No skal du levere a-meldinga direkte på skatteetaten.no
Viss du ikkje har eit lønnssystem, skal du levere a-meldinga direkte på skatteetaten.no. Du skal ikkje levere a-meldinga i Altinn (A01).
Ekstra arbeidsgivaravgift på lønnsytingar over 750 000 kroner
Her får du hjelp til korleis du bereknar ekstra arbeidsgivaravgift, og kva informasjon du skal gi om ekstra arbeidsgivaravgift på lønn, naturalytingar m.m. i a-meldinga.
Slik rettar du ekstra arbeidsgivaravgift for 2023
For å få frådrag for refusjonar frå Nav i grunnlaget for ekstra arbeidsgivaravgift stod det tidlegare i denne rettleiinga at det må vere:
berekna ekstra arbeidsgivaravgift for forskotterte sjukepengar, foreldrepengar, svangerskapspengar, pleie/opplærings- og omsorgspengar
Dette kravet kan i nokre tilfelle føre til at arbeidsgivar har berekna for mykje ekstra arbeidsgivaravgift. Når beløpet du forskotterer på vegner av NAV er del av grunnlaget for arbeidsgivaravgifta, vil du som arbeidsgivar nå innslagspunktet på 750 000 kroner (2023) for ein tilsett tidlegare enn om forskotteringsbeløpet ikkje var inkludert. For å unngå at du betaler for mykje ekstra arbeidsgivaravgift, treng du ikkje lenger ta med ytingane du får refundert frå NAV i grunnlaget for berekninga av den ekstra arbeidsgivaravgifta for den tilsette. Det totale avgiftsgrunnlaget for den tilsette kan likevel ikkje setjast lågare enn null.
Dersom du har berekna for mykje ekstra arbeidsgivaravgift på grunn av dette, kan du rette på ein av tre måtar:
- rette feilen i den kalendermånaden feilen oppstod
- rette feilen i den kalendermånaden i 2023 du vart klar over feilen
- rette feilen i a-meldinga for desember 2023
Kort om ekstra arbeidsgivaravgift på lønn, naturalytingar m.m.
Arbeidsgivar skal berekne ekstra arbeidsgivaravgift når alle avgiftspliktige lønnsytingar til ein inntektsmottakar går over det fastsette innslagspunktet for året for ei juridisk eining. Regelen vart sett i kraft 1. januar 2023. For 2023 er innslagspunktet 750 000 kroner. Avgifta er 5 prosent av grunnlaget som er over innslagspunktet. Arbeidsgivar har bereknings- og rapporteringsplikt frå det tidspunktet beløpsgrensa er nådd.
Berekningskoden «ekstra arbeidsgivaravgift» skal brukast uavhenig av næring, og kjem i tillegg til andre berekningskodar.
Kva for opplysningar skal du oppgi
Oppgi avgiftsgrunnlaget for ekstra arbeidsgivaravgift som eit særskilt grunnlag
| For ekstra arbeidsgiveravgift skal du gi opplysninger om: | |
| Berekningskode | ekstraArbeidsgiveravgift |
| Sone | sone x |
| Avgiftsgrunnlag | x kroner |
| Avgiftssats | 5 prosent |
Berekningskode
Det er innført en egen berekningskode, oppgi «ekstraArbeidsgiveravgift».
Sone
Oppgi sone ut ifrå den geografiske plasseringa til verksemda.
Avgiftssats
Satsen er 5 prosent i alle soner, også for arbeidsgivarar i kommunar som i dag har 0-sats for ordinær arbeidsgivaravgift.
Avgiftsgrunnlag for ekstra arbeidsgiveravgift
Du kan lese meir om berekninga av innslagspunktet for avgiftsgrunnlaget i artikkelen Fritak for arbeidsgivaravgift når arbeidsgivar forskotterer sjukepengar eller andre trygdeytingar.Sjå kapittelet om ekstra arbeidsgivaravgift.
