Skjema RF-1005
Melding om kjeldeskatt på aksjeutbytte
Aksjeselskap, allmennaksjeselskap og andre som trekkjer kjeldeskatt på aksjeutbytte, utbyttekompensasjon og renter av eigenkapitalbevis, skal rapportere dette til Skatteetaten.
Viktig informasjon
Melding om trekk av kjeldeskatt skal vere levert seinast sju dagar etter at trekket er gjort.
For selskap med aksjar registrerte i Euronext VPS, er fristen seinast ein månad etter at trekket er gjennomført.
Frist for å betale
Fristen for å betale trekket til Skatteetaten er same dag som fristen for å levere melding om kjeldeskatt på aksjeutbytte. Skatten som selskapet rapporterer i meldinga, utgjer fastsett skatt.
Du må bruke eit KID-nummer når du betaler
- Du kan lage KID-nummeret sjølv. Vel "Kjeldeskatt på aksjeutbytte" som type innbetaling.
- Sjå kontonummer og betalingsinformasjon for Skatteetaten.
Kva gjer eg dersom noko er feil?
Dersom selskapet har rapportert eller trekt feil kjeldeskatt, skal dei korrigere trekket ved å levere ei endringsmelding. Dette må de gjere innan tre månader etter fristen, seinast 31. desember i inntektsåret. Aksjonærane dette blir korrigert for, må identifiserast.
- Logg inn – korriger trekket og lever endringsmelding. Hak av "endring av tidlegare innsend rapport" når du leverer.
Spesielt for deg som rapporterer på papir
Det er mogleg å rapportere kjeldeskatt på aksjeutbytte på papir dersom du ikkje kan bruke Altinn for å rapportere. Dette er ikkje like enkelt som å rapportere elektronisk, og det kan ta lengre tid.
Bruk skjemaet for å rapportere kjeldeskatt på aksjeutbytte
Last ned, fyll ut og skriv ut – Melding om kjeldeskatt på aksjeutbytte – RF-1005 (PDF)
Meldinga sender du til:
Skatteetaten
Postboks 9200 – Grønland
0134 OSLO
Viss selskapet har rapportert eller trekt feil kjeldeskatt, kan du også korrigere dette ved å sende ei endringsmelding på papir. Aksjonærane dette blir korrigert for, må identifiserast.
Bruk skjemaet for å rapportere endringar
Last ned, fyll ut og skriv ut – Korrigert melding om kjeldeskatt på aksjeutbytte – RF-1005 (PDF)
Korrigert melding sender du til:
Skatteetaten
Postboks 9200 – Grønland
0134 OSLO
Du finn rettleiing til utfylling på siste side i skjemaet.
Om eventuelt ansvar
Selskapet kan bli gjort ansvarleg dersom innbetalinga ikkje er i samsvar med innrapporteringa. Les meir om ansvar for skatt på aksjeutbytte til utanlandsk aksjonær i § 16-21 skattebetalingslova.