Besøksreiser til heimen for pendlarar
Gjeld kjøp av billettar for besøksreiser til heimen for pendlarar.
Kort om besøksreiser til heimen for pendlarar
Før opp når arbeidsgivar kjøper billettar i samband med pendlar sitt besøk i heimen i Noreg eller i utlandet.
Du skal bruke Skattedirektoratet sine satsar når du reknar ut den skattefrie fordelen.
Er dekninga av reisa trekkpliktig:
- som naturalyting skal du føre opp dette som trekkpliktig naturalyting – uspesifisert
- som refusjon til heimen i Noreg skal du føre opp dette som trekkpliktig anna godtgjerlse på reise
- som refusjon til heimen i utlandet skal du føre opp dette som trekkpliktig utgiftsgodtgjerlse - besøksreise til heimen for utanlandsk arbeidstakar med opphald i Noreg
For arbeidstakar med heim innanfor EØS-området er skattefri dekning avgrensa til den delen av utgiftene som ikkje overstig kr 100 880. Avgrensinga på 100 880 kroner gjeld ikkje for arbeidsgivar si dekning av besøksreiser med fly for pendlarar innanfor EØS-området. For arbeidstakar med besøksreiser til heim utanfor EØS-området er skattefri dekning av faktiske kostnader, også dekning av kostnader til flyreiser, avgrensa til kr 100 880.
Sjå satsar for frådrag for reiser mellom heim og arbeid
Frådragsrett
Pendlarar har i utgangspunktet frådragsrett for kostnader til besøksreiser til heimen.
Når arbeidsgivaren dekkjer meirutgifter som arbeidstakaren kan krevje frådrag for på grunn av pendlarstatusen sin, er kostnaden i utgangspunktet skattefri for mottakaren (nettometoden).
Du må vurdere kvar arbeidstakaren har den skattemessige bustaden sin for å kunne leggje til grunn at arbeidstakaren er pendlar.
Besøksreiser til heimen i utlandet for utanlandske arbeidstakarar
- Er trekkpliktig ved skattekort med standardfrådrag eller med kjeldeskatt på lønn
Når arbeidstakaren har eit skattekort med standardfrådrag eller med kjeldeskatt på lønn, er utgiftsgodtgjersler og naturalytingar som skal dekkje besøksreiser alltid trekkpliktige. Dette gjeld uansett om arbeidstakaren har frådragsrett for slike kostnader eller ikkje.
Sjå òg Skatte-ABC om refusjon av faktiske kostnader eller naturalyting ved besøksreiser
Les meir om kjeldeskatt på lønn for utanlandske arbeidstakarar
Viktig informasjon
Ein norsk pendlar er ein person som:
- er skattemessig busett i Noreg,
- pendlar mellom bustad i Noreg og bustad i Noreg eller utlandet og
- har krav på frådrag for meirutgifter ved arbeidsopphald utanfor heimen.
Ein utanlandsk pendlar er ein person som:
- er skattemessig busett i utlandet,
- pendlar mellom bustad i utlandet og bustad i Noreg og
- er utanlandsk arbeidstakar som pendlar frå EØS-land og som ikkje har hatt skattekort med standardfrådrag og som ikkje har skattekort med kjeldeskatt på lønn, eller
- utanlandsk arbeidstakar med avgrensa skatteplikt til Noreg som pendlar frå eit land utanfor EØS og som ikkje har hatt skattekort med standardfrådrag og som ikkje har skattekort med kjeldeskatt på lønn.
Kva for opplysningar skal du oppgi
| Beløp | x kroner |
| Type lønn eller yting | naturalyting, besøksreiser heimen anna |
| Trekkplikt | nei |
| Grunnlag for arbeidsgivaravgift | nei |
| Skatte- og avgiftsregel | dersom aktuelt |
Tilleggsinformasjon: |
|
| Tal | talet på reiser |
| Beskrivelse (gjeld berre for utanlandsk arbeidstakar) | utanlandsk pendlar med skattekort utan standardfrådrag |
Beløp
Før opp bruttobeløpet.
Type lønn eller yting
Før opp «naturalyting» og «besøksreiser heimen anna».
Trekkpliktig
Ytinga er ikkje trekkpliktig.
Grunnlag for arbeidsgivaravgift
Du skal ikkje rekne arbeidsgivaravgift av ytinga.
Skatte- og avgiftsregel
Dersom inntektsmottakaren oppfyller vilkåra, skal du bruke skatte- og avgiftsreglane:
Skatte- og avgiftsregelen gjeld:
- inntektsmottakarar som kjem inn under Svalbardskattelova
Dersom inntektsmottakaren oppfyller vilkåra skal du markere lønn og andre ytingar med «Svalbard».
Du må òg markere forskotstrekk som høyrer til, med nemninga «Svalbard».
Sjå utfyllande informasjon om forskotstrekk i a-meldinga
Hugs óg å oppgi riktig nemning av frådraget når det er ei eiga frådragsnemning for Svalbard, sjå fagforeiningskontingent, premie til pensjonsordningar, premie til fond og trygd og brakkeleige.
Skatte- og avgiftsregelen gjeld:
- inntektsmottakarar som kjem inn under Jan Mayen-skattelova.
Dersom inntektsmottakaren oppfyller vilkåra skal du markere lønn og andre ytingar med «Jan Mayen og bilanda».
Du må òg markere forskotstrekk som høyrer til med «Jan Mayen og bilanda».
Sjå utfyllande informasjon om forskotstrekk i a-meldinga
Hugs óg å oppgi riktig nemning av frådraget når det er ei eiga frådragsnemning for Jan Mayen og bilanda, sjå fagforeiningskontingent og premie til pensjonsordningar.
Skatte- og avgiftsreglane gjeld ikkje for utanlandsk pendlar med skattekort utan standardfrådrag eller utanlandsk pendlar med skattekort utan kjeldeskatt på lønn.
Tilleggsinformasjon
- Tal
Før opp talet på reiser. - Nemning
Før opp «utanlandsk pendlar med skattekort utan standardfrådrag» når arbeidstakaren har eit skattekort utan standardfrådrag for utanlandske arbeidstakarar. Denne nemninga bruker du óg når arbeidstakar har eit skattekort utan kjeldeskatt på lønn for utanlandsk arbeidstakarar.
Oppteningsperiode (frivillig)
Du kan oppgi oppteningsperiode for alle typar lønn og andre ytingar i a-meldinga. Både startdato og sluttdato for oppteningsperioden må vere innanfor same rapporteringsmånad.
Når skal du rapportere
Før opp ytinga den kalendermånaden du har utbetalt beløpet.
Rette feil
| MAGNET_EDAG-114 Ugyldig verdi |
| MAGNET_EDAG-114B Ugyldig verdi for denne kalendermånaden |
| MAGNET_EDAG-200 Denne inntekta er rapportert med feil opplysningar og er ugyldig |
| MAGNET_EDAG-230B Ugyldig verdi |
| MAGNET_EDAG-243 Opplysningar om oppteningsperiode er ugyldig |
| MAGNET_EDAG-298 Denne inntekta er rapportert med feil opplysningar og er ugyldig |
Kva brukar vi opplysningane til
NAV brukar opplysningar til kontrollformål.
Skatteetaten brukar opplysningar om besøksreise til heimen for pendlar til å sikre at arbeidstakaren ikkje krev frådrag for arbeidsgivaren si dekning. Eit eventuelt overskot skal overførast til skattemeldinga.
Statistisk sentralbyrå (SSB) brukar opplysningane til statistikkføremål.
Aktuelt regelverk
