Utleggstrekk i a-meldinga
Gjeld utleggstrekk for den enkelte inntektsmottakaren og utleggstrekk å betale totalt for arbeidsgivaren.
Kort om utleggstrekk
Når offentlege og private kreditorar ikkje får betalt til rett tid, kan namsmaktene påleggje arbeidsgivaren til skuldnaren å gjennomføre trekk i den tilsette si lønnsutbetaling og
Du skal trekkje beløpet i samsvar med trekkpålegget du får når du utbetaler eller på annan måte gir oppgjer for lønn eller anna godtgjering eller yting.
Frå 2026 gjeld også ein ny type utleggstrekk: Samordna utleggstrekk. Nokre tilsette kan få den nye typen samordna utleggstrekk, samtidig med at andre tilsette får den gamle typen utleggstrekk. Overgangen skjer gradvis, og arbeidsgivarar vil ha tilsette med begge typar utleggstrekk i fleire år. Dette gjer at du må rapportere ulikt i a-meldinga.
I a-meldinga skal du gi opplysningar om:
- type utleggstrekk
- utleggstrekkSamordna
- utleggstrekkSkatt
- kor mykje du har trekt i utleggstrekk på den enkelte inntektsmottakaren.
- du skal oppgi beløpet med minusteikn
- kva dato du gjennomførte trekket
- Du skal gjennomføre trekket på lønnsutbetalingsdatoen.
- Fristen for å betale utleggstrekk er den første arbeidsdagen etter lønnsutbetaling.
Kva kode skal du bruke når du rapporterer utleggstrekk i a-meldinga?
Du må alltid følgje informasjonen i trekkpålegget. Du skal ikkje rapportere alle typar utleggstrekk i a-‑meldinga.
Oversikt over rapportering, kodar, totalsum og betaling
|
Type utleggstrekk |
Skal rapporterast i a-meldinga |
Kode i a-meldinga |
Inngår i «Sum utleggstrekk å betale» |
Betaling |
|
Pålegg om utleggstrekk, ny ordning (innkrevjingslova 2026) |
Ja |
utleggstrekkSamordna |
Ja |
Første arbeidsdag etter lønnsutbetaling Unikt KID-nummer per inntektsmottakar (ikkje samlesum). KID-nummer finst i trekkpålegget |
|
Pålegg om trekk til dekning av skatt og avgift, pålagt etter gammalt regelverk. |
Ja |
utleggstrekkSkatt |
Ja |
Første arbeidsdag etter lønnsutbetaling Éi samla betaling (eitt KID-nummer). |
|
Utleggstrekk for andre kravtypar pålagt etter gammalt regelverk. |
Nei |
– |
Nei |
Sjå trekkpålegget. |
Sum utleggstrekk å betale
Feltet «Sum utleggstrekk å betale» skal vere:
- summen av alle utleggstrekkSamordnet +
- summen av alle utleggstrekkSkatt som er rapportert i samme a-melding.
Du skal ikkje ta med utleggstrekk som ikkje skal rapporterast i a-‑meldinga.
Viktig!
- UtleggstrekkSkatt skal betalast som ein samlesum på eitt KID-nummer for alle inntektsmottakarane som er trekte på den aktuelle lønnsutbetalinga.
- UtleggstrekkSamordna skal betalast enkeltvis på KID-nummer per inntektsmottakar. (Ikkje samlesum.)
Unntak – trekk som ikkje skal rapporterast i a-meldinga
For utleggstrekk som er pålagt etter tidlegare regelverk gjeld det nokre unntak for kva som skal rapporterast i a-meldinga:
Utleggstrekk som er lagt ned i utbetalingar til sjølvstendig næringsdrivande eller andre ytingar det ikkje skal gjennomførast forskottstrekk i, skal ikkje rapporterast i a-meldinga. Det same gjeld for private arbeidsgivarar og velgjerande eller allmennyttige institusjonar eller organisasjonar som er omfatta av forenkla oppgjersordning, sjå a-opplysningsforskrifta § 3-1 andre ledd. Utleggstrekk i desse tilfella skal rapporterast på særskilt oppgjersskjema.