1. Lønn og annen godtgjersle
Den ekstra arbeidsgivaravgifta skal bereknast av det same grunnlaget som blir lagt til grunn for den ordinære arbeidsgivaravgifta. Den ekstra arbeidsgivaravgifta skal bereknast frå den kalendermånaden inntekta går over det fastsette innslagspunktet, og berre for den delen av inntekta som er over innslagspunktet.
Feriepengar som er opptente i 2022, men som blir utbetalte i 2023, skal vere del av berekningsgrunnlaget for den ekstra arbeidsgivaravgifta. Det same gjeld når bonus frå tidlegare år blir utbetalt i 2023.
Du kan finne ut om ei yting skal vere med i grunnlaget for arbeidsgivaravgifta i oversikt over lønn og andre ytingar.
Unntak for visse grupper
- Plikta til å berekne ekstra arbeidsgivaravgift gjeld ikkje for
- lønnsytingar til arbeidstakarar i lønnstrekkordninga på Svalbard og arbeidstakarar på Jan Mayen eller bilanda
- medarbeidarar som er utsende til Noreg frå USA og Canada
- sjøfolk i utanriksfart som bur utanfor Norden og som ikkje er statsborgarar i eit anna EØS-land og som er medlemmar i folketrygda etter folketrygdlova § 2-6 med fast avgiftssats.
2. Tilskott og premie til pensjon frå arbeidsgivar
Det skal ikkje bereknast ekstra arbeidsgivaravgift av arbeidsgivaren sin andel av premiebetaling og tilskott til kollektiv tenestepensjonsordning som er offentleg eller som er omfatta av skattelova § 6-46. Premiebetaling til fellesordninga for privat AFP er omfatta av unntaket frå ekstra arbeidsgivaravgift. Det same gjeld eingongsbeløp til avløysing av retten til pensjon i arbeidsforhold som ikkje er sikra ved premie og tilskott, og eingongspremie eller tilskott som blir innbetalt for å sikre retten til slik pensjon.
Løpande pensjon som blir utbetalt direkte frå noverande eller tidlegare arbeidsgivar over drifta skal vere del av grunnlaget for ekstra arbeidsgivaravgift.
3. Refusjoner fra NAV for forskutterte sjukepengar mv.
Du kan redusere grunnlaget for ekstra arbeidsgivaravgift for refusjonar frå NAV når du har overstige innslagspunktet og du har byrja å berekne ekstra arbeidsgivaravgift. Det er ein føresetnad at ytinga er, eller vil bli, refundert frå NAV. Ein refusjon kan ikkje redusere grunnlaget for arbeidsgivaravgifta negativt, slik at det blir lågare enn null for ein inntektsmottakar.
Skattedirektoratet har komme med ein prinsipputtale om fritaket for arbeidsgivaravgift når arbeidsgivar forskotterer sjukepengar eller andre trygdeytingar. Uttalen får konsekvensar for arbeidsgivaren si rapportering av grunnlaget for arbeidsgivaravgifta og berekninga av arbeidsgivaravgifta. Du kan velje mellom å få fritak når du forskotterer ytingane, eller når ytingane blir refunderte frå NAV. Sjå prinsipputtalen frå Skattedirektoratet og korleis han skal praktiserast.
Døme på rapportering av ekstra arbeidsgivaravgift
Døma nedanfor viser berre rapportering av avgiftsgrunnlaget for ekstra arbeidsgivaravgift.
Du må i tillegg oppgi andre obligatoriske opplysningar i a-meldinga.
Døme når beløpsgrensa er nådd
Dømet her gjeld for 2023. Innslagspunktet for ekstra arbeidsgivaravgift er 750 000 kroner.
Petter har til og med juli ei avgiftspliktig lønn på 650 000 kroner. Lønna hans i august er 110 000 kroner. Arbeidsgivar bereknar ekstra arbeidsgivaravgift av eit grunnlag på 10 000 kroner i august.
