Ordinært arbeidsforhold
Dei fleste tilsette som tek imot lønn frå ei bedrift eller ein organisasjon er i eit ordinært arbeidsforhold.
Kort om ordinært arbeidsforhold
Dersom du har tilsette som arbeider i di teneste (verksemda di) for lønn eller anna godtgjersle og arbeidet ikkje er maritimt, fører du dette opp som eit ordinært arbeidsforhold.
For ordinære arbeidsforhold må den du sender a-melding for, vere registrert i Einingsregisteret før du sender a-melding. Du skal rapportere etter den same strukturen som i Einingsregisteret. Sjå òg organisasjonsnummer for hovedeininga og undereiningar.
Det er viktig at du fører opp rett type arbeidsforhold. Ønskjer du meir informasjon, kan du sjå vel rett type arbeidsforhold.
Hvilken informasjon skal du oppgi
| ArbeidsforholdsID | Alltid |
| Startdato på arbeidsforholdet | Alltid |
| Sluttdato på arbeidsforholdet | Alltid i den måneden den tilsatte sluttar |
| Årsak til sluttdato | Alltid i den måneden den tilsatte sluttar |
| Yrkeskode | Alltid |
| Talet på timar per veke som svarar til ei full stilling | Alltid |
| Stillingsprosent | Alltid |
| Siste dato for endring av stillingsprosent | Alltid |
| Avlønningstype | Frivillig i 2018. Utgår i 2019. |
| Arbeidstidsordning | Alltid |
| Siste lønnsendringsdato | Alltid |
| Tilsetjingsform | Alltid |
| Lønnsansiennitet | Alltid for tilsette i verksemder som følgjer hovudtariffavtalen for staten, kommunen (også Oslo kommune) og dei fleste føretak i finansnæringa. |
| Lønnstrinn | Alltid for tilsette i verksemder som følgjer hovudtariffavtalen for staten, kommunen (også Oslo kommune) og dei fleste føretak i finansnæringa. |
Permisjon
Skal fyllast ut når den tilsette er i permisjon.
| Permisjonsnemming | Alltid |
| PermisjonsID | Alltid |
| Startdato på permisjon | Alltid |
| Sluttdato på permisjon | Alltid i den månaden den tilsette avsluttar permisjonen |
| Permisjonsprosent | Alltid |
Permitteringar
Skal fyllast ut når den tilsette er permittert.
| Permitteringsnemning | Alltid |
| PermitteringsID | Alltid |
| Startdato på permittering | Alltid |
| Sluttdato på permittering | Alltid i den månaden den tilsette avsluttar permitteringa |
| Permitteringsprosent | Alltid |
Døme
Jacob byrjar å jobbe som røyrleggjar i eit ordinært arbeidsforhold i røyrleggjarbedrift, den 25. januar. Han får den første lønna utbetalt i februar.
A-melding for januar
| Inntektsmottakar | Jacob |
| ArbeidsforholdsID | 10 |
| Type arbeidsforhold | ordinært |
| Startdato på arbeidsforholdet | 25. januar |
| Sluttdato på arbeidsforholdet | |
| Yrkeskode | 7134 103 |
| Talet på timar per veke som svarar til ei full stilling | 37,5 |
| Stillingsprosent | 100 |
| Siste dato for endring av stillingsprosent | 25. januar |
| Arbeidstidsordning | ikkeSkift |
| Siste lønnsendringsdato | 25. januar |
| Tilsetjingsform | fast |
| Lønnsansiennitet | |
| Lønnstrinn |
I tillegg fører dei opp andre obligatoriske opplysningar.
I a-meldinga for februar tek røyrleggjarbedrifta opp att dei same opplysningane om arbeidsforholdet til Jacob i tillegg til opplysningar om lønn og ytingar dei har betalt ut. Dei fører òg alle andre obligatoriske opplysningar for månaden.
Er det obligatorisk
Ja, du må føre opp type arbeidsforhold, og i tillegg gi opplysningar om arbeidsforholdet kvar månad for ein tilsett i eit ordinært arbeidsforhold, til og med månaden for den aktuelle sluttdatoen.
Ordinære arbeidsforhold er rapporteringspliktige til Aa-registeret. Opplysningane du oppgir i a-meldinga blir automatisk sende vidare til Aa-registeret.
Informasjon om arbeidsforholdet er obligatorisk, somme opplysningar skal du berre oppgi dersom det er aktuelt, til dømes ved permisjon.
Når skal du rapportere
- Kor ofte?
