Trekkfri godtgjersle til kost på reise med overnatting på hotell
Gjeld godtgjersle til kost på reise med overnatting på hotell.
Kort om trekkfri godtgjersle til kost på reise med overnatting
I denne nemninga rapporterer du utgiftsgodtgjersle til arbeidstakar som har vore utsend på ei enkeltståande kortvarig reise under utøving av arbeidet (yrkes-/tenestereise).
Kostgodtgjersla kan utbetalast trekkfritt og er ikkje rekna for å gi overskott når ho er utbetalt etter følgjande vilkår:
- Det er levert reiserekning som følgjer krava i skattebetalingsforskrifta.
- Talet på døgn er spesifiserte i rapporteringa.
- Den årlege satsforskrifta til Skattedirektoratet er følgd.
Sjå Skattedirektoratet sine forskotssatsar for trekkfri kostgodtgjersle. Dersom frukost er inkludert i hotellovernattinga eller andre måltid i tillegg blir dekte/påspanderte, skal godtgjersla reduserast med 20 prosent for frukost, 30 prosent for lunsj og 50 prosent for middag.
Dersom du utbetaler kostgodtgjersle høgare enn Skattedirektoratet sine forskotssatsar per døgn, skal det overskytande beløpet oppgis som trekkpliktig godtgjersle til kost på reiser. Dersom kostgodtgjersla er opptent i 2023, men utbetalinga skjer i 2024, skal du for trekk- og skatteplikta leggje til grunn satsen på utbetalingstidspunktet i 2024.
Dei trekkfrie satsane (forskottssatsane) er like for reiser i Noreg og i utlandet.
Du rapporterer også kostgodtgjersle for pendlaropphald på hotell på denne nemninga. Vilkåra for trekkfri dekning til pendlar er at ein ikkje kan lage til eigen mat i tilknyting til hotellet (pendlarbustaden) og at satsen ikkje overstig satsane til Skattedirektoratet. For utanlandsk pendlar bruker du nemninga Trekkfri godtgjersle til kost til utanlandsk pendlar.
Kva for opplysningar skal du oppgi
| Beløp | x kroner |
| Type lønn eller yting | utgiftsgodtgjersle, reise kost med overnatting på hotell |
| Trekkplikt | nei |
| Grunnlag for arbeidsgivaravgift | nei |
| Skatte- og avgiftsregel | dersom aktuelt |
Tilleggsinformasjon: |
|
| Tal | talet på døgn |
Beløp
Før opp bruttobeløpet.
Type lønn eller yting
Før opp «utgiftsgodtgjersle» og «reise kost med overnatting på hotell».
Trekkpliktig
Ytinga er ikkje trekkpliktig.
Grunnlag for arbeidsgivaravgift
Du skal ikkje rekne arbeidsgivaravgift av ytinga.
Skatte- og avgiftsregel
Dersom inntektsmottakaren oppfyller vilkåra, skal du bruke skatte- og avgiftsreglane:
Skatte- og avgiftsregelen gjeld:
- inntektsmottakarar som kjem inn under Svalbardskattelova
Dersom inntektsmottakaren oppfyller vilkåra skal du markere lønn og andre ytingar med «Svalbard».
Du må òg markere forskotstrekk som høyrer til, med nemninga «Svalbard».
Sjå utfyllande informasjon om forskotstrekk i a-meldinga
Hugs óg å oppgi riktig nemning av frådraget når det er ei eiga frådragsnemning for Svalbard, sjå fagforeiningskontingent, premie til pensjonsordningar, premie til fond og trygd og brakkeleige.
Skatte- og avgiftsregelen gjeld:
- inntektsmottakarar som kjem inn under Jan Mayen-skattelova.
Dersom inntektsmottakaren oppfyller vilkåra skal du markere lønn og andre ytingar med «Jan Mayen og bilanda».
Du må òg markere forskotstrekk som høyrer til med «Jan Mayen og bilanda».
Sjå utfyllande informasjon om forskotstrekk i a-meldinga
Hugs óg å oppgi riktig nemning av frådraget når det er ei eiga frådragsnemning for Jan Mayen og bilanda, sjå fagforeiningskontingent og premie til pensjonsordningar.
Skatte- og avgiftsregelen gjeld:
- sjøfolk som har krav på eit eige frådrag (sjømannsfrådrag) i lønn og andre ytingar,
- når dei har tent opp dette ved å arbeide om bord på skip i fart.
Dersom inntektsmottakaren oppfyller vilkåra skal du markere lønn og andre ytingar med «særskilt frådrag for sjøfolk».
Sjå òg utfyllande informasjon om særskilt frådrag for sjøfolk
Tilleggsinformasjon
Før opp talet på døgn.
Talet på døgn du skal rapportere skal svare til talet på dagar/døgn med krav på diett.
Til dømes:
- varar reisa 1 døgn og 6 timar skal du føre opp 2 døgn
- varar reisa i 1 døgn og mindre enn 6 timar inn i neste døgn skal du føre opp 1 døgn
Oppteningsperiode (frivillig)
Du kan oppgi oppteningsperiode for alle typar lønn og andre ytingar i a-meldinga. Både startdato og sluttdato for oppteningsperioden må vere innanfor same rapporteringsmånad.
Når skal du rapportere
Før opp ytinga den kalendermånaden du har utbetalt beløpet.
Rette feil
| MAGNET_EDAG-114 Ugyldig verdi |
| MAGNET_EDAG-114B Ugyldig verdi for denne kalendermånaden |
| MAGNET_EDAG-200 Denne inntekta er rapportert med feil opplysningar og er ugyldig |
| MAGNET_EDAG-230B Ugyldig verdi |
| MAGNET_EDAG-243 Opplysningar om oppteningsperiode er ugyldig |
| MAGNET_EDAG-298 Denne inntekta er rapportert med feil opplysningar og er ugyldig |
Kva brukar vi opplysningane til
NAV brukar opplysningar om lønn og andre ytingar til å rekne ut dagpengar og kontrollere ytingar som sjukepengar, foreldrepengar, uføretrygd og bidragsforskot.
Skatteetaten brukar opplysningane til å sikre at arbeidstakaren ikkje krev frådrag for arbeidsgivaren si dekning. Eit eventuelt overskot skal overførast til skattemeldinga.
Statistisk sentralbyrå (SSB) brukar opplysningane til statistikkføremål.
Aktuelt regelverk
