Kort om maritimt arbeidsforhold

Dersom du har tilsette som arbeider i di teneste for lønn eller anna godtgjersle og arbeidet er av maritim karakter, fører du dette opp som eit maritimt arbeidsforhold. Med maritim karakter meiner ein at arbeidet blir utført til sjøs, på̊ fartøy eller ei flyttbar innretning.

For maritime arbeidsforhold må den du sender a-melding for, vere registrert i Einingsregisteret før du sender a-melding. Du skal rapportere etter den same strukturen som i Einingsregisteret. Sjå organisasjonsnummer for hovedeininga og undereiningar.

Det er viktig at du rapporterer rett type arbeidsforhold. Ønskjer du meir informasjon, kan du sjå vel rett type arbeidsforhold.

 

Kva for opplysningar skal du oppgi

ArbeidsforholdsID	Alltid
Startdato på arbeidsforholdet	Alltid
Sluttdato på arbeidsforholdet	Alltid i den månaden den tilsette sluttar
Årsak til sluttdato	Alltid
Yrkeskode	Alltid
Talet på timar per veke som svarar til ei full stilling	Alltid
Stillingsprosent	Alltid
Siste dato for endring av stillingsprosent	Alltid
Avlønningstype	Frivillig i 2018. Utgår i 2019.
Arbeidstidsordning	Alltid
Siste lønnsendringsdato	Alltid
Tilsetjingsform	Alltid
Lønnsansiennitet	Alltid for tilsette i verksemder som følgjer hovedtariffavtalen for staten, kommunen (også Oslo kommune) samt dei fleste føretak i finansnæringa.
Lønnstrinn	Alltid for tilsette i verksemder som følgjer hovedtariffavtalen for staten, kommunen (også Oslo kommune) samt dei fleste føretak i finansnæringa.
Fartøysopplysninger (sjå nedanfor)	Alltid

 

Permisjon

Skal fyllast ut når den tilsette er i permisjon.

 

Permitteringar

Skal fyllast ut når den tilsette er permittert.

 

For maritime arbeidsforhold skal du òg føre opp fartøysopplysningar:

• Skipsregister
  Oppgi kva for eit skipsregister fartøyet eller innretninga der arbeidet blir utført er registrert i. Skip kan vere registrerte i:
  • Norsk Ordinært Skipsregister (NOR)
  • Norsk Internasjonalt Skipsregister (NIS)
  • Utanlands skipsregister (UTL)
    
    
• Skipstype
  Oppgi kva for ein skipstype fartøyet eller den flyttbare innretninga er:
  • Eit turistskip (turist)
  • Ei boreplattform (boreplattform)
  • Annan type fartøy (anna)
    
    
• Fartsområde
  Oppgi informasjon om fartøyet er sertifisert for:
  • Innanriksfart (innanriks)
  • Utanriksfart (utanriks)

 

 

Er det obligatorisk

Ja, du må føre opp type arbeidsforhold, og i tillegg gi opplysningar om arbeidsforholdet kvar månad for ein tilsett i eit maritimt arbeidsforhold, til og med månaden for den aktuelle sluttdatoen.

Maritimt arbeidsforhold er rapporteringspliktig til Aa-registeret. Opplysningane du oppgir i a-meldinga blir automatisk sende vidare til Aa-registeret. 

Informasjon om arbeidsforholdet er obligatorisk. Somme opplysningar skal du berre oppgi dersom det er aktuelt, til dømes ved permisjon.

 

Når skal du rapportere

• Kor ofte?
  Oppgi arbeidsforholdet kvar månad til og med den månaden med den aktuelle sluttdatoen, sjølv om du ikkje betaler ut noko. I månaden etter sluttdatoen skal du ikkje oppgi arbeidsforholdet lenger.
  
  
• Kor tidleg?
  Du kan oppgi arbeidsforholdet med ein gong du veit startdatoen, og helst før den aktuelle startdatoen.
   
• Kor seint?
  Du må oppgi arbeidsforholdet seinast innan rapporteringsfristen for den månaden med den aktuelle startdatoen.

 

Døme på når du skal velje dette

Velje maritimt (eller ordinært) arbeidsforhold:

Dei kan vere maritime dersom dei utførast til sjøs

 

Velje eit maritimt arbeidsforhold for:

Merk!
For sokkelarbeidarar som jobbar på ein fast installasjon som til dømes ein boreplattform som er montert fast, skal du velje ordinært arbeidsforhold.

For fiskar og fangstmann som er teken opp i manntalet (fiskarmanntalet) skal du velje pensjon eller andre ytingar utanfor arbeidsforhold, eller ikkje oppgi type arbeidsforhold i det heile tatt.

 

 

Endre eller korrigere fartøysopplysningar

Endring av fartøysopplysningar

Dersom den tilsette er i same arbeidsforhold, men har bytt type fartøy og/eller fartsområde, må du oppgi korrekt type fartøy og/eller fartsområde i rapporteringsperioden der endringa skjer. Dersom det er ei ny arbeidsavtale, må først det rapporterte arbeidsforholdet avsluttast med sluttdato og årsak til sluttdato, og det nye arbeidsforholdet må rapporterast med ny arbeidsforholdsID og ny startdato, i tillegg til andre obligatoriske opplysningar.

 

Korrigere feil fartøysopplysningar

Dersom du har registrert feil fartøysopplysningar for ein tilsett, kan du rette dette i neste a-melding.

 

Rette feil

 

 

 

Kva nyttar vi opplysningane til

NAV nyttar opplysningar om type arbeidsforhold til å skilje på ordinære og maritime arbeidsforhold. Vidare nyttar dei opplysningane til å vurdere medlemskap i folketrygda, og til å rekne ut ytingar og etterkontroll av ytingane. Gjeld til dømes sjukepengar, dagpengar og foreldrepengar.

Statistisk sentralbyrå (SSB) brukar opplysningane til å lage statistikkar om utviklinga i lønningar, sysselsetjing og sjukefråvær  

Opplysningar om maritime arbeidsforhold blir overførte til Aa-registeret. NAV distribuerer opplysningar om arbeidsforhold frå Aa-registeret til private og offentlege aktørar som har lov til å ta imot dei.  Døme på dette er Skatteetaten og Arbeidstilsynet.