Kort om talet på timar per veke som ei full stilling svarar til

Før opp talet på arbeidstimar per veke som utgjer ei fulltidsstilling i eit tilsvarande arbeidsforhold. Trekk frå ubetalt matpause. Ikkje juster for eventuell overtid, fråvær, meirtid osv.

 

Døme

Jacob, William og Kari er tilsette i ei verksemd der talet på timar som ei full stilling svarar til er 37,5 per veke.

• Jacob jobbar i 100 prosent stilling. Før opp talet på timar per veke som svarar til ei full stilling = 37,5
• William jobbar deltid i 80 prosent stilling. Før opp talet på timar per veke som svarar til ei full stilling = 37,5
• Timetalet Kari jobbar, varierer frå veke til veke. Før opp talet på timar per veke som svarar til ei full stilling = 37,5

Emma jobbar i 80 prosent stilling i heilkontinuerleg skiftarbeid. Før opp talet på timar per veke som svarar til ei full stilling = 33,6

Svein jobbar i ein kiosk som har ope fire timar dagleg mandag til fredag. Før opp talet på timar per veke som svarar til ei full stilling = 37,5

 

Er det obligatorisk

Ja, du må føre opp talet på timar for alle ordinære og maritime arbeidsforhold.

Det er frivillig for frilansar, oppdragstakar og personar som tek imot honorar.

Du skal ikkje føre opp talet på timar dersom type arbeidsforhold er pensjon eller andre ytingar utanfor arbeidsforhold.

 

Når skal du rapportere

Før opp talet på timar den første gongen du rapporterer arbeidsforholdet og ta denne oppatt kvar månad til og med månaden du avsluttar arbeidsforholdet.

 

Er timar for ei fulltidsstilling ukjent

Du kan bruke 37,5 dersom talet på timar ei fulltidsstilling utgjer er ukjent. Du skal ikkje føre opp 0 timar. 37,5 timar nyttar ein til dømes der det ikkje er vanleg å jobbe fulltid, slik som avisbod, eksamensvakter, støttekontaktar o.l.

37,5 timar blir rekna som ei normal arbeidsveke i Noreg.

 

Undervisningspersonale

For lærarar skal ein vanlegvis oppgi 37,5 timar som talet på timar ei full stilling svarar til. Ikkje bruk talet på undervisningstimar.

 

Avlastar

Avlastar kan ha skriftleg avtale med arbeidsgivar om arbeidstid inntil 60 timar per veke. Har du fått feilmelding på avlastar som har avtale om arbeidstid på meir enn 45 timar per veke, kan du sjå bort frå feilmeldinga. Du treng ikkje å rette opp eller sende ny a-melding.

Dette gjeld arbeid som oppfyller plikta til kommunane etter helse- og omsorgstenestelova § 3-6 første ledd nr. 2 eller barnevernlova, når avlastinga skjer utanfor institusjon og avlastaren blir rekna som arbeidstakar etter arbeidsmiljølova § 1-8. Sjå eiga forskrift om arbeidstid for avlastere § 1.

 

Når ein arbeidstakar bytte jobb

Dersom personen har bytt jobb i verksemda og dette gjer at talet på timar som full stilling svarar til blir endra, fører du opp dette i den første månaden endringa gjeld frå.

Merk!
Oppgi timar som er standarden for talet på timar fulltid i den aktuelle typen jobb. Den faktiske arbeidstida for arbeidsforholdet går fram av det du oppgir som stillingsprosent.

 

Døme

Frida jobba fram til mai som vaktmeister i 80 prosent stilling. Talet på timar som svarar til ei full stilling er 37,5 timar.

Frå og med mai går ho over til ein jobb som driftsoperatør (kjemisk prosessindustri) med 80 prosent stilling og arbeidstidsordning heilkontinuerleg skiftarbeid 33,6 timar t/u. Talet på timar som svarar til ei full stilling er 33,6.

 

Rette feil

 

 

 

Kva nyttar vi opplysningane til

Opplysningane blir nytta av NAV og Statistisk sentralbyrå (SSB) for å rekne ut stillingsprosent for timelønte eller talet på timar per veke for fastlønte. Informasjonen er viktig for statistikk om lønningar og arbeidstid.

Opplysningar om talet på timar per veke som ei full stilling svarar til blir overførte til Aa-registeret.