I a-meldinga for august skal grunnlaget for ekstra arbeidsgivaravgift rapporterast slik:
| I a-meldinga for august skal grunnlaget for ekstra arbeidsgiveravgift rapporterast slik: | |
| Berekningskode | ekstraArbeidsgiveravgift |
| Sone | sone 1 |
| Avgiftsgrunnlag | 10 000 |
| Avgiftssats | 5 % |
I tillegg fører dei opp andre obligatoriske opplysningar.
Døme på når avgiftsgrunnlaget for ekstra arbeidsgivaravgift er mindre enn refusjonen frå NAV
Jonas har til og med juli ei avgiftspliktig lønn på 650 000 kroner. Lønna hans i august er 110 000 kroner. Arbeidsgivar bereknar ekstra arbeidsgivaravgift av eit grunnlag på 10 000 kroner i august. Jonas sluttar i verksemda 31. august. Jonas var sjukmeld i april. I oktober får arbeidsgivar 20 000 kroner i refusjon frå NAV for april.
Arbeidsgivar reknar ut innslagspunktet for den ekstra arbeidsgivaravgifta slik: Inntekt til og med august, 760 000 kroner, minus heile det refunderte beløpet på 20 000 kroner. Det er berekna ekstra arbeidsgivaravgift av eit grunnlag på 10 000 kroner før refusjonen frå Nav.
| I a-meldinga for oktober skal frådrag i grunnlaget for arbeidsgiveravgift rapporterast slik: | |
| Berekningskode | Generelle næringer |
| Sone | sone 1 |
| Avgiftsgrunnlag | -20 000 |
| Avgiftssats | 14,1% |
I tillegg fører dei opp andre obligatoriske opplysningar.
| I a-meldinga for oktober skal frådrag i grunnlaget for ekstra arbeidsgiveravgift rapporterast slik: | |
| Beregningskode | ekstraArbeidsgiveravgift |
| Sone | sone 1 |
| Avgiftsgrunnlag | -10 000 |
| Avgiftssats | 5% |
I tillegg fører dei opp andre obligatoriske opplysningar.
Døme på når avgiftsgrunnlaget for ekstra arbeidsgivaravgift er meir enn refusjonen frå NAV
Simen har til og med juli ei avgiftspliktig lønn på 700 000 kroner. Lønna hans for august er 100 000 kroner, og arbeidsgivar bereknar ekstra arbeidsgivaravgift av eit grunnlag på 50 000 kroner i august. Simen er sjukmeld tre veker i august.
I oktober får arbeidsgivar refusjon frå NAV på 45 000 kroner for Simen sin periode med sjukepengar i august. Det er berekna ekstra arbeidsgivaravgift med eit høgare beløp enn refusjonen, og heile beløpet kan derfor redusere grunnlaget for ekstra arbeidsgivaravgift.
| I a-meldinga for oktober skal frådrag i grunnlaget for arbeidsgiveravgift rapporterast slik: | |
| Beregningskode | Generelle næringer |
| Sone | sone 1 |
| Avgiftsgrunnlag | -45 000 |
| Avgiftssats | 14,1% |
| I a-meldinga for oktober skal frådrag i grunnlaget for ekstra arbeidsgiveravgift rapporterast slik: | |
| Beregningskode | ekstraArbeidsgiveravgift |
| Sone | sone 1 |
| Avgiftsgrunnlag | -45 000 |
| Avgiftssats | 5% |
I tillegg fører dei opp andre obligatoriske opplysningar.
Døme på når NAV endrar refusjonsbeløpet
Elise har til og med juli ei avgiftspliktig lønn på 800 000 kroner. Lønna hennar i august er 80 000 kroner, og arbeidsgivar bereknar ekstra arbeidsgivaravgift av eit grunnlag på 80 000 kroner. Elise har tre veker med foreldrepermisjon i august.
I oktober får arbeidsgivar 50 000 kroner i refusjon frå NAV for Elise sin periode med foreldrepengar i august.
