Trekkpliktig stipend
Gjeld trekkpliktig stipend til til dømes utdanning og reise.
Kort om trekkpliktig stipend
Før opp trekkpliktig stipend.
Stipend er i utgangspunktet skattepliktig og trekkpliktig når
- det er så nær samanheng mellom det utførte arbeidet og den fordel som er oppnådd, at det er naturleg å sjå stipendet som ein fordel vunnen ved arbeid, eller
- stipendet blir utbetalt som ein regelbunden personleg stønad som skattytaren har krav på etter lov eller avtale.
Døme på skattepliktige og trekkpliktige stipend:
- Forskingsstipend som blir utbetalt i arbeidsforhold
Forskingsstipend utbetalt utanfor arbeidsforhold som skal erstatte arbeidsinntekt, er skattepliktig. Når ein vurderer om stipendet erstattar arbeidsinntekt legg ein mellom anna vekt på om stipendet er stort nok til å bidra vesentleg til å dekkje dei vanlege levekostnadene til mottakaren. Skatteplikta gjeld sjølv om mottakaren ikkje har noko rettsleg plikt til bestemte prestasjonar overfor stipendytaren. Skatteplikta gjeld anten stipendet blir utbetalt som eit bestemt beløp per månad eller som eit eingongsbeløp. - Idrettsstipend
Statsstipendet og toppidrettsstipendet er skattepliktige, med frådrag av utgifter som gir frådragsrett. Ei eventuell dekning av tapt arbeidsforteneste skal takast med i skattepliktig overskot. - Kunstnarstipend
Æres- og kulturprisar utdelt av staten, fylkeskommune eller kommune, er skattefrie. Reise-, studie-, og vikarstipend, etablerings- og materialstipend, og etableringsstipend for forfattarar er skattepliktig i den grad stipendet overstig utgiftene stipendet skal dekkje og som gir rett til frådrag etter vanlege reglar. - Utdanningsstipend
Spørsmålet om skatteplikt har samanheng med ei rekkje konkrete forhold, og bør takast opp med skattekontoret - Reisestipend
Overskot på reisestipend i arbeidsforhold er skattepliktig. Slikt stipend utanfor arbeidsforhold må vurderast konkret – kontakt skattekontoret.
Enkelte stipend kan på visse vilkår være trekkfrie.
Sjå utdjupande informasjon om stipend i Skatte-ABC.
Kva for opplysningar skal du oppgi
| Beløp | x kroner |
| Type lønn eller yting | utgiftsgodtgjersle, stipend |
| Trekkplikt | ja |
| Grunnlag for arbeidsgivaravgift | ja/nei |
| Skatte- og avgiftsregel | dersom aktuelt |
| Tilleggsinformasjon | - |
Beløp
Før opp bruttobeløpet.
Type lønn eller yting
Før opp «utgiftsgodtgjersle» og «stipend».
Trekkpliktig
Ytinga skal alltid førast opp som trekkpliktig.
Du kan late vere å gjennomføre forskotstrekk dersom trekkbeløpet er under minstegrensene for forskotstrekk.
Grunnlag for arbeidsgivaravgift
Du skal berekne arbeidsgivaravgift av denne ytinga.
Unnatak:
Du kan berre late vere å berekne arbeidsgivaravgift når inntektsmottakaren
- kjem inn under trygdelovgivinga i eit anna land i samsvar med ein sosialkonvensjon eller EØS-avtalen
- er ein utanlandsk arbeidstakar som ikkje er medlem av folketrygda og som arbeider på norsk kontinentalsokkel eller i norsk territorialfarvatn
Arbeidstakar har i nokre tilfelle stadfesting på at medlemskap blir halde aktivt hos eiga trygdestyresmakt (A1 eller annan blankett). NAV Medlemskap og avgift vurderer all dokumentasjon og registrerer eit eventuelt unntak frå medlemskap i folketrygda med periode, og om unntaket gjeld heile eller delar av folketrygda. Registrert unntak frå medlemskap i norsk folketrygd blir sendt elektronisk frå NAV til Skatteetaten.
Det er berre registrert unntak hos Skatteetaten som gir arbeidsgivar fritak frå å berekne arbeidsgivaravgift for arbeidstakar.
