Koronavirus – viktig informasjon fra Skatteetaten
Utleggstrekk i a-meldinga
Gjeld utleggstrekk for den enkelte inntektsmottakar og utleggstrekk å betale totalt for arbeidsgivar.
Nytt frå 2021
Frå 2021 skal du oppgi utleggstrekk for skattekrav lagt ned av Skatteetaten i a-meldinga. Opplys i a-meldinga om kor mykje du har trekt i utleggstrekk på den enkelte inntektsmottakar og kor mykje du skal betale i utleggstrekk.
Kort om utleggstrekk
Dersom skatte- eller avgiftskrav ikkje blir betalte til rett tid, kan skattekontoret påleggje arbeidsgivaren å utføre trekk i lønnsutbetalinga eller liknande til den tilsette.
Ved utleggstrekk som er lagt ned av Skatteetaten, skal arbeidsgivarar som pliktar å ha skattetrekkskonto, følgje reglane som gjeld for oppgjer osv. for forskotstrekk, og rapportere opplysningane om gjennomført utleggstrekk i a-meldinga.
Utleggstrekket skal gjennomførast ved sida av forskotstrekket. Trekket skal utførast i samsvar med det mottekne pålegget når du utbetaler eller på annan måte gir oppgjer for lønn eller anna godtgjersle eller yting.
Opplys i a-meldinga om kor mykje du har trekt i utleggstrekk på den enkelte inntektsmottakar og kor mykje du skal betale i utleggstrekk.
Beløpet du oppgir å betale, skal vere lik summen av utleggstrekka for alle inntektsmottakarar.
Les meir om gjennomføring av utleggstrekk
Unntak
Utleggstrekk som er lagt ned i utbetalingar til sjølvstendig næringsdrivande eller andre ytingar det ikkje skal utførast forskotstrekk i, skal ikkje rapporterast i a-meldinga. Tilsvarande gjeld for private arbeidsgivarar og velgjerds- eller allmennyttige institusjonar eller organisasjonar som er omfatta av forenkla oppgjersordning, jf. a-opplysningsforskrifta § 3-1 andre ledd. I desse tilfella blir utleggstrekk rapportert i eit særskilt oppgjersskjema.
Utleggstrekk som er lagt ned for å dekkje enkelte krav, er unnatekne rapportering i a-meldinga. Dette gjeld mellom anna krav på meirverdiavgift, særavgifter, toll og petroleumsskatt. Du finn ei utfyllande oversikt over unnatekne kravtypar i skattebetalingsforskrifta § 14-5-11.
Utleggstrekk for den enkelte inntektsmottakar
Du skal oppgi gjennomført utleggstrekk for den enkelte inntektsmottakar. Skattekontoret reknar ut storleiken på trekket og bestemmer i kva periode trekket skal gjennomførast. Trekket kan vere eit fast månadleg beløp eller ein bestemt prosent av lønna.
Legg inn beløpet med minusteikn.
| Dette skal du oppgi i a-meldinga: | |
| Beløp utleggstrekk | - x kroner |
Døme
Sofie har eit utleggstrekk på 15 prosent. Arbeidsgivar skal gjennomføre trekket i bruttogodtgjersla, ved sida av forskotstrekket i a-meldinga for januar.
| A-melding for januar: | |
| Fastlønn | 55 000 |
| Overtid | 5 000 |
| Trekkfri bilgodtgjerlse | 4 000 |
| Forskotstrekk | - 20 000 |
| Utleggstrekk ((grunnlag 60 000 kr) | - 9 000 |
Sum utleggstrekk å betale
Summen av gjennomført utleggstrekk skal leggjast inn som eiga opplysning i a-meldinga. Beløpet skal vere likt det som er trekt og oppgitt for alle inntektsmottakarar og verksemder i den aktuelle a-meldinga.
Dette er samstundes beløpet du skal betale, og skal fyllast ut som positivt beløp.
Korleis skal du rekne ut utleggstrekket der det er lagt ned eit prosenttrekk
Ved nedlegging av prosenttrekk skal arbeidsgivar rekne ut omfanget av trekket ut frå bruttolønna.
Utleggstrekk blir rekna ut frå same grunnlag som forskotstrekket.
Reglane om trekkfritak for éin månad om sommaren og for ein halv månad før jul gjeld ikkje utleggstrekk.
Når skal du rapportere
Du skal opplyse om utleggstrekk i a-meldinga kvar månad du har utført trekk.
Betaling
Arbeidsgivarar skal på eige initiativ betale utleggstrekk. Første frist for kalenderåret er 15. mars og deretter den 15. annankvar månad. Når du skal betale utleggstrekket, må du summere beløpa for dei to føregåande månadene.
Rette feil
| MAGNET_EDAG-280 Ugyldig beløp |
| MAGNET_EDAG-293 Ugyldig verdi |
| MAGNET_EDAG-294 Feil i utleggstrekk |
| MAGNET_EDAG-295 Oppgitt utleggstrekk å betale er feil |
Ved feil i utleggstrekket denne terminen, skal utleggstrekket og a-meldinga korrigerast på den kalendermånaden som inneheld feilen.
Dersom det er tasta feil beløp ved rapporteringa, skal a-meldinga for den kalendermånaden som inneheld feilen korrigerast.
Ved feil i utleggstrekk som gjeld tidlegare terminar, avklar ein eventuell korreksjon av utleggstrekk og a-melding nærare med Skatteetaten. Bruk kontaktskjema RF-1306, oppgi referansen i det mottekne trekkpålegget og forklar kva saka gjeld.
Det er trekt for mykje utleggstrekk
Rett opp dersom utleggstrekket ved ein feil har blitt rekna ut for høgt, eller dersom det har blitt trekt i ei godtgjersle eller yting som ikkje er omfatta av trekkpålegget.
Slik rettar du
- Betal tilbake til inntektsmottakaren det du har trekt for mykje.
- Rett utleggstrekket i a-meldinga for kalendermånaden som inneheldt feil trekk. Ved bruk av lønnssystem kan du sjekke med systemleverandøren din dersom du er usikker på korleis du rettar i systemet.
- Du får trekket tilbakebetalt frå Skatteetaten.
- Ikkje gjer endringar i a-meldinga dersom du ikkje betaler tilbake. Inntektsmottakaren må kontakte Skatteetaten for å få tilbakebetalt det som er trekt for mykje.
Døme – tilbakebetaling av utleggstrekk
Janne har eit utleggstrekk på 30 prosent. Arbeidsgivar har ved ein feil rekna ut utleggstrekket av den trekkfrie bilgodtgjersla.
A-melding for januar
OpphavlegFastlønn 60 000 Trekkfri bilgodtgjerlse 4 000 Forskotstrekk - 20 000 Utleggstrekk - 19 200
Arbeidsgivar oppdagar feilen, betaler 1 200 kroner til Janne og sender ny a-melding for januar.
A-melding for januar
Utleggstrekk 1 200
Samla utleggstrekk for Janne i januar: 18 000 kroner.
Kva bruker vi opplysningane til
Skatteetaten bruker opplysningane til å krevje inn og kontrollere gjennomført utleggstrekk.