Arbeidsgivar får i desember eit korrigert refusjonsoppgjer frå NAV. Oppgjeret viser at arbeidsgivar får totalt 30 000 kroner i refusjon frå NAV for Elise sin periode med foreldrepengar i august. Den opphavlege refusjonen var derfor feil.
| I a-meldinga for oktober rapporterar dei frådraget i grunnlaget for ekstra arbeidsgiveravgift slik: | |
| Berekningskode | ekstraArbeidsgiveravgift |
| Sone | sone 1 |
| Avgiftsgrunnlag | -50 000 |
| Avgiftssats | 5% |
I tillegg fører dei opp andre obligatoriske opplysningar.
| I a-meldingen for desember korrigerer de fradraget i grunnlaget slik: | |
| Berekningskode | ekstraArbeidsgiveravgift |
| Sone | sone 1 |
| Avgiftsgrunnlag | 20 000 |
| Avgiftssats | 5% |
I tillegg fører dei opp andre obligatoriske opplysningar.
Døme på refusjon frå Nav ved eit årsskifte
Kaja har til og med november 2023 ei avgiftspliktig lønn på 1 150 000 kroner. Lønna hennar er 110 000 kroner i desember. Ho er i foreldrepermisjon heile desember og i ulønna permisjon frå januar 2024. Refusjon på 50 000 kroner for desember kjem i januar.
| I a-meldinga for desember 2023 blir grunnlaget for lønn og godtgjersle rapportert slik: | |
| Berekningskode | ekstraArbeidsgiveravgift |
| Sone | sone 1 |
| Avgiftsgrunnlag | 110 000 |
| Avgiftssats | 5% |
I tillegg fører dei opp andre obligatoriske opplysningar.
I avgiftsgrunnlaget refusjonar frå NAV med berekningsskode ekstra arbeidsgiveravgift fører arbeidsgivaren ikkje opp noko i desember. Dette er likt som for den ordinære arbeidsgivaravgifta.
| I a-meldinga for januar 2024 blir avgiftsgrunnlaget for refusjonar frå NAV rapportert slik: | |
| Berekningskode | ekstraArbeidsgiveravgift |
| Sone | sone 1 |
| Avgiftsgrunnlag | -50 000 |
| Avgiftssats | 5% |
I tillegg fører dei opp andre obligatoriske opplysningar.
I avgiftsgrunnlaget lønn og godtgjersle med berekningsskode ekstra arbeidsgiveravgift fører dei ikkje opp noko i januar. Dette er likt som for den ordinære arbeidsgivaravgifta.
Kva organisasjonseining skal du rapportere på?
Du rapporterer ekstra arbeidsgivaravgift på ein av desse måtane:
- på undereininga som arbeidsforholdet er knytt til, slik som for ordinær arbeidsgivaravgift
- samla på undereininga der hovudeininga er registrert, sjølv om arbeidstakaren har fleire arbeidsforhold knytte til fleire registrerte undereiningar
Frådrag i avgiftsgrunnlaget for refusjonar fra NAV må gjerast i avgiftsberekninga på den same undereininga som den ekstra arbeidsgiveravgifta opphavleg var berekna.
Ved ambulerande verksemd er det ikkje nødvendig å fordele grunnlaget for arbeidsgivaravgifta for den ekstra arbeidsgivaravgifta på fleire soner.
Merk at du reknar ut innslagspunktet samla for alle undereiningane i ei juridisk eining.
Sum berekna ekstra arbeidsgivaravgift
Summen av berekna ekstra arbeidsgivaravgift skal leggjast til sum berekna ordinær arbeidsgivaravgift. Dette er beløpet du skal betale i arbeidsgivaravgift.
Når skal du rapportere
Du skal gi opplysningar om arbeidsgivaravgift i a-meldinga kvar månad du oppgir lønn eller andre ytingar du reknar ut arbeidsgivaravgift av.
