Fast eigedom og anlegg som ligg utanfor Svalbard vil i utgangspunktet ikkje vere skattepliktig til Svalbard.  

Er du skattemessig busett også i Fastlands-Noreg, vil fast eigedom utanfor Svalbard vere skattepliktig til fastlandet. Gjeld og gjeldsrenter som høyrer til skal vere del av skattemeldinga der.  

Det er i utgangspunktet fullt frådrag i skattepliktig inntekt til Fastlands-Noreg for pantelån og renter av pantelån knytt til fast eigedom der. Eit eventuelt underskott som skjer ved fastsetjinga dei enkelte åra, må frådragsførast i framtidige inntekter på fastlandet.  

Sjølv om du ikkje er skattemessig busett på Svalbard, er du likevel skattepliktig for formue i og inntekt av fast eigedom og anlegg med utstyr som høyrer til som ligg på Svalbard. 

Når du realiserer slik eigedom eller anlegg, gjeld dei same reglane for skatteplikt ved gevinst / frådragsrett for tap som på fastlandet.