Etteroppgjer uføretrygd frå folketrygda
Blir berre nytta av Arbeids- og velferdsetaten (NAV). Gjeld etteroppgjer av uføretrygd.
Kort om etteroppgjer av uføretrygd frå folketrygda
Før opp etteroppgjer av uføretrygd frå folketrygda etter folketrygdlova § 12-14 fjerde ledd. Gjeld positive etteroppgjer av ytingar du tidlegare har ført opp som Uføretrygd frå folketrygda.
Negative etteroppgjer skal du føre opp som Uføretrygd frå folketrygda.
Nemninga blir berre nytta for ytingar frå Arbeids- og velferdsetaten (NAV).
Om etteroppgjeret
Frå og med 1. januar 2015 får alle som tek imot eller blir innvilga uføretrygd frå folketrygda fastsett ei inntektsgrense. Inntektsmottakaren skal opplyse folketrygda om forventa inntekt og om endringar i inntekta.
Dersom inntektsmottakaren har fått utbetalt for lite eller for mykje i uføretrygd som følgje av at det er lagt til grunn urette opplysningar om inntekt, skal NAV gjennomføre eit etteroppgjer.
Etteroppgjeret skjer etter at skatteoppgjeret for det aktuelle året ligg føre. Dersom inntektsmottakaren ikkje har uføretrygd heile året, blir den pensjonsgivande inntekta nytta i perioden med uføretrygd.
Nye nemningar
Frå 1. januar 2015 heiter:
Uførepensjon frå folketrygda: uføretrygd
Uførepensjon frå andre enn folketrygda: uføreytingar
Nemninga uførepensjon blir òg framleis nytta.
Uføretrygd frå folketrygda og uføreytingar frå andre ordningar skal frå 1. januar 2015 skattleggjast som lønn.
Kva for opplysningar skal du oppgi
| Beløp | x kroner |
| Type lønn eller yting | kontantyting, uføreyting etteroppgjer |
| Trekkpliktig | ja |
| Grunnlag for arbeidsgivaravgift | nei |
| Skatte- og avgiftsregel | dersom aktuelt |
Tilleggsinformasjon: |
|
| Periode | startdato og sluttdato |
Beløp
Før opp bruttobeløpet.
Type lønn eller yting
Før opp «kontantyting» og «uføreyting etteroppgjer».
Trekkpliktig
Ytinga skal alltid førast opp som trekkpliktig.
Du kan late vere å gjennomføre forskotstrekk dersom trekkbeløpet er under minstegrensene for forskotstrekk.
Grunnlag for arbeidsgivaravgift
Du skal ikkje rekne arbeidsgivaravgift av ytinga.
Skatte- og avgiftsregel
Dersom inntektsmottakaren oppfyller vilkåra, skal du bruke skatte- og avgiftsreglar:
Skatte- og avgiftsregelen gjeld inntektsmottakarar som:
- ikkje er skattemessig busette i Noreg, og
- betalar kjeldeskatt på pensjonar
Du må markere forskotstrekk som høyrer til med «kjeldeskatt på pensjon».
Skatte- og avgiftsregelen og forskotsnemninga skal du ikkje bruke for ytingar som har kjeldeskatt på lønn.
Skatte- og avgiftsregelen gjeld:
- inntektsmottakarar som kjem inn under Svalbardskattelova
Dersom inntektsmottakaren oppfyller vilkåra skal du markere lønn og andre ytingar med «Svalbard».
Du må òg markere forskotstrekk som høyrer til, med nemninga «Svalbard».
Sjå utfyllande informasjon om forskotstrekk i a-meldinga
Hugs óg å oppgi riktig nemning av frådraget når det er ei eiga frådragsnemning for Svalbard, sjå fagforeiningskontingent, premie til pensjonsordningar, premie til fond og trygd og brakkeleige.
Tilleggsinformasjon
- Periode
Før opp startdatoen og sluttdatoen ytinga gjeld for
Oppteningsperiode (frivillig)
Du kan oppgi oppteningsperiode for alle typar lønn og andre ytingar i a-meldinga. Både startdato og sluttdato for oppteningsperioden må vere innanfor same rapporteringsmånad.