Arbeidsgivaravgift av arbeidsgivar sitt tilskot og premie til pensjon, skal du føre opp i den kalendermånaden du har betalt heile tilskotet/premien.
Refusjon av sjukepengar o.a. som fører til reduksjon av avgiftsgrunnlaget, skal du oppgi den kalendermånaden du har fått refusjon av NAV.
Betaling
Arbeidsgivere skal på eget initiativ betale den ekstra arbeidsgiveravgiften saman med betaling av ordinær arbeidsgivaravgift og etter dei same fristane.
Rette feil
Viktig informasjon
Korrigering av ekstra arbeidsgiveravgift er avgrensa til
- ekstra avgiftsgrunnlag for den eller dei månedane som er feil
- inntektsmottakarane feilen gjeld
- opprinnelig rapportert ekstra arbeidsgivaravgift på undereininga
|
Feilmeldingar som gjeld arbeidsgivaravgift |
|
MAGNET_EDAG-183 |
|
MAGNET_EDAG-183B |
|
MAGNET_EDAG-185 |
|
MAGNET_EDAG-197 |
Dersom du har ført opp feil avgiftsgrunnlag, må du rette avgiftsgrunnlaget i a-melding for den månaden som er feil.
Når du skal endre arbeidsgivaravgift som var rett oppgitt på leveringsfristen, men som har endra seg i etterkant.
Dette gjeld til dømes endringar på grunn av:
- medlemskap i trygdesystemet i eit anna land med tilbakeverkande kraft
- køyrebok
- stipend
I slike tilfelle kan du velje kva for ein månad du gjer endringa i.
Dersom endringa gjeld inneverande år kan du
- endre arbeidsgivaravgifta i a-melding for den månaden dei nye opplysningane blir kjende, eller
- endre arbeidsgivaravgifta i a-melding for den/dei månad(ene) endringa gjeld
Dersom endringa gjeld tidlegare år kan du
- endre arbeidsgivaravgifta i a-melding for den månaden dei nye opplysningane blir kjende,
- endre arbeidsgivaravgifta i a-melding for den/dei månad(ene) endringa gjeld, eller
- endre arbeidsgivaravgifta i a-melding for desember.
Dersom du skal endre arbeidsgivaravgifta fordi ein inntektsmottakar får etterbetalt ei yting, må du føre opp arbeidsgivaravgifta i den månaden etterbetalinga skjer.
Skal du endre arbeidsgivaravgifta fordi ein inntektsmottakar har betalt tilbake ei yting, kan du velje kva for ein månad du endrar i.
Dersom tilbakebetalinga gjeld inneverande år kan du
- endre arbeidsgivaravgifta i a-melding for den månaden ytinga blir tilbakebetalt, eller
- endre arbeidsgivaravgifta i a-melding for den/dei månad(ene) tilbakebetalinga gjeld
Dersom endringa gjeld tidlegare år kan du
- endre arbeidsgivaravgifta i a-melding for den månaden ytinga blir tilbakebetalt,
- endre arbeidsgivaravgifta i a-melding for den/dei månad(ene) tilbakebetalinga gjeld, eller
- endre arbeidsgivaravgifta i a-melding for desember.
Merk!
Beløpet som inntektsmottakaren har betalt tilbake må du rette i a-melding for den eller dei månadene feilen blei gjort. Det er berre når du skal endre arbeidsgivaravgifta at du kan velje månaden å endre i.
Viktig informasjon
Dersom du nyttar eit lønnssystem, kontaktar du systemleverandøren dersom du er usikker på korleis du rettar i ditt system.
Hva bruker vi opplysningene til
Skatteetaten bruker opplysningen "Sum beregnet arbeidsgiveravgift" til å kreve inn arbeidsgiveravgift. Beregningskoder, satser, soner og avgiftsgrunnlag brukes til å kontrollere summen du har oppgitt at du skal betale.
Statistisk sentralbyrå (SSB) bruker opplysningene til statistikkformål.
Aktuelt regelverk