Skatteetaten kan fastsetje arbeidsgivaravgift for arbeidsgivar viss arbeidstakar ikkje er registrert med unntak og rapportert lønn eller yting ikkje inngår i avgiftspliktig grunnlag.
Arbeidsgivar eller den tilsette kan kontakte NAV for å spørje om unntak frå medlemskap i folketrygda er registrert.
Skatte- og avgiftsregel
Dersom inntektsmottakaren oppfyller vilkåra, skal du bruke skatte- og avgiftsreglane:
Skatte- og avgiftsregelen gjeld:
- inntektsmottakarar som kjem inn under Svalbardskattelova
Dersom inntektsmottakaren oppfyller vilkåra skal du markere lønn og andre ytingar med «Svalbard».
Du må òg markere forskotstrekk som høyrer til, med nemninga «Svalbard».
Sjå utfyllande informasjon om forskotstrekk i a-meldinga
Hugs óg å oppgi riktig nemning av frådraget når det er ei eiga frådragsnemning for Svalbard, sjå fagforeiningskontingent, premie til pensjonsordningar, premie til fond og trygd og brakkeleige.
Skatte- og avgiftsregelen gjeld:
- inntektsmottakarar som kjem inn under Jan Mayen-skattelova.
Dersom inntektsmottakaren oppfyller vilkåra skal du markere lønn og andre ytingar med «Jan Mayen og bilanda».
Du må òg markere forskotstrekk som høyrer til med «Jan Mayen og bilanda».
Sjå utfyllande informasjon om forskotstrekk i a-meldinga
Hugs óg å oppgi riktig nemning av frådraget når det er ei eiga frådragsnemning for Jan Mayen og bilanda, sjå fagforeiningskontingent og premie til pensjonsordningar.
Skatte- og avgiftsregelen gjeld:
- sjøfolk som har krav på eit eige frådrag (sjømannsfrådrag) i lønn og andre ytingar,
- når dei har tent opp dette ved å arbeide om bord på skip i fart.
Dersom inntektsmottakaren oppfyller vilkåra skal du markere lønn og andre ytingar med «særskilt frådrag for sjøfolk».
Sjå òg utfyllande informasjon om særskilt frådrag for sjøfolk
Dersom du sender a-melding for ein skattefri organisasjon, kan du bruke skatte- og avgiftsregelen:
Dersom du sender a-melding for ein skattefri organisasjon (skattefrie selskap, foreiningar og institusjonar som nemnt i skattelova § 2-32 første ledd), kan du markere lønna eller ytinga med "skattefri organisasjon".
Gjer du dette, treng du ikkje vurdere om inntektsmottakaren kjem til å passere grensa for opplysningsplikta på 10 000 kroner i løpet av året. Ein må då nytte markeringa frå første krone og for utbetalingar heile året.
Tilleggsinformasjon
Ingen tilleggsinformasjon.
Oppteningsperiode (frivillig)
Du kan oppgi oppteningsperiode for alle typar lønn og andre ytingar i a-meldinga. Både startdato og sluttdato for oppteningsperioden må vere innanfor same rapporteringsmånad.
Når skal du rapportere
Før opp ytinga den kalendermånaden du har utbetalt beløpet.
Rette feil
| MAGNET_EDAG-114 Ugyldig verdi |
| MAGNET_EDAG-114B Ugyldig verdi for denne kalendermånaden |
| MAGNET_EDAG-200 Denne inntekta er rapportert med feil opplysningar og er ugyldig |
| MAGNET_EDAG-230B Ugyldig verdi |
| MAGNET_EDAG-243 Opplysningar om oppteningsperiode er ugyldig |
| MAGNET_EDAG-298 Denne inntekta er rapportert med feil opplysningar og er ugyldig |
Kva brukar vi opplysningane til
NAV brukar opplysningar om lønn og andre ytingar til å rekne ut dagpengar og kontrollere ytingar som sjukepengar, foreldrepengar, uføretrygd og bidragsforskot.
Skatteetaten brukar opplysningar om trekkpliktig stipend til å fylle ut skattemeldinga på førehand og til kontroll.
Statistisk sentralbyrå (SSB) brukar opplysningane til statistikkføremål.
Aktuelt regelverk
