdien av kost og losji ikkje er meir enn 60 000 kroner per år
• verje (etter verjemålslova § 30) som er meir enn 6 000 kroner per verje per år, når utbetalinga skjer frå personen som treng verje

 

Merk!
Dersom utbetalingane er meir enn 60 000 kroner i året, skal du ikkje bruke denne tenesta. Då skal du bruke den ordinære a-meldinga (A02 eller direkte levering). Dersom du allereie har brukt denne tenesta og det viser seg at du går over beløpsgrensa, kan du bruke tenesta ut året. Beløpsgrensa gjeld ikkje for utbetalingar for pass av barn under 12 år, eller for barn med særskilde behov for omsorg og pleie.

For utbetalingar under 6 000 kroner per tilsett per år, treng du ikkje sende inn a-melding.

Tenesta er for privatpersonar som betaler ut lønn til tilsette for arbeid i eller på sin eigen bustad eller fritidseigedom.

For å bruke skjemaet treng du ei av desse rollene i Altinn:

• privatperson avgrensa rettar
• utfyllar/innsendar
• rekneskapsførar med signeringsrett
• rekneskapsførar utan signeringsrett
• rekneskapsførar lønn
• ansvarleg revisor
• revisormedarbeidar

 

Her finn du meir informasjon og ei oversikt over alle Altinn-rollene

Dersom du er ukjent med rapportering i Altinn, gå til hjelpesidene.

Frist
Du må sende skjemaet seinast den første kvardagen etter ei lønnsutbetaling.

Betaling
Du må betale forskottstrekket til Skatteetaten med eigen KID same dagen som du sender meldinga.

Samanstilling/årsoppgåve
Dersom du leverer a-melding for arbeid i heimen er du fritatt frå å levere ei årleg samanstilling/årsoppgåve til dei tilsette.

1. Vel kven du skal representere. Dersom du har tilgang og skal representere andre enn deg sjølv, finn du namnet deira i lista.
   
   
2. Vel "Lever ny a-melding" på hovudsida.
   
   
3. Fyll ut fullt namn på personen som har arbeidd for deg, fødselsnummeret eller d-nummeret til personen og datoen du har betalt ut lønn for arbeidet hen har utført.
   
   
4. Om du ikkje har betalt ut lønn enno, legg du inn den framtidige datoen du skal betale ut lønn.
   
   
5. Fyll ut kva slags arbeid som er utført i heimen.
   
   
6. Legg inn perioden du skal lønne for med startdato og sluttdato, lønn inklusive feriepengar og eventuelt verdien av kost og losji.
   
   
7. Dersom husstanden har betalt ut over 60 000 kroner i lønn for anna arbeid i heimen i år, skal du berekne og fylle ut arbeidsgivaravgift. Dersom husstanden ikkje har betalt ut over 60 000 kroner i lønn, eller arbeidet har vore pass og stell av barn, skal du huke av nei her.
   
   
8. Fyll inn forskottstrekket som skal trekkjast. Du skal skrive inn beløpet i heile kroner, ikkje prosentsatsen eller tabellnummeret.
   
   
9. Trykk "Gå vidare".
   
   
10. Kontroller opplysningane og stadfest at dei er rette i avhukingsboksen før du trykkjer send inn a-melding.
    
    

Då får du ei oversikt over kva som er sendt inn og KID-nummer og kontonummer for betaling av forskottstrekk og arbeidsgivaravgift.

Du trekkjer forskottstrekket frå lønna før du betaler ho ut til den tilsette, og du skal betale inn forskottstrekk og arbeidsgivaravgift til Skatteetaten seinast dagen etter at du har levert forenkla a-melding for lønna arbeid i heimen.

Den innsende a-meldinga vil liggje i oversikta på hovudsida. Ho blir sortert etter kva månad du har betalt ut lønna. Du kan sjå og endre den innsende meldinga dersom noko er feilaktig registrert.

Du kan rette ei tidlegare innsend a-melding for arbeid i heimen. Dette vil erstatte meldinga du har sendt inn tidlegare. Det er derfor viktig at du tar med all informasjon som skal gjelde framover i erstatningsmeldinga, ikkje berre endringane som skal gjerast.

• Finn a-meldinga du skal erstatte i oversikta på hovudsida.
• Vel «Endre a-melding» i den aktuelle a-meldinga du skal rette.
• Så må du:
  • rette feila
  • huke av for om husstanden har betalt ut lønn på over 60 000 kroner eller ikkje
  • fylle inn informasjon om arbeidsgivaravgift, dersom det er aktuelt
  • trykkje «Gå vidare»
  • stadfeste at opplysningane er rette
  • trykkje send inn

Dersom du har gjort endringar på forskottstrekket og skal betale inn meir, må du betale inn differansen mellom det du har betalt tidlegare og summen som står oppført på kvitteringssida. Om du har betalt inn for mykje forskottstrekk, vil du få utbetalt differansen.

Merk!
Dersom du erstattar ei melding du har sendt inn, må den nye meldinga vere komplett. Den nye meldinga skriv over all informasjon som stod i meldinga du har valt å erstatte

Dersom du skal slette alle opplysningane du har sendt inn i ei a-melding, må du annullere meldinga.

Slik gjer du det:

• Finn a-meldinga du skal annullere (slette) i oversikta over innsende a-meldingar.
  
  
• Lat all informasjonen om den tilsette stå, og set sluttdato lik startdato for når arbeidet vart utført.
  
  
• Slett all informasjon om lønn, skattetrekk og eventuell arbeidsgivaravgift.
  
  
• Skriv 0 i alle obligatoriske felt.
  
  
• Trykk «Gå vidare».
  
  
• Stadfest at opplysningane er rette og send inn a-meldinga.

• Opprett ei ny a-melding og fyll ut etter stega i "Slik fyller du ut a-meldinga" fram til punkt 6.
  
  
• Huk av for at du har betalt inn over 60 000 for arbeid i heimen.
  
  
• Fyll ut sone for arbeidsgivaravgift. Sona er bestemt ut frå kva kommune husstanden høyrer til og kvar arbeidet er utført.
  
  
• Dersom det er første gongen du legg inn arbeidsgivaravgift, tar du med lønna betalt ut tidlegare i inntektsåret i avgiftsgrunnlaget i tillegg til lønna som er rapportert i denne a-meldinga. Neste gong du rapporterer lønn tar du berre med avgiftsgrunnlaget som du rapporterer i den aktuelle a-meldinga.
  
  
• Etter dette kan du fortsetje frå punkt 8 under «Slik fyller du ut a-meldinga».