Oppkjøp, eigarskifte eller overdraginga av verksemd vil seie at heile eller delar av verksemda blir selt/overdrege frå den noverande eigaren til den nye eigaren. 

 

Kva du må gjøre 

Ved oppkjøp, eigarskifte eller overdraginga av verksemd må:

1. Noverande eigar oppgi sluttdato og årsak til sluttdato på arbeidsforholda
2. Ny eigar oppgi startdato på dei nye arbeidsforholda

 

Den noverande eigaren oppgir sluttdato og årsak til sluttdato på arbeidsforholda

Som noverande eigar av verksemda må du føre opp sluttdato og årsak til sluttdato på alle arbeidsforholda for dei tilsette. Sjå òg utdjupande informasjon om sluttdato. 

 

 

Den nye eigaren oppgir startdato på dei nye arbeidsforholda

Som ny eigar av verksemda må du oppgi alle arbeidsforholda på dei tilsette som du tek over arbeidsgivaransvaret for på ny hovedeining. Ønskjer du meir informasjon om kva for opplysningar du skal oppgi, kan du sjå dei ulike typane arbeidsforhold.

Merk!
Den nye startdatoen på arbeidsforholdet skal vere dagen etter sluttdato, for at det skal bli riktige opplysningar i Aa-registeret i NAV. Til dømes sluttdato 31. desember og startdato 1. januar.

 

 

 

Når det blir oppretta ei hovudeining som seinare skal overta ei eller fleire undereiningar

Dersom det blir oppretta ei hovudeining som seinare skal overta ei eller fleire undereiningar, får ikkje den nyoppretta hovudeininga tildelt undereiningane. Dersom det arbeider personar i ei nyoppretta hovudeining som får lønn eller ytingar, må du oppgi arbeidsforholdstype Pensjon eller andre ytingar eller ikkje oppgi arbeidsforhold i det heile teke. Først når hovudeininga har overteke undereininga, oppgir du rett arbeidsforholdstype, til dømes endrar til ordinær, maritim eller frilansar.