Kvifor denne feilmeldinga

Den førre månaden gav du opplysningar om eit arbeidsforhold du ikkje har teke med i a-meldinga denne månaden.

Feilmeldinga kan kome av at du har: 

• gløymt å oppgi arbeidsforholdet denne månaden
• gløymt å setje sluttdato på eit arbeidsforhold som er avslutta
• oppgitt to arbeidsforhold førre månad på ein tilsett som berre har eitt arbeidsforhold, til dømes at du har sendt a-melding frå lønnssystem og direkte i Altinn (A01)
• oppgitt arbeidsforholdet på ei anna verksemd i førre månad
• retta a-meldinga ein månad tilbake i tid (gjeld til dømes om du har lagt inn opplysningar om startdato for nokon som begynner i august i a-meldinga for mai og ikkje gjort det same i a-meldinga for juni.)

Merk!
Oppgi arbeidsforholdet kvar månad så lenge det er aktivt sjølv om inntektsmottakaren ein månad ikkje har teke imot lønn eller andre ytingar. Det er først når du har oppgitt sluttdato på arbeidsforholdet, og sluttdatoen er passert, at du ikkje skal ta oppatt arbeidsforholdet lenger.

 

Sjå òg:

Byte lønnssystem

 

Må du rette

Ja, a-meldinga inneheld feil eller manglar du må rette opp.

Du må rette feilen innan fristen for å levere a-melding for kalendermånaden du har fått feilmeldinga. 

Alvorsgrad: Omgåande

Sjå oversikta over ulike alvorsgrader på feil

 

Slik rettar du

1. Finn arbeidsforholdet som manglar i a-meldinga. Gjeld arbeidsforhold der du ikkje har oppgitt sluttdato.
   
   
2. Før opp arbeidsforhold som manglar, eller før opp sluttdato på arbeidsforholdet dersom den tilsette har slutta.
   
   
3. Når du har retta feilen, sender du inn a-meldinga. Dersom du nyttar eit lønnssystem, kan du kontakte systemleverandøren dersom du er usikker på korleis du rettar i ditt system.