Kort om skatte- og avgiftsregelen

Sjøfolk blir gitt eit særskilt frådrag i lønn og andre ytingar som er opptente om bord på skip i fart.

Sjå satsane for frådraget

Skatte- og avgiftsregelen gjeld for

• personar som har arbeid om bord på skip i fart som hovudarbeid
• dersom arbeidet varer til saman minst 130 dagar i det same inntektsåret

Frå 2024 skal skatte- og avgiftsregelen óg gjelde for stasjonære skip/ skip i kysttrafikk, inkludert brønnbåtar, der personen har ein avtalt turnusordning som inneber eit samanhengande opphald om bord på skipet i minst tre veker om gongen.

Det er visse unnatak frå kravet om 130 dagar, dersom inntektsmottakaren kjem inn under ein tariffavtale.

Skatte- og avgiftsregelen gjeld ikkje for:

• statslosar.
• lønn og andre ytingar ved arbeid om bord på ferjer eller passasjerfartøy i rutetrafikk mellom norske hamner, når ruta sin distanse mellom første og siste stoppestad er under 300 nautiske mil. 
• Arbeidstakarar som ikkje har krav på frådraget, eller der det er usikkert om arbeidstakar har krav på frådraget i det aktuelle inntektsåret. I desse tilfella må arbeidstakar sjølv krevje frådraget i si skattemelding dersom han meiner vilkåra er oppfylte.
  
  

Les meir om det særskilde frådraget for sjøfolk i Skatte-ABC

Les meir om det særskilde frådraget for sjøfolk på skattemeldinga

 

Talet på døgn om bord

For å ha rett på frådraget er det i utgangspunktet eit krav at

• inntektsmottakaren faktisk har arbeidd om bord i til saman 130 dagar i same inntektsår

Det er visse unnatak frå kravet om 130 dagar, dersom inntektsmottakaren kjem inn under ein tariffavtale.

Du skal føre opp kor mange døgn inntektsmottakar har vore om bord hvis inntektsmottakar har krav på frådraget. Det er ikkje nødvendig at talet på døgn er rett per månad, så lenge du fører opp det rette talet totalt i løpet av året.

Dersom du har ført opp feil tal på døgn i ei a-melding kan du rette i ei seinare a-melding. Du treng ikkje rette tilbake i tid.

 

Ytingar som skatte- og avgiftsregelen gjeld for

Du kan bruke skatte- og avgiftsregelen «Særskilt frådrag for sjøfolk» for dei fleste typar lønn og ytingar.

Du skal markere lønn og andre ytingar, som gir rett til frådraget med «Særskilt frådrag for sjøfolk».

Sjå oversikta over ytingar som skatte- og avgiftsregelen gjeld for

 

Kombinasjon av særskilt frådrag for sjøfolk og nettolønn

For somme arbeidstakarar til sjøs gjeld to ulike skatte- og avgiftsreglar.

Dette er arbeidstakarar som:

• har krav på eit særskilt frådrag for sjøfolk og
• har inngått ein avtale med arbeidsgivaren sin om nettolønn

Denne kombinasjonen kallar vi for nettolønn for sjøfolk.

Sjå utfyllande informasjon om skatte- og avgiftsregelen for nettolønn

 

Kva brukar vi opplysningane til

NAV brukar opplysningar om lønn og andre ytingar til å rekne ut dagpengar, og for å kontrollere ytingar som sjukepengar, foreldrepengar, uføretrygd og bidragsforskot.

Skatteetaten nyttar opplysningane til å sikre at sjøfolka får frådraget dei har krav på.

Statistisk sentralbyrå (SSB) nyttar opplysningane til statistikkføremål.