Utleggstrekk som er lagt ned til dekning av enkelte krav er unntatt frå rapportering i a-meldinga. Dette gjeld til dømes krav på meirverdiavgift, særavgifter, toll, petroleumsskatt og så bortetter.
Les meir om gjennomføring av utleggstrekk
Merk: Skattebetalingshandboka er ikkje oppdatert med endringar i ny innkrevjingslov 1. januar 2026. Ny versjon kjem i løpet av 2026.
Korleis skal du berekne utleggstrekket der det er lagt ned eit prosenttrekk?
For utleggstrekk skatt etter gammalt regelverk skal arbeidsgivar berekne storleiken på trekket ut frå bruttolønn. Utleggstrekk blir berekna av det same grunnlaget som forskottsstrekket.
For samordna utleggstrekk etter nytt regelverk skal naturalytingar og utgiftsgodtgjeringar haldast utanfor grunnlaget.
Reglane om trekkfridom for éin månad om sommaren og for ein halv månad før jul gjeld ikkje for utleggstrekk.
Når skal du rapportere?
Du skal gi opplysningar om utleggstrekk i a-meldinga kvar månad du har gjennomført eit trekk.
|
Dette skal du oppgi i a-meldinga: |
|
|
Utleggstrekk skatt eller utleggstrekk samordna |
|
|
Beløp utleggstrekk |
- x kroner |
|
Datoen for utleggstrekket |
dato |
Sjå frister og betaling i a-meldinga
Rette feil
| MAGNET_EDAG-280 Ugyldig beløp |
| MAGNET_EDAG-293 Ugyldig verdi |
| MAGNET_EDAG-294 Feil i utleggstrekk |
| MAGNET_EDAG-295 Oppgitt utleggstrekk å betale er feil |
Ved feil i utleggstrekket denne terminen, skal utleggstrekket og a-meldinga korrigerast på den kalendermånaden som inneheld feilen.
Ved feil i utleggstrekk som gjeld tidlegare terminar, avklar ein eventuell korreksjon av utleggstrekk og a-melding nærare med Skatteetaten. Bruk kontaktskjema RF-1306, oppgi referansen i det mottekne trekkpålegget og forklar kva saka gjeld.
Det er trekt for mykje utleggstrekk
Rett opp dersom utleggstrekket ved ein feil har blitt rekna ut for høgt, eller dersom det har blitt trekt i ei godtgjersle eller yting som ikkje er omfatta av trekkpålegget.
Slik rettar du
- Betal tilbake til inntektsmottakaren det du har trekt for mykje.
- Rett utleggstrekket i a-meldinga for kalendermånaden som inneheldt feil trekk. Ved bruk av lønnssystem kan du sjekke med systemleverandøren din dersom du er usikker på korleis du rettar i systemet.
- Du får trekket tilbakebetalt frå Skatteetaten.
- Ikkje gjer endringar i a-meldinga dersom du ikkje betaler tilbake. Inntektsmottakaren må kontakte Skatteetaten for å få tilbakebetalt det som er trekt for mykje.
Døme – tilbakebetaling av utleggstrekk
Janne har eit utleggstrekk på 30 prosent. Arbeidsgivar har ved ein feil rekna ut utleggstrekket av den trekkfrie bilgodtgjersla.
A-melding for januar
OpphavlegFastlønn 60 000 Trekkfri bilgodtgjerlse 4 000 Forskotstrekk - 20 000 Utleggstrekk - 19 200
Arbeidsgivar oppdagar feilen, betaler 1 200 kroner til Janne og sender ny a-melding for januar.
A-melding for januar
Utleggstrekk 1 200
Samla utleggstrekk for Janne i januar: 18 000 kroner.
Kva bruker vi opplysningane til
Skatteetaten bruker opplysningane til å krevje inn og kontrollere gjennomført utleggstrekk.
Aktuelt regelverk