Positivt etteroppgjer
Dersom det er utbetalt for lite uføretrygd i tidlegare år, fører du opp etteroppgjeret for den månaden du har utbetalt beløpet og oppgir perioden etteroppgjeret gjeld for. Beløpet er då eit positivt beløp.
Døme på positivt etteroppgjer
NAV gjennomfører eit etteroppgjer i 2016 for William. Han har fått for lite i uføretrygd og NAV gjer ei ekstra utbetaling i november 2016. William har teke imot 11 000 kroner for lite for 2015.
| A-melding for november 2016 | ||
| Beløp | 11 000 | |
| Type lønn eller yting | kontantyting, uføreyting etteroppgjer | |
Tilleggsinformasjon: |
||
| Periode | 1. januar 2015 til 31. desember 2015 | |
| Forskotstrekk | - | 3000 |
I tillegg fører dei opp andre obligatoriske opplysningar.
Negativt etteroppjer
Dersom det er utbetalt for mykje uføretrygd i tidlegare år, skal du rette opp i uføretrygda som er oppgitt tidlegare, og ikkje oppgi dette i inntektsnemninga Etteroppgjer uføretrygd frå folketrygda (NAV). Dersom feilutbetalinga gjeld fleire kalendermånader, må du rette for alle kalendermånadene det gjeld.
Før 2020 var praksis at endring av a-melding først skulle gjerast når feilutbetalinga faktisk var tilbakebetalt. Praksis blir frå endra 2020. Endringa er ikkje gitt tilbakeverkande kraft på eldre saker. Dette inneber at rapporteringstidspunktet er valfritt for tilbakebetalingskrav som vart endeleg stifta før januar 2020.
Merk!
Negative etteroppgjer av uføretrygd skal du ikkje oppgi i inntektsnemninga for etteroppgjer. Etteroppgjer for uføreytingar frå andre enn folketrygda blir rapportert på ein annan måte enn uføretrygd frå folketrygda.
Døme på negativt etteroppgjer
NAV gjennomfører eit etteroppgjer i 2020 for Emma. Ho har teke imot for mykje i uføretrygd og ho får eit krav om å betala tilbake for mykje utbetalt netto.
Brutto har Emma teke imot 6 000 kroner for mykje for 2019. Netto utbetalt er 4 200 kroner. Ettersom Emma skal betala tilbake nettobeløpet, må ein òg rette forskotstrekket, slik at Emma ikkje får dette godskrive.
|
A-melding for kvar einskild månad i 2019 (januar til desember) |
||
| Beløp | - | 500 |
| Type lønn eller yting | kontantyting, uføretrygd | |
| Forskotstrekk | 150 | |
I tillegg fører dei opp andre obligatoriske opplysningar.
Når skal du rapportere
Er det eit positivt etteroppgjer, fører du opp ytinga den kalendermånaden du har utbetalt beløpet.
Er etteroppgjeret negativt, skal ein oppgi etteroppgjeret ved å korrigere tidlegare rapportert uføretrygd. Gjeld det fleire kalendermånader må alle kalendermånadene korrigerast.
Rette feil
| MAGNET_EDAG-114 Ugyldig verdi |
| MAGNET_EDAG-114B Ugyldig verdi for denne kalendermånaden |
| MAGNET_EDAG-200 Denne inntekta er rapportert med feil opplysningar og er ugyldig |
| MAGNET_EDAG-230B Ugyldig verdi |
| MAGNET_EDAG-243 Opplysningar om oppteningsperiode er ugyldig |
| MAGNET_EDAG-248 Ulogisk periode |
| MAGNET_EDAG-260 Start- og sluttdato for etterbetalingsperiode må vere innanfor same år |
| MAGNET_EDAG-298 Denne inntekta er rapportert med feil opplysningar og er ugyldig |
Kva nyttar vi opplysningane til
Skatteetaten brukar opplysningar om uføretrygd til å fastsetje inntekt. Beløpet blir summert med andre ytingar og overført til skattemeldinga.
Statistisk sentralbyrå (SSB) nyttar opplysningane til statistikkføremål.
