Bestille frikort

Når frikortet er tildelt, er det tilgjengeleg også for arbeidsgivar.

Frå og med det året du fyller 13 år får du frikort automatisk viss du tente frikortgrensa i fjor. Vi sender deg eit varsel på SMS eller e-post når første arbeidsgivar har henta frikortet. Viss fleire arbeidsgivarar prøver å hente frikortet, sender vi deg også eit varsel. Hugs at du då må fordele frikortbeløpet mellom dei. For at du skal kunne motta varsel, må du vere registrert som elektronisk brukar.

Dersom du lurer på om du har fått frikort kan du logge deg inn for å sjekke om du har fått frikort.

Viss du ikkje har fått frikort og ventar å tene mindre enn 100 000 kroner, må du bestille frikort.  

Vi gir deg beskjed når det nye frikortet er klart til bruk.

• Dersom du har fleire arbeidsgivarar, må du fordele frikortet mellom desse.
• Er du under 13 år, gjeld andre reglar.

Viss du tener meir enn 100 000 kroner

Kjem du til å tene meir enn frikortgrensa, må du bestille skattekort. Har du først brukt frikort og tent noko utan å trekkje skatt, vil beløpet du allereie har tent takast med i grunnlaget for berekninga av nytt skattekort. Uansett om du først har hatt frikort eller ikkje, vil den totale skatten du betaler bli den same.

Er du ikkje elektronisk brukar

Då må du først skaffe deg elektronisk ID. Dette er ikkje noko du kan bestille over telefon.

Ungdom, arbeid og skatt

Lær meir om skatt, arbeid, arbeidsforhold og arbeidsavtaler for deg som er ung