Kort om yrkeskode

Yrkeskode er ein 7-sifra kode som finst i yrkeskatalogen hjå Statistisk sentralbyrå (SSB).

Det er berre desse kodane frå SSB som kan nyttast. Dersom du fører opp ein kode som ikkje finst i katalogen (som til dømes 0000 000 eller 9999 999) blir a-meldinga avvist.

Yrkeskoden bestemmer ein ut ifrå dei konkrete arbeidsoppgåvene til arbeidstakaren, ikkje utdanningsnivå eller stillingstype. Det er opp til arbeidsgivar å vurdere kva for yrkeskode som er rett.

Spørsmål om yrkeskoder kan sendes til [email protected]. 

Døme

Otto er utdanna røyrleggjar, men jobbar som vaktmeister på ein skule. For Otto er koden for vaktmeister, 5163 121 rett. Ikkje koden for røyrleggjar, 7134 114.

 

Er det obligatorisk

Ja, du må føre opp yrkeskode for alle ordinære og maritime arbeidsforhold, og for frilansar, oppdragstakar og personar som tek imot honorar

Du skal ikkje føre opp yrkeskode dersom type arbeidsforhold er pensjon eller andre ytingar utanfor arbeidsforhold. Det siste gjeld for eksempel personar som berre mottar utgiftsgodtgjerlser.

 

Når skal du rapportere

Før opp yrkeskode den første gongen du rapporterer arbeidsforholdet og ta denne oppatt kvar månad til og med månaden du avsluttar arbeidsforholdet.

 

Engelske yrkestitlar

Yrkestitlane i yrkeskatalogen er i hovudsak basert på norske yrkestitlar. For arbeidstakarar med engelske yrkestitlar, må du finne ein passande norsk yrkestittel i yrkeskatalogen og oppgi koden for denne. Som tidlegare nemnt skal yrkeskoden bestemast av dei konkrete arbeidsoppgåvene i jobben, og det er opp til arbeidsgivar å vurdere kva yrkeskode som er riktig.

 

Yrkeskode for leiarar

Yrkeskodar for leiarar startar med 1 i første siffer. Yrkeskodar for leiarar blir nytta for tilsette som har eit breitt sett av leiaroppgåver som inneber fag-, personal- og økonomiansvar. Berre fagleg leiing er ikkje nok. Om du har få ansatte og det meste av tida til leiaren går med til å delta i produksjonen, skal du ikkje bruke yrkeskode for leiar. Bruk da yrkeskode for den aktuelle arbeidsoppgåven.

 

Døme

Nora jobbar som ferskvaresjef i ein butikk. For Nora er koden 5221 135 «ferskvaresjef» eller 5221 102 «avdelingssjef (butikk)» rett.

Per har eiget snekkerfirma organisert som eit AS utan ansatte. Han gjer opp yrkeskode 7421118 Snekker på seg sjølv.

 

Fleire arbeidsoppgåver i eitt arbeidsforhold

Dersom eitt arbeidsforhold består av fleire arbeidsoppgåver, skal du føre opp yrkeskoden som gjeld dei arbeidsoppgåvene den tilsette jobbar mest med. Er delane like store, vel du koden med det lågaste talet.

 

Byte av arbeidsoppgåver

Dersom ein tilsett har bytt arbeidsoppgåver sidan du sist sende a-melding og du skal endre yrkeskode, fører du opp ny yrkeskode frå og med månaden den tilsette bytte arbeidsoppgåver.

 

Rette feil

 

 

Kva nyttar vi opplysningane til

Statistisk sentralbyrå (SSB) nyttar opplysningane i statistikk. Yrkeskode er ein viktig variabel når ein forhandlar om lønn eller arbeider med å redusere sjukefråværet og betre arbeidsmiljøet.

NAV nyttar opplysningane i statistikk og også når dei trekkjer ut ulike yrkesgrupper.

Opplysningar om yrkeskode blir overførte til Aa-registeret. NAV distribuerer opplysningar om arbeidsforhold frå Aa-registeret til private og offentlege aktørar som har lov til å ta imot dei.  Døme på dette er Skatteetaten og Arbeidstilsynet.