Dette må du passe på

Skal du føre opp lønn eller andre ytingar til tilsette som har slutta, må du passe på at du ikkje endrar opplysningane om arbeidsforholdet. Døme på utbetalingar etter at ein person har slutta er feriepengar, bonus, etterbetalingar av lønn, overtid o.l.

 

 

Du kan føre opp dette på tre ulike måtar

Alternativ 1 – Ikkje oppgi opplysningar om arbeidsforhold

Du treng ikkje gi opplysningar om arbeidsforhold som er avslutta. Du har allereie sendt inn informasjonen i tidlegare a-meldingar. Plikta til å sende inn opplysningar om arbeidsforhold gjeld til og med månaden for den aktuelle sluttdatoen.

 

Alternativ 2 – Ta opp att opplysningar om arbeidsforhold

Du kan sende inn dei same opplysningane på arbeidsforholdet som du har sendt inn tidlegare. Hugs at sluttdatoen må vere med. Oppgir du eit arbeidsforhold med sluttdato, i ei a-melding frå januar 2021 eller seinere, må du oppgi årsak til sluttdato.

 

Alternativ 3 – Vel arbeidsforholdstype Pensjon eller andre ytingar utanfor arbeidsforhold

Dersom alternativ 1 eller 2 ikkje er mogeleg i ditt system, kan du velje arbeidsforholdstypen «pensjon eller andre ytingar utanfor arbeidsforhold».