Lønn frå den norske stat som opptent i utlandet
Gjeld lønn frå den norske stat som er opptent i utlandet til norske statsborgarar som er skattepliktig busette i utlandet.
Kort om lønn frå den norske stat som er opptent i utlandet
Før opp ytingar frå den norske stat til norske statsborgarar som er skattemessig busette i utlandet og der ytinga er opptent i utlandet.
Personar som tek imot lønn frå den norske stat kan mellom anna vere personar som arbeider i:
- utanrikstenesta, og er tilsett i Utanriksdepartementet
- fredsstyrkar og er tilsett i Forsvaret
- Noregs Bank
- internasjonale organisasjonar eller institusjonar, og som er lønte av den norske stat
Lønna skal skattleggjast særskilt dersom inntektsmottakaren er skattemessig busett utanfor Noreg. Ein må difor synleggjere ytinga. Dette kan ikkje avleiast av at den opplysningspliktige er den norske stat, ettersom desse skattereglane også omfattar øyremerkt lønn frå staten til tilsette i internasjonale organisasjonar. Utbetalinga skjer frå organisasjonen, men lønna skriv seg frå den norske stat.
Mellombels arbeidsopphald i utlandet
Inntektsnemninga skal ikkje brukast ved mellombels arbeidsopphald i utlandet (ikkje skattemessig busett i utlandet). For lønn frå den norske stat på mellombels arbeidsopphald i utlandet skal inntektsnemninga Lønn og anna godtgjersle for arbeid utført i utlandet brukast.
Privat arbeidsgivar, statlege midlar
For lønn frå statleg føretak som driv forretningsverksemd, gjeld dei ordinære reglane. Lønn som blir utbetalt av ein privat arbeidsgivar, men der statlege midlar er øyremerkte til eit bestemt tal på personar til bestemte oppdrag, skal reknast som lønn utbetalt frå den norske stat. Det er ikkje tilstrekkeleg at arbeidsgivaren tek imot tilskot frå staten når tilskotet ikkje er øyremerkt bestemte stillingar.
Feriepengar
Feriepengar av «lønn frå den norske stat som er opptent i utlandet» for tidlegare inntektsår, skal du føre opp som feriepengar opptent i utlandet tidlegare år.
Kva for opplysningar skal du oppgi
| Beløp | x kroner |
| Type lønn eller yting | kjem an på type inntekt (sjå nedanfor) |
| Trekkplikt | ja |
| Grunnlag for arbeidsgivaravgift | ja |
| Skatte- og avgiftsregel | dersom aktuelt |
Tilleggsinformasjon: |
|
| Nemning | lønn frå den norske stat opptent i utlandet |
| Talet på timar | for timelønn og overtidsgodtgjerlse |
| Oppteningsland | landkode |
Beløp
Før opp bruttobeløpet.
Du skal òg føre opp talet på timar saman med nemninga timelønn eller overtidsgodtgjersle.
Type lønn eller yting
Før opp «kontantyting» og ei av desse inntektene:
- Fastlønn
- Timelønn
- Faste tillegg
- Uregelrett tillegg knytt til arbeidd tid
- Helgedagstillegg
- Uregelrett tillegg knytt til ikkje-arbeidd tid
- Bonus
- Overtidsgodtgjersle
- Sluttvederlag
- Feriepengar
- Anna
- Trekk i lønn for ferie (beløpet skal alltid vere negativt)
Trekkpliktig
Ytinga skal alltid førast opp som trekkpliktig.
Du kan late vere å gjennomføre forskotstrekk dersom trekkbeløpet er under minstegrensene for forskotstrekk.
Grunnlag for arbeidsgivaravgift
Du skal berekne arbeidsgivaravgift av denne ytinga.
Skatte- og avgiftsregel
Dersom inntektsmottakaren oppfyller vilkåra, skal du bruke skatte- og avgiftsreglane:
Skatte- og avgiftsregelen gjeld:
- inntektsmottakarar som kjem inn under Svalbardskattelova
Dersom inntektsmottakaren oppfyller vilkåra skal du markere lønn og andre ytingar med «Svalbard».
Du må òg markere forskotstrekk som høyrer til, med nemninga «Svalbard».
Sjå utfyllande informasjon om forskotstrekk i a-meldinga
Hugs óg å oppgi riktig nemning av frådraget når det er ei eiga frådragsnemning for Svalbard, sjå fagforeiningskontingent, premie til pensjonsordningar, premie til fond og trygd og brakkeleige.
Skatte- og avgiftsregelen gjeld:
- sjøfolk som har krav på eit eige frådrag (sjømannsfrådrag) i lønn og andre ytingar,
- når dei har tent opp dette ved å arbeide om bord på skip i fart.
Dersom inntektsmottakaren oppfyller vilkåra skal du markere lønn og andre ytingar med «særskilt frådrag for sjøfolk».
Sjå òg utfyllande informasjon om særskilt frådrag for sjøfolk
Tilleggsinformasjon
- Nemning
Før opp «lønn frå den norske stat opptent i utlandet». - Talet på timar
Dersom du oppgir timelønn eller overtidsgodtgjersle, skal du òg føre opp talet på timar. - Oppteningsland
Før opp landkoden til det landet der inntekta er opptent.
Døme
Lise jobbar i utanrikstenesta og er busett i Belgia. Ho har ei fastlønn på 60 000 kroner. Desse opplysningane skal rapporterast om fastlønna:
| Beløp | 60 000 |
| Type lønn eller yting | kontantyting, fastlønn |
| Trekkplikt | ja |
| Grunnlag for arbeidsgivaravgift | ja |
| Skatte- og avgiftsregel | dersom aktuelt |
Tilleggsinformasjon: |
|
| Nemning | lønn frå den norske stat opptent i utlandet |
| Oppteningsland | BE |
Oppteningsperiode (frivillig)
Du kan oppgi oppteningsperiode for alle typar lønn og andre ytingar i a-meldinga. Både startdato og sluttdato for oppteningsperioden må vere innanfor same rapporteringsmånad.
Når skal du rapportere
Før opp ytinga den kalendermånaden du har utbetalt beløpet.
Rette feil
| MAGNET_EDAG-114 Ugyldig verdi |
| MAGNET_EDAG-114B Ugyldig verdi for denne kalendermånaden |
| MAGNET_EDAG-200 Denne inntekta er rapportert med feil opplysningar og er ugyldig |
| MAGNET_EDAG-230B Ugyldig verdi |
| MAGNET_EDAG-243 Opplysningar om oppteningsperiode er ugyldig |
| MAGNET_EDAG-298 Denne inntekta er rapportert med feil opplysningar og er ugyldig |
Kva brukar vi opplysningane til
NAV brukar opplysningar om lønn og andre ytingar til å rekne ut dagpengar og for å kontrollere ytingar som sjukepengar, foreldrepengar, uføretrygd og bidragsforskot.
Skatteetaten brukar opplysningar om inntekt frå den norske stat opptent i utlandet. Inntekta skal skattleggjast særskilt dersom mottakaren er skattemessig busett utanfor Noreg, jf. skattelova § 2-3 første ledd bokstav g. Beløpet blir overført til skattemeldinga.
Statistisk sentralbyrå (SSB) brukar opplysningane til statistikkføremål.
Aktuelt regelverk
