Dette må du passe på

Når du byter lønnssystem, eller går frå å levere a-meldinga direkte i Altinn eller fra skatteetaten.no til eit lønnssystem,  må du flytte arbeidsforholdsopplysningane frå eit system til eit anna. Byter du rekneskapsførar er det sannsynleg at du og må byte lønnssystem.

Ved bytte av system må du passe på at:

• du fortsett å oppgi arbeidsforholda kvar månad heilt til arbeidsforholda er avslutta
• dei tilsette har det same talet på arbeidsforhold etter at du har bytta til eit nytt system
• arbeidsforhold er knytt til den same verksemda i det gamle og det nye systemet.

Merk!
Du kan sjå korleis arbeidsforholda er oppgitt i den siste månaden ved å bestill ein avstemmingsrapport med opplysningar om tilsette for ein månad. 

Tre måtar å flytte arbeidsforhold på ved byte av system

Alternativ 1 - vidarefør arbeidsforhold frå det gamle systemet til det nye systemet

Med denne metoden skal du ikkje avslutte eller gjere nokon endringar på arbeidsforholda i det gamle systemet.

Når du leverer a-melding frå det nye systemet må du bruke det same organisasjonsnummeret for undereininga, type arbeidsforhold, arbeidsforholdsID og startdato som i det gamle systemet.

For tilsette i permisjon eller permittering må du og bruke same beskrivelse, ID og startdato for permisjon og permittering som i det gamle systemet. 

 

Alternativ 2 - ikkje avslutte arbeidsforhold i det gamle systemet

Med denne metoden skal du ikkje avslutte eller endre opplysningane om arbeidsforholda i det gamle systemet. 

Du sender a-melding fra det nye systemet og oppgir ny arbeidsforholdsID, og passar på at alle dei andre opplysningane om arbeidsforholdet, slik som type arbeidsforhold og startdato er identisk som i det gamle systemet. 

For tilsette i permisjon eller permittering, skal du oppgi sluttdato på permisjon eller permittering i det gamle systemet og opprette nye permisjon eller permittering i det nye systemet. Pass på at du setter startdato til dagen etter sluttdatoen som er oppgitt i det gamle systemet. 

Bruke same organisasjonsnummeret for undereininga i nytt og gamalt systemet. 

 

Alternativ 3 - avslutte arbeidsforhold i det gamle systemet

Med denne metoden sender du ei a-melding frå det gamle systemet og avsluttar arbeidsforholda i det gamle systemet ved å oppgi sluttdato og årsak til sluttdato. Du skal bruke byte av lønnssystem eller rekneskapsførar som årsak til sluttdato. 

Du sender a-melding frå det nye systemet med ny arbeidsforholdsID. startdato for arbeidsforholdet skal settes til dagen etter sluttdatoen som er oppgitt i det gamle systemet. 

For tilsette i permisjon eller permittering skal du oppgi sluttdao på permisjon eller permittering i det gamle systemet, og opprette ny ID og startdato for permisjon eller permittering i det nye systemet. Pass på at du sett startdatoen til dagen etter sluttdatoen i det gamle systemet. 

Bruk same organisasjonsnummeret for undereininga i nytt og gamalt system.