Oppgi arbeidsforholdet kvar månad til og med den månaden med den aktuelle sluttdatoen, sjølv om du ikkje betaler ut noko. I månaden etter sluttdatoen skal du ikkje oppgi arbeidsforholdet lenger. - Kor tidleg?
Du kan oppgi arbeidsforholdet med ein gong du veit startdatoen, og helst før den aktuelle startdatoen. - Kor seint?
Du må oppgi arbeidsforholdet seinast innan rapporteringsfristen for den månaden med den aktuelle startdatoen.
Døme på når du skal velje dette
Velje eit ordinært (eller maritimt) arbeidsforhold for:
| Dei tilsette sin representant i styre |
|
Tilsette som får mellombels eller varig lønnstilskot |
| Arbeidstakar og pensjonist Tilsette som får utbetalt godtgjersle både som arbeidstakar og pensjonist frå den same verksemda. Du skal oppgi dette som eit samla arbeidsforhold. |
| Ekstrahjelp, vikarar osv. |
Velje eit ordinært arbeidsforhold for:
| Sokkelarbeidarar på fast installasjon Sokkelarbeidarar som jobbar på ein fast installasjon som til dømes ein boreplattform som er montert fast. |
| Støttekontaktar og avlastarar |
Endre type arbeidsforhold
Dersom type arbeidsforhold er endra sidan sist a-melding må du oppgi ny type arbeidsforhold i den neste a-meldinga du skal sende. Korleis du endrar kjem an på type arbeidsforhold du byter frå og type arbeidsforhold du byter til. Du må velje mellom ein av tre alternative måtar å endre på.
Sjå korleis du byter frå ein type arbeidsforhold til ein annan
Rette feil
| MAGNET_EDAG-108 Opplysningar om arbeidsforhold manglar |
| MAGNET_EDAG-187-6 Opplysningar om arbeidsforholdet er feil |
| MAGNET_EDAG-187-7 Det manglar opplysningar om arbeidsforholdet |
| MAGNET_EDAG-266 Arbeidsforholdstypen er endra frå den førre rapporteringa |
| MAGNET_EDAG-269 Ugyldig verdi |
| MAGNET_EDAG-273 Det manglar opplysningar om arbeidsforholdet |
| MAGNET_EDAG-282 Ugyldig verdi |
| MAGNET_EDAG-284 Ulogisk startdato på arbeidsforholdet |
| MAGNET_EDAG-285 Ulogisk periode for arbeidsforholdet |
| MAGNET_EDAG-288 Ugyldig identifikator for verksemda |
| MAGNET_EDAG.289 Ugyldig identifikator for verksemda |
Har du ført opp feil type arbeidsforhold og ikkje fått feilmelding på dette i tilbakemeldinga (A03), kan du rette feilen på to måtar.
Viktig informasjon
Dersom du nyttar eit lønnssystem, kontaktar du systemleverandøren dersom du er usikker på korleis du rettar i ditt system.
Skal du slette eit feilrapportert arbeidsforhold
Dette kan du gjere på to måtar.
- Send inn ei ny a-melding der du set startdatoen og sluttdatoen for arbeidsforholdet til same dato og stillingsprosenten til 0 prosent. I tillegg oppgir du at årsak til sluttdato er arbeidsforholdet skulle aldri ha vore rapportert.
Aa-registeret kan då skilje feilrapporterte arbeidsforhold frå eindags arbeidsforhold. - Send inn ei erstatningsmelding der det feilrapporterte arbeidsforholdet ikkje er med. Du må då erstatte alle rapporteringsperiodar der arbeidsforholdet har blitt feilaktig oppgitt.
Kva nyttar vi opplysningane til
NAV nyttar opplysningar om arbeidsforhold til å rekne ut ytingar og til etterkontroll av ytingane. Gjeld til dømes sjukepengar, dagpengar og foreldrepengar.
Statistisk sentralbyrå (SSB) brukar opplysningane til å lage statistikkar om utviklinga i lønningar, sysselsetjing og sjukefråvær.
Opplysningar om ordinære arbeidsforhold blir overførte til Aa-registeret. NAV distribuerer opplysningar om arbeidsforhold frå Aa-registeret til private og offentlege aktørar som har lov til å ta imot dei. Døme på dette er Skatteetaten og Arbeidstilsynet.
Merk!
Tilsette må vere riktig registrert i Aa-registeret for at arbeidsgivarar skal kunne søkje om HMS-kort for dei tilsette i byggje- og anleggsnæringa og i reinhaldsbransjen.
Les meir om HMS-kort hos Arbeidstilsynet
