Barnepensjon frå gammal IPS eller IPA
Gjeld utbetalingar av barnepensjon frå gammal IPS eller IPA, som er utbetalt frå og med januar 2024.
Nytt frå 2025
Denne nemninga er gyldig frå og med januar 2024 til og med desember 2024. Brukar du denne nemninga for periodar før 2024 vil a-meldinga bli avvist. Frå 2025 skal nemninga berre brukes når du rapporterar etterbetalingar for periodar i 2024.
Kort om barnepensjon frå gammal IPS eller IPA
Før opp utbetaling av barnepensjon etter lov om individuell pensjonsordning (IPS) og etter pensjonsavtale etter skattelova (IPA). Barnepensjonen skal førast opp på barnet.
Unnatak:
Utbetaling av barnepensjon frå den nye ordninga om individuell sparing til pensjon, jf. FSFIN § 6-47 A, som tok til å gjelde 1. november 2017, skal du rapportere i RF 1301 (Grunnlagsdata – individuelle pensjonsordningar).
Kva for opplysningar skal du oppgi
| Beløp | x kroner |
| Type lønn eller yting | kontantyting, IPA eller IPS barnepensjon |
| Trekkpliktig | ja |
| Grunnlag for arbeidsgivaravgift | nei |
| Skatte- og avgiftsregel | - |
Tilleggsinformasjon: |
|
| Periode (ved etterbetaling) | startdato og sluttdato |
Beløp
Før opp bruttobeløpet.
Type lønn eller yting
Før opp «kontantyting» og «IPA eller IPS barnepensjon».
Trekkpliktig
Du skal alltid føre opp ytinga som trekkpliktig, sjølv om du ikkje gjennomfører trekk.
Unnatak frå trekkplikta
Det er gitt eit særskilt trekkfritak for barnepensjon frå andre enn folketrygda, med mindre det etter same arbeidstakar og frå den same innretninga også blir utbetalt etterlatnepensjon til den som har foreldreansvar etter barnelova § 38.
Frivillig forskotstrekk i barnepensjon skal du som hovudregel rapportere med nemninga barnepensjon, sjå nærmare informasjon om forskottstrekk på barnepensjon.
Du kan late vere å gjennomføre forskotstrekk dersom trekkbeløpet er under minstegrensene for forskotstrekk.
Grunnlag for arbeidsgivaravgift
Du skal ikkje rekne arbeidsgivaravgift av ytinga.
Tilleggsinformasjon
- Periode (gjeld berre ved etterbetaling)
Før opp startdatoen og sluttdatoen ytinga gjeld for.
Oppteningsperiode (frivillig)
Du kan oppgi oppteningsperiode for alle typar lønn og andre ytingar i a-meldinga. Både startdato og sluttdato for oppteningsperioden må vere innanfor same rapporteringsmånad.
Når skal du rapportere
Før opp ytinga den kalendermånaden du har utbetalt beløpet.
Etterbetale
Skal du etterbetale, fører du opp beløpet og perioden det gjeld for i den kalendermånaden du har utbetalt beløpet.
Dersom du skal etterbetale beløp som tilhøyrer 2023 eller tidligere år må du bruke nemninga Barnepensjon frå gammel IPA/IPS .
Døme
NAV skal etterbetale 10 000 kroner til William for perioden 1. januar 2024 til 31. desember 2024.
| Beløp | 10 000 kroner |
| Tilleggsinformasjon: | |
| Periode | 1. januar 2024 til 31. desember 2024 |
I tillegg fører dei opp andre obligatoriske opplysningar.
Fleire inntektsår
Dersom etterbetalinga gjeld fleire inntektsår, skal beløpet delast opp i éin transaksjon per inntektsår.
Døme
NAV skal etterbetale 20 000 kroner til Ella for perioden 1. januar 2024 til 31. desember 2025.
| 2024 | |
| Beløp | 10 000 kroner |
| Tilleggsinformasjon: | |
| Periode | 1. januar 2024 til 31. desember 2024 |
I tillegg fører dei opp andre obligatoriske opplysningar.
| 2025 | |
| Beløp | 10 000 kroner |
| Tilleggsinformasjon: | |
| Periode | 1. januar 2025 til 31. desember 2025 |
I tillegg fører dei opp andre obligatoriske opplysningar.
Rette feil
| MAGNET_EDAG-114 Ugyldig verdi |
| MAGNET_EDAG-114B Ugyldig verdi for denne kalendermånaden |
| MAGNET_EDAG-200 Denne inntekta er rapportert med feil opplysningar og er ugyldig |
| MAGNET_EDAG-230B Ugyldig verdi |
| MAGNET_EDAG-243 Opplysningar om oppteningsperiode er ugyldig |
| MAGNET_EDAG-248 Ulogisk periode |
| MAGNET_EDAG-260 Start- og sluttdato for etterbetalingsperiode må vere innanfor same år |
| MAGNET_EDAG-298 Denne inntekta er rapportert med feil opplysningar og er ugyldig |
Kva nyttar vi opplysningane til
NAV brukar opplysningane i kontrollar.
Skatteetaten brukar opplysningar om pensjon og trygd til å fastsetje inntekt. Beløpet blir summert med andre ytingar og overført til skattemeldinga.
Statistisk sentralbyrå (SSB) nyttar opplysningane til statistikkføremål.
