Skal du endre type arbeidsforhold
Døme på korleis du byter frå eitt arbeidsforhold til eit anna.
Kort om å endre type arbeidsforhold
Har du ført opp feil type arbeidsforhold og ikkje har fått feilmelding (MAGNET/EDAG) på dette i tilbakemeldinga (A03), kan du rette feilen ved å sende ei erstatningsmelding eller ved å sende ei ny a-melding.
Dersom type arbeidsforhold er endra sidan sist a-melding må du følgje måten å endre på som er skildra under send ny a-melding.
Har du fått feilmelding (MAGNET/EDAG), sjå feilmeldingar
Viktig informasjon
Dersom du nyttar eit lønnssystem, kontaktar du systemleverandøren dersom du er usikker på korleis du rettar i ditt system.
Erstatningsmelding
Dersom du vel å sende ei erstatningsmelding, må du erstatte alle a-meldingar der du har ført opp feil type arbeidsforhold.
Ei erstatningsmelding er ei ny, fullstendig a-melding som erstattar heile den tidlegare innsende meldinga.
For at ei ny melding skal erstatte ei tidlegare melding, må du passe på at den nye meldinga viser til den gamle a-meldinga (meldingsID) og gjeld for same månad.
Ny a-melding
Dersom du vel å sende ei ny a-melding, er innhaldet i den nye a-meldinga avhengig av kva type arbeidsforhold du byter frå og til. Bruk tabellen nedanfor for å sjå kva alternativ du skal velje.
Dette gjeld òg når type arbeidsforhold er endra sidan sist a-melding. Du endrar i den neste a-meldinga du skal sende.
| Frå | Til | Alternativ |
| Ordinært arbeidsforhold | Maritimt arbeidsforhold | A |
| Ordinært arbeidsforhold | Frilansar, oppdragstakar, honorarpersonar med meir | A |
| Ordinært arbeidsforhold | Pensjon eller andre ytingar utanfor arbeidsforhold | B |
| Maritimt arbeidsforhold | Ordinært arbeidsforhold | A |
| Maritimt arbeidsforhold | Frilansar, oppdragstakar, honorarpersonar med meir | A |
| Maritimt arbeidsforhold | Pensjon eller andre ytingar utanfor arbeidsforhold | B |
| Frilansar, oppdragstakar, honorarpersonar med meir | Ordinært arbeidsforhold | A |
| Frilansar, oppdragstakar, honorarpersonar med meir | Maritimt arbeidsforhold | A |
| Frilanser, oppdragstaker, honorarpersoner med mer | Pensjon eller andre ytingar utanfor arbeidsforhold | B |
| Pensjon eller andre ytingar utanfor arbeidsforhold | Ordinært arbeidsforhold | C |
| Pensjon eller andre ytingar utanfor arbeidsforhold | Maritimt arbeidsforhold | C |
| Pensjon eller andre ytingar utanfor arbeidsforhold | Frilansar, oppdragstakar, honorarpersonar med meir | C |
Alternativ A
Når du endrar type arbeidsforhold, må du avslutte det eine arbeidsforholdet og opprette eit nytt med ny arbeidsforholdsID, ny startdato og andre obligatoriske opplysningar knytte til type arbeidsforhold. Dette gjer du i den neste a-meldinga du skal sende.
Døme
Fatima jobbar for eit oljeselskap. Ho byrja å jobbe hjå dei 3. august og dei oppgav at ho har eit ordinært arbeidsforhold. I november oppdagar dei at dei har gitt feil opplysningar. Fatima har eit maritimt arbeidsforhold.
|
A-melding for november |
|
| Inntektsmottakar | Fatima |
| ArbeidsforholdsID | 10 |
| Type arbeidsforhold | ordinært |
| Startdato på arbeidsforholdet | 3. august |
| Sluttdato på arbeidsforholdet | 3. august |
| Årsak til sluttdato | arbeidsforholdet skulle aldri ha vore rapportert |
| Stillingsprosent | 0 |
I tillegg fører dei opp andre obligatoriske opplysningar som gjeld for ordinære arbeidsforhold (dei same opplysningane som er oppgitt i tidlegare a-meldingar), og alle andre obligatoriske opplysningar for månaden.
| ArbeidsforholdsID | 20 |
| Type arbeidsforhold | maritimt |
| Startdato på arbeidsforhold | 3. august |
| Stillingsprosent | 100 |
I tillegg fører dei opp andre obligatoriske opplysningar.
Alternativ B
Når du endrar type arbeidsforhold til pensjon eller andre ytingar utanfor arbeidsforhold, må du avslutte arbeidsforholdet som er feil. Dette gjer du i den neste a-meldinga du skal sende.
Døme
Eit pensjonsselskap har oppgitt at William byrja å jobbe hjå dei 5. januar og at han har eit ordinært arbeidsforhold. I mai oppdagar dei at dei har gitt feil opplysningar. William er ikkje i eit arbeidsforhold, han tek berre imot pensjon.
|
A-melding for mai |
|
| Inntektsmottakar | William |
| ArbeidsforholdsID | 10 |
| Type arbeidsforhold | ordinært |
| Startdato på arbeidsforholdet | 5. januar |
| Sluttdato på arbeidsforholdet | 5. januar |
| Årsak til sluttdato | arbeidsforholdet skulle aldri ha vore rapportert |
| Stillingsprosent | 0 |
I tillegg fører dei opp andre obligatoriske opplysningar som gjeld for ordinære arbeidsforhold (dei same opplysningane som er oppgitt i tidlegare a-meldingar), og alle andre obligatoriske opplysningar for månaden.
| Type arbeidsforhold | pensjon og andre ytingar utanfor arbeidsforhold |
Dei kan òg la vere å føre opp type arbeidsforhold (gjeld berre for type arbeidsforhold pensjon og andre ytingar utanfor arbeidsforhold).
Alternativ C
Når du endrar type arbeidsforhold frå pensjon eller andre ytingar utanfor arbeidsforhold til ein annan type arbeidsforhold, må du føre opp eit nytt arbeidsforhold med rett type arbeidsforhold. Dette gjer du i den neste a-meldinga du skal sende.
Døme
Kari jobbar i eit forsikringsselskap. Dei har oppgitt at Kari tek imot pensjon, og at type arbeidsforhold er pensjon eller andre ytingar utanfor arbeidsforhold. I mars oppdagar dei at dei har gitt feil opplysningar. Kari har eit ordinært arbeidsforhold.
|
A-melding for mars |
|
| Inntektsmottakar | Kari |
| ArbeidsforholdsID | 10 |
| Type arbeidsforhold | ordinært |
| Startdato på arbeidsforholdet | 5. januar |
I tillegg fører dei opp andre obligatoriske opplysningar.
