Kontakt oss
Lurer du på noko, er du velkommen til å ta kontakt med oss.
No lurer mange på dette
Skattemeldinga blir send ut fram til og med 30. mars. Vi sender deg ein e-post eller sms når du kan sjekke di.
Etter at skattemeldinga di er levert, må vi behandle ho og lage eit skatteoppgjer. Dei fleste får skatteoppgjeret mellom april og juni, medan andre får det til hausten.
Vi kan dessverre ikkje svare på akkurat når du får skatteoppgjeret ditt, men du får beskjed.
Restskatt
Viss du har fått restskatt, får du ein faktura med betalingsinformasjon i god tid før fristen forfell. Du treng ikkje å vente til fakturaen kjem før du betaler.
Viss du kan, bør du betale før 31. mai, så slepp du renter. Du kan betale inn det du kan med ein gong, og betale litt og litt fram til fristen. På den måten kan du lage din eigen nedbetalingsplan.
Har du fått restskatt, er det vanlegvis fordi det har blitt trekt for lite skatt i løpet av året. For å unngå restskatt til neste år bør du sjekke tala i skattekortet for 2026.
Pengar til gode
Dersom du har pengar til gode, blir dei utbetalte etter at skatteoppgjeret ditt er klart. Du får beskjed når skatteoppgjeret ditt er klart.
For at du skal få utbetalt pengar frå Skatteetaten, må vi ha eit kontonummer. Sjekk at du har registrert eit kontonummer, og at dette stemmer.
Du kan sjekke kva frådrag du har rett på ved å bruke frådragsrettleiaren vår.
Viss du har selt, arva eller leiger ut bustad, må du sjekke om du skal leggje dette til i skattemeldinga di. Sjekk rettleiinga for å finne ut kva som gjeld for deg:
Formuesverdien på bustaden din blir berekna basert på område, areal, byggjeår og type bustad. Sjekk at opplysningane om bustaden stemmer. Dersom du meiner at formuesverdien er for høg, kan du setje han ned, men då må du leggje ved takst, verdivurdering eller liknande.
Om formuesverdien manglar i skattemeldinga, må du sjølv leggje til opplysningar om areal og byggjeår.
Chat
Du kan skrive til chat-roboten vår.
Ring oss
Hovudnummeret vårt er 800 80 000.
Det er gratis å ringje dette nummeret.
- 1 Skatt, skattemelding og skatteoppgjer
- 1-1 Privatperson
- 1-2 Enkeltpersonforetak
- 1-3 Aksjeselskap eller andre virksomheter
- 1-4 Revisor, rekneskapsførar eller advokat
- 2 Skattekort og forskotsskatt
- 3 Flytting, ekteskap, namn og andre folkeregisterspørsmål
- 4 A-ordningen
- 5 Meirverdiavgift
- 6 Køyretøy, omregistreringsavgift, vektårsavgift, vrakpant, tollkreditt og andre særavgifter
- 7 Barnebidrag
Frå utlandet ringjer du +47 22 07 70 00.
Når du ringjer oss frå utlandet, gjeld eigne prisar.
For spørsmål om eit krav du skal betale eller andre førespurnader om innkrevjing, kjem du lettast i kontakt med ein saksbehandlar ved å ringje nummeret som står i brevet du fekk.
Opningstida vår er 09:00–15:00 alle kvardagar.
Skriv til oss
Dersom du må kontakte oss skriftleg, må du logge deg inn. Du kan ikkje sende e-post til oss.
Skal du sende oss brev i posten, bruker du denne adressa:
Skatteetaten
Postboks 9200 Grønland
0134 Oslo
Besøk oss
Treng du å møte opp på eit skattekontor, må du bestille time.
Skal du møte opp hos oss, kan du sjå oversikta over skattekontor for å finne det som ligg nærmast:
Saksbehandlingstider
Vi behandlar førespurnaden eller søknaden din så raskt som mogleg.
Sjå den forventa svartida.
Bestill attest
Det kan vere mange grunnar til at du treng ein attest eller ei utskrift. Svar på nokre få spørsmål og få hjelp til å finne og bestille den attesten du treng.
Klage til Skatteetaten
Korleis du skal gå fram for å klage, kjem an på kva du skal klage på. I mange tilfelle kan du no endre sjølv i staden for å klage.