Korona-situasjonen – viktig informasjon fra Skatteetaten

Unnatak for ordinære og maritime arbeidsforhold

I somme situasjonar treng du ikkje gi opplysningar om arbeidsforholdet. Reglane nedanfor gjeld ordinære og maritime arbeidsforhold.

Dette gjeld når arbeidsinntekta er under grensa for opplysningsplikt etter skatteforvaltingsforskrifta § 7-2-1.

Du må likevel oppgi arbeidsgivaravgift, sjølv om beløpet er under grensa for opplysningsplikt.

Når lønnsutbetalingane til ein person er:

1 000 kroner eller mindre i løpet av kalenderåret
6 000 kroner eller mindre i løpet av kalenderåret og gjeld arbeid knytt til heimen eller fritidsbustaden til betalaren
10 000 kroner eller mindre i løpet av kalenderåret og er frå skattefrie selskap, foreiningar og institusjonar som nemnt i skattelova § 2-32 første ledd.

Gjeld òg trekkfri utgiftsgodtgjersle på 10 000 kroner eller mindre ved innsatsen eller representasjonen eit medlem gjer for si foreining. Det same gjeld trekkfri utgiftsgodtgjersle på 10 000 kroner eller mindre som blir utbetalt til transport til og frå arrangement o.a. der organisasjonen deltek.
6 000 kroner eller mindre i løpet av kalenderåret og gjeld utbetaling til verje etter verjemålslova § 30.
6 000 kroner eller mindre i løpet av kalenderåret og gjeld utbetaling til representant etter utlendingslova § 98f.
trekkfri utgiftsgodtgjersle på 1 000 kroner eller mindre i løpet av kalenderåret.

Når utbetalingane gjeld:

Arbeidsreise – når den samla utbetalinga i løpet av kalenderåret for dekning av arbeidsreise ikkje overstig 10 000 kroner og arbeidsgivaren er ein velgjerande eller allmennyttig institusjon eller organisasjon, og den resterande lønna og godtgjersla til inntektsmottakaren frå organisasjonen ikkje overstig 80 000 kroner.
Arbeidspengar av terapeutiske omsyn – når dei samla lønnsutbetalingane ikkje overstig 2 000 kroner til ein klient i løpet av kalenderåret og utbetalingane berre dreiar seg om arbeidspengar som er betalte ut frå terapeutiske omsyn utbetalt av kurstader for alkoholikarar, institusjonar for psykisk helsevern, psykisk utviklingshemma, fysisk funksjonshemma og andre liknande institusjonar.

Du må likevel oppgi inntekta dersom ho er over grensa for opplysningsplikt.

Lønn for privat pass av barn som ikkje har fylt 12 år før utgangen av kalenderåret, eller som har eit særskilt behov for omsorg og pleie, er friteken for arbeidsgivaravgift. Du må føre opp inntekta når ho overstig 6 000 kroner til ein person samla i kalenderåret.
Lønn for arbeid i privat heim og fritidsbustad når ei slik lønn frå hushaldet ikkje overstig 60 000 kroner i kalenderåret er friteken for arbeidsgivaravgift. Du må føre opp inntekta når ho overstig 6 000 kroner til ein person samla i kalenderåret.
Lønn for arbeid i ein velgjerande eller allmennyttig institusjon eller organisasjon når dei samla lønnsutgiftene er inntil 800 000 kroner, og berre for lønnsutbetalingar inntil 80 000 kroner per tilsett er fritekne for arbeidsgivaravgift. Du må føre opp inntekta når ho overstig 10 000 kroner til ein person samla i kalenderåret.

Du må likevel oppgi inntekta dersom ho er over grensa for opplysningsplikt.

Dette gjeld når arbeidstakaren skal rapporterast til Oppdrags- og arbeidsforholdsregisteret (OAR) etter skatteforvaltingslova § 7-6.

Du må likevel oppgi inntekta dersom ho er over grensa for opplysningsplikt.

Sjå òg