Erstatningsmelding

Ei erstatningsmelding er når du sender inn ei fullstendig a-melding som erstattar ei a-melding du allereie har sendt. Alle opplysningane som du sende tidlegare, blir erstatta av opplysningane i erstatningsmeldinga.

For at erstatningsmeldinga skal kunne erstatte ei tidlegare a-melding må du

• referere til meldings-ID-en for a-meldinga du skal erstatte
• oppgi same månad

Ei a-melding kan berre erstattast éin gong. Dersom du oppdagar nye feil i erstatningsmeldinga, er det denne du må erstatte. Då må du vise til meldings-ID og månad for erstatningsmeldinga.

Merk!
Sender du a-melding direkte på skatteetaten.no, er det alltid den siste a-meldinga som er sendt inn for månaden, som gjeld. Det vil seie at når du rettar feil eller manglar, skjer det alltid ei erstatning.

Ny a-melding

Alternativet til ei erstatningsmelding er å sende ei ny a-melding som rettar feil eller manglar i ei a-melding som er sendt inn tidlegare.

Når du sender ei ny a-melding, skal du oppgi

• ein unik meldings-ID for månaden
• opplysningar som rettar opp feil eller manglar i ei a-melding som er sendt tidlegare for månaden

Sletting av a-melding og bruk av 0-melding

Ei 0-melding er ei melding som anten er blank eller inneheld 0-verdiar, og ho erstattar ei tidlegare innsend a-melding med innhald. Nokon bruker 0-meldingar til å rette feil. 

Sender du inn ei 0-melding, kan det føre til at informasjon for ein eller fleire periodar manglar og at det ikkje er nokon opplysningar om arbeidsgivaren eller den tilsette. 

Viss du må bruke ei 0-melding, bør du sende ei ny a-melding med rett innhald med ein gong, slik at arbeidsgivaren og den tilsette ikkje blir ståande utan opplysningar om arbeidsgivaravgift, forskottstrekk, arbeidsforholdsopplysningar og inntekt i a-ordninga. Arbeidsforhold som ikkje er eller blir stadfesta, vil få feilmeldinga F108, og det vil medføre at Nav set ein sluttdato på arbeidsforholdet i Aa-registeret. 

Det er mange som bruker opplysningane som blir rapporterte i a-meldinga. Når data blir sletta eller nulla ut, aukar sjansen for til dømes lengre saksbehandlingstid, feil i skattemeldingsgrunnlag, feil i utbetalingar av ytingar frå Nav og feil i berekningar av pensjonspremiar hos ulike pensjonsordningar. 

Kva måte skal du bruke

For deg som sender frå eit system

Sender du a-melding frå eit system, tilrår vi at du sjekkar med systemleverandøren om du skal bruke erstatningsmelding eller ny a-melding for å rette feil eller manglar. Kva du skal bruke, kan variere frå system til system.

Ved enkelte typar feil er det berre erstatningsmelding som kan brukast til å rette opplysningar.

Døme:

• Dersom du har oppgitt feil organisasjonsnummer på ei verksemd, må du sende erstatningsmelding for å erstatte feil organisasjonsnummer med rett organisasjonsnummer.
• Dersom du har oppgitt feil fødselsnummer for ein inntektsmottakar, må du sende erstatningsmelding for å erstatte feil fødselsnummer med rett fødselsnummer

For deg som sender direkte på skatteetaten.no

Sender du a-melding direkte på skatteetaten.no er erstatningsmelding det eineste alternativet dersom du må gjere endringar i ei a-melding du allereie har sendt. Den forrige a-meldinga for perioden blir erstatta av den nye a-meldinga. Den nye a-meldinga må derfor innehalde all den informasjonen du skal rapportere den månedan. I oversikten over sendte a-meldingar kan du velge Endre a-melding, og foreta de aktuelle endringane. Når du sender  den endrede a-meldinga blir den forrige a-meldinga for perioden bli erstattet av den nye a-meldinga for perioden.