Informasjonen i meldinga stemmer ikkje overeins med informasjon i Einingsregisteret
F142B / MAGNET_EDAG-142B
Kvifor denne feilmeldinga
Du har brukt eit organisasjonsnummer for ei undereining som ikkje er knytt til ei hovedeining i Einingsregisteret for perioden a-meldinga gjeld.
Dette kan til dømes kome av at du har:
- oppgitt organisasjonsnummer for ei undereining som du tidligare eigde, mens du meinte å oppgi organisasjonsnummeret til ein anna undereining som du eig no
- rapportert for ein periode du ikkje eigde undereininga du oppgav
Må du rette
A-meldinga er levert med opplysningar som kan vere feil.
Dersom det er feil, må du rette opp feilen innan fristen for å levere a-melding i kalendermånaden du har fått feilmeldinga.
Alvorsgrad: Retningslinje
Sjå oversikta over ulike alvorsgrader på feil
Slik rettar du opp
- Sjekk organisasjonsnummeret på undereininga du har oppgitt.
- Dersom du har brukt rett organisasjonsnummer for hovedeininga og undereinnga, og sendt inn opplysningar for rett kalendermånad, treng du ikkje gjere noko. Inntekt skal rapporterast den månaden utbetalinga skjer, sjølv om eigarskapet ditt til undereininga har opphøyrt. Opplysningar om arbeidsforhold skal ikkje sendast inn for ein månad der du ikkje eigde/eig undereininga. Dersom arbeidsforholdet har opphøyrt og du skal sende inn opplysningar om inntekt, skal du ikkje ta med opplysningar om arbeidsforholdet.
- Ulike feil. Sjå kva du må gjere:
- Har du sendt inn opplysningar om arbeidsforhold for ein månad som er etter at eigarskapet til undereininga opphøyrde, må du kontrollere at sluttdatoen for arbeidsforholdet ikkje er seinare enn datoen for opphøyr eller overdraging av undereininga.
- Dersom det var meininga å sende inn opplysningar om ei undereininga som du eig no, og ikkje ei undereining som du eigde tidlegare, må du endre organisasjonsnummeret før du sender inn på nytt (erstatning).
- Dersom du har sendt inn a-melding for feil kalendermånad, må du erstatte a-meldinga du har sendt inn for feil kalendermånad, med ei tom a-melding og deretter sende inn ei a-melding med rett kalendermånad.
- Dersom det er oppdaga feil i Einingsregisteret, må du rette opplysningane i Einingsregisteret. Dette gjer du på brreg.no.
- Når feilen er retta, sender du inn a-meldinga. Dersom du nyttar eit lønnssystem, må du ta kontakt med systemleverandøren dersom du er usikker på korleis du rettar i systemet.
Døme
Undereining A er knytt til hovedeining 1 til og med juni. Frå juli blei undereining A knytt til hovedeining 2.
I a-meldinga for august oppgir hovedeining 1 at Ola har eit arbeidsforhold i undereining A. Dei får feilmeldinga MAGNET_EDAG-142B fordi organisasjonsnummera ikkje er knytt saman i august.
Det er rett at Ola jobbar i undereining A i august, men dette må hovedeining 2 føre opp, ettersom dei eig undereininga i august.
For å rette feilen må:
- Hovedeining 1 fjerne undereining A og Ola frå a-meldinga si for august. Dette gjer dei ved å sende ei erstatningsmelding.
- Hovedeining 2 inkludere undereining A og Ola i a-meldinga si for august.
Døme 2
Undereining A er knytt til hovedeining 1 til og med juni. Frå juli blei undereining A knytt til hovedeining 2.
I a-meldinga for august oppgir hovedeining 1 at Ola har fått utbetalt feriepengar i undereining A. Han har ikkje med opplysningar om arbeidsforholdet til Ola. Dei får feilmeldinga MAGNET_EDAG-142B fordi organisasjonsnummera ikkje er knytt saman i august.
Her har hovedeining 1 rapportert inntekt etter at eigarskapet til undereining A har opphøyrt. Han har følgt kontantprinsippet – og rapportert korrekt. Feilmeldinga MAGNET_EDAG-142B kan han sjå bort frå.
Døme 3
Undereining A er knytt til hovedeining 1, men med opphøyrsdato 30. juni. Frå 16. juli opprettar hovedeining 1 ei ny undereining B.
I a-meldinga for august oppgir hovedeining 1 at Ola har eit arbeidsforhold i undereining A. Dei får feilmeldinga MAGNET_EDAG-142B fordi undereining A opphøyrde 30. juni.
Det rette er at Ola jobbar i undereining B i august. Dette må hovedeining 1 oppgi.
For å rette feilen må:
- Hovedeining 1 i si a-melding for august fjerne undereining A og Ola og leggje til undereining B og Ola. Dette gjer dei ved å sende ein erstatningsmelding for august, der undereining A blir erstatta av undereining